نص تسريب مكتب السيسي .. عباس كامل لأحمد على: كلم الواد .. الحسيني

تنشر المشهد نص التسريب الجديد للواء عباس كامل مدير مكتب وزير الدفاع السابق والرئيس الحالي عبد الفتاح السيسي ، يتحدث عباس كامل إلى العقيد أحمد علي المتحدث باسم القوات المسلحة وقتها ويدعوه إلى الاتصال بالإعلاميين ومطالبتهم بالتصدي للحملة التي كان يتعرض لها السيسي المرشح وقتها للرئاسة
وهذا نص ماقاله اللواء عباس كامل للعقيد أحمد علي:
- ملاحظين إن في حملة ابتدت تشتغل لمحاولة تشويه صورة المشير السيسي. . عايزين نوصل للناس هل ده بقى يعجبك كدا يا شعبنا يامصري يعجبك الراجل اللي ضحى علشانك بعمله وكلام من ده.
تقولوا الشقة ستة وستة ألف وستة ب وكلام من ده أنتوا عاوزين وزير دفاع يقعد فين؟! .. وبعدين تتكلموا على العجلة.. ويطلع صحفي يقول كذا، ويحاول يزج بالقوات المسلحة هوا ده اللي جناه السيسي.. عيب. -
المشير ده راجل من أول لحظة قالك أنا بحترم كل اللي موجودين.. كل الموجودين.. السيسي رجل شجاع متميز حر مصري وطني ليه مبنحافظش عليها.. انت شايف الكلام .. أنت بتكتب ولا لأ. - إزاي تسيبوهم يقعدوا يشككوا فيه ويشككوا في ناس.. الناس المحترمة اللي مشفناش منها إلا كل خير. - السيسي يعمل إيه وهوا في في الحالة الموقف فيه ده وهو مهدد هوا وولاده وبناته وأحفاده .
- عاوز الأمور تتناول كدا.. أحمد موسى بقى على وائل الإبراشي على إبراهيم عيسى على… على… على…على..على. - والعيال بقى بتوع الأون تي في على أماني على هنا على هنا على بتاع.. تمام. - إيه المشكلة يعني.. إنتوا متخيلين إن ناس زي دي هتغلط ولا هتزور ولا هتعمل ولا هتسوي. - وقول بقى على القصة بتاعة الحملة وإن في لايحة داخلية معمولة للحملة بنتظم كل حاجة.
- ده مطلق الحرية للشعب المصري.. عاوز يديني.. مش عاوز ميدينيش. - عاوزين نعمل حالة كدا يا أحمد ونهيج بيها الناس يعني وهيا بتتقال يهيجوا بيها الناس .. الشعب .
- عباس كامل لأحمد علي: عندك رولا وعندك البت بتاعتنا عزة مصطفى. ومحمود سعد مش هنا.. انت عارف.. قولتلك إن محمود سعد كلمني. - وبعدين في النهاية نبقى لبسنا العمة إن في حملة مدبرة ضد السيسي.
- محمود سعد قالي يا سيادة اللوا واحشني وأخبارك إيه، وأيه يا جماعة في إيه.. قولت له في إيه.. وقابلت مين. - قالي أنا عملت إيه ياجماعة ما إحنا اتفقنا واتقابلنا وأنا محب ومؤيد.. قلت له يااا محمود إحنا مبنزعلش من حاجة. - قلته عموما شوف الأسبوع الجاي لو تحب نشوفك وكدا ونقعد.. تحت أمرك وكدا. - نسيبه دلوقتي.. وماله.. وماله مش هيخسر إن شاء الله لغاية الانتخابات وبعدين يبقى يدينا بالجزمة. - أعمل حالة مش لازم في كله النهاردة.. يعني عندك مثلا نائلة عمارة.. النهاردة.. عندك أسامة كمال. - كلم رولا.. كلم محمود مسلم.. كلم الواد اسمه إيه.. "الحسيني". - كلم إبراهيم عيسى وقوله الراجل "السيسي" مستاء جدا وصعبان عليه إن الناس تعمل فيه كدا. - المشيرمش عاوز من الناس حاجة.. هوا لو عاوزينه دلوقتي يسحب ترشيحه هيسحب وهيقعد في بيتهم مش عايز حاجة. - المشير مش عايز حاجة خالص ولا انتخابات ولا نيلة ولا زفت ولا كلام من ده .. إنما ليه الإهانة وليه التشكيك لييه.
تسريب مكتب السيسي كامل
تسريب مكتب السيسي كامل