بالفيديو.."الشرق" الإخوانية تزعم نشرها تسريب منسوب لمدير مكتب السيسي و النائب العام والفريق حجازي

وليد حمدي


زعم برنامج "مع معتز" المذاع على فضائية "الشرق" الإخوانية ، أنها لديها ما أسمته بتسريب منسوب للواء عباس كامل ، مدير مكتب الرئيس عبدالفتاح السيسي ، والمستشار هشام بركات ، النائب العام والفريق محمود حجازي ، رئيس أركان القوات المسلحة ..
وتضمن التسريب مكالمة هاتفية بين مدير المكتب والنائب العام وكان كالتالي :
عباس : أهلا أهلا سعادة النائب ..ازي حضرتك والله كنت هكلم حضرتك دلوقتي .
عباس : الموضوع ..النهاردة ..سلسلة كنت بره ..فمكنتش هنا كنت بره ..ازي حضرتك ..
عباس : طب انا هراجع كده يافندم انا لسه راجع فهشوف حاضر .
عباس : طيب ماشي ماشي..نعم ..طيب تمام .
عباس : والنبي يافندم برضه كنت عايز اقول لحضرتك على حاجة ..
عباس : حسن محمد حسنين هيكل .بس هو طبعا الراجل يعني متئذي جدا من موقف ابنه ..يعني بيقول ابنه معملش حاجة ومش عارف ايه .
عباس : والقضية متبتش فيها ولا أي حاجة ..وهم زاجينه ومش عارف مين زاقه في الموضوع في النص .وهي القضية بالنسبة له مش أن القضية فيها حاجة .
عباس : القضية تمشي زي ما هي ..بس هو مدرج ..لا عارف ييجي ولا يروح ولا كلام من ده .
عباس : ياريت والنبي ياسعادة النائب ..وهو الراجل محترم يعني .
عباس : ياريت يافندم ..بعد اذنك..طيب يافندم ..ربنا يخليك ..تسلم ..مع السلامة .

ثم بثت القناة الاخوانية تسريب أخر منسوب بين مدير مكتب السيسي والفريق محمود حجازي ، رئيس اركان القوات المسلحة ، على حد زعمها ، وتضمن الاتي :
عباس : وبعدين في الوزير ده ..عاوزين نخلص ورانا 100 حاجة .؟!!
حجازي : هو الموضوع ايه ؟
عباس : مش عارف قال نازل للواء العصار وطالع على طول وماجاش .
حجازي : يعني هو مع اللواء العصار ..
عباس : أه ..قالي نازل عاوزه ومم
حجازي : طب كويس أن انت قلتلي انا كنت نازل للعصار .
عباس : لا كويس ان سيادتك منزلتش هئ
حجازي : الوزير مش هنا الوزير .
عباس : لا تحت ..حاجة حاجة ال25 يناير دي والثورة دي واللي عملوا الامور دي يعني ظلم ناس كتيرة .
حجازي : أيه ؟
عباس : ناس حسين هيكل بيكلمني على ابنه ..بيقولي ولا له علاقة بأي حاجة ..بس عشان قال يعملوا القضية وبتاع قضية جمال مبارك بتاعة البورصة وكلام من ده ..قاموا مدخلين ده معاهم ..ولا له في اللقطة ولا في الديل ولا كان موجود ولا كان بتاع ولا كان ..والقاضي كل شوية يرجع القضية يقولهم مفيهاش حاجة .وانتو عاملين قضية من لا شيئ يقوموا ردينهالو تاني ..فهيتنحي ..والناس يفضل مصيرها متعلق تلات اربع سنين .
حجازي : هصلي العصر ..
عباس : عاوز سيادتك تصلي هناك ؟يعني احنا مش ممكن الطلبات دي .
حجازي : ماشي
يذكر ان التسريب المزعوم لا يثبت أي شيئ أو التأكد من صحته .