النص الكامل لتسريبات الأذرع الإعلامية من داخل مكتب السيسي

نشرت الصفحة الرسمية لقناة مكملين الفضائية النص الكامل للتسريب الذي أذاعته من داخل مكتب عبدالفتاح السيسي قائد الانقلاب العسكري حول أذرعه الإعلامية.
تفريغ نصي لتسريب مكتب السيسي الخاص بإدارة الجيش للأذرع الإعلامية بمدينة الإنتاج الإعلامي.
عباس كامل لأحمد علي:
ملاحظين ان في حملة ابتدت تشتغل لمحاولة تشويه صورة المشير السيسي، عايزين نوصل للناس هل ده بقى يعجبك كدا يا شعبنا يامصري يعجبك الراجل اللي ضحى علشانك بعمله وكلام من ده، تقولوا الشقة ستة وستة ألف وستة ب وكلام من ده أنتوا عاوزين وزير دفاع يقعد فين ؟! - عباس كامل : وبعدين تتكلموا على العجلة.. ويطلع صحفي يقول كذا، ويحاول يزج بالقوات المسلحة هوا ده اللي جناه السيسي.. عيب، المشير ده راجل من أول لحظة قالك أنا بحترم كل اللي موجودين.. كل الموجودين، السيسي رجل شجاع متميز حر مصري وطني ليه مبنحافظش عليها.. انت شايف الكلام .. أنت بتكتب ولا لأ، ازاي تسيبوهم يقعدوا يشككوا فيه ويشككوا في ناس.. الناس المحترمة اللي مشفناش منها الا كل خير، السيسي يعمل ايه وهوا في في الحالة الموقف فيه ده وهو مهدد هوا وولاده وبناته وأحفاده، عاوز الأمور تتناول كدا .. أحمد موسى بقى على وائل الإبراشي على إبراهيم عيسى على… على… على…على..على، والعيال بقى بتوع الأون تي في على أماني على هنا على هنا على بتاع.. تمام، إيه المشكلة يعني.. انتوا متخيلين إن ناس زي دي هتغلط ولا هتزور ولا هتعمل ولا هتسوي، وقول بقى على القصة بتاعة الحملة وإن في لايحة داخلية معمولة للحملة بنتظم كل حاجة، ده مطلق الحرية للشعب المصري.. عاوز يديني.. مش عاوز ميدينيش، عاوزين نعمل حالة كدا يا أحمد ونهيج بيها الناس يعني وهيا بتتقال يهيجوا بيها الناس .. الشعب، عندك رولا وعندك البت بتاعتنا عزة مصطفى ومحمود سعد مش هنا.. انت عارف.. قولتلك إن محمود سعد كلمني، وبعدين في النهاية نبقى لبسنا العمة ان في حملة مدبرة ضد السيسي - عباس كامل : محمود سعد قالي يا سيادة اللوا واحشني وأخبارك ايه وأيه يا جماعة في ايه.. قولت له في إيه.. وقابلت مين - عباس كامل: قالي أنا عملت إيه ياجماعة ما احنا اتفقنا واتقابلنا وأنا محب ومؤيد.. قلت له يااا محمود احنا مبنزعلش من حاجة - عباس كامل : قلته عموما شوف الأسبوع الجاي لو تحب نشوفك وكدا ونقعد.. تحت أمرك وكدا، نسيبه دلوقتي ..وماله.. وماله مش هيخسر إن شاء الله لغاية الانتخابات وبعدين يبقى يدينا بالجزمة، اعمل حالة مش لازم في كله النهاردة .. يعني عندك مثلا نائلة عمارة .. النهاردة ..عندك أسامة كمال، كلم رولا.. كلم محمود مسلم .. كلم الواد اسمه ايه .. " الحسيني "، كلم إبراهيم عيسى وقوله الراجل ( السيسي) مستاء جدا وصعبان عليه إن الناس تعمل فيه كدا، المشيرمش عاوز من الناس حاجة.. هوا لو عاوزينه دلوقتي يسحب ترشيحه هيسحب وهيقعد في بيتهم مش عايز حاجة. - عباس كامل : المشير مش عايز حاجة خالص ولا انتخابات ولا نيلة ولا زفت ولا كلام من ده .. إنما ليه الإهانة وليه التشكيك ليه