أزمة أنابيب البوتاجاز تتفاقم بالغربية والحكومة تتجاهل

تتفاقم ازمه اسطوانه البوتجاز فى الأونه الأخيره بمحافظة الغربية بشكل ملحوظ حيث يعانى الاهالى بشتى مراكز المحافظه من عدم توافر إسطوانة البوتجاز ويؤكد الاهالى استيائهم الشديد من هذه الازمة متسائلين الى متى ستظل كل هذه الازمات بالمحافظة والى متى هذا الصمت من المسؤلين .
يقول "حسن العربى" من ابناء مدينة "السنطه" احنا بنفضل واقفين من الفجر لحد بليل عشان نجيب انبوبه وفى الاخر العربية مش بتيجى ولو جيت بيحصل خناقات عشان الحصه بتيجى ناقصه حتى وصلت سعر الأنبوبة ل 60 جنيه .
وتقول الحاجه "عزيزة" من أمام مستودع "سمنود" أنا ست كبيره ومش حمل تعب الانابيب ده وولادى مسافرين أعمل إيه يعنى الأنابيب غالية قلنا عادى بس كمان مش و هى مش الحكومه اللى فاتت كانت هتجيب لينا الأنابيب لحد البيت الحكومه دى مش بتعمل كدا ليه ؟.
واضاف "عبدالرحمن سعيد" إحنا فى طنطا مش حاسين اوى بالأزمه عشان الغاز الطبيعى فى معظم الاماكن بس بنعانى من مشكلة الكهربا وقلقانين منها .
وقال "انس ناجى" من ابناء مركز "بسيون" احنا لازم نستحمل عشان الشتا معروف ان فيه ازمه والحكومة ملهاش ذنب وأضاف "احمد الجندى" طالب بالاعداديه "هو الاعلام مش بيتكلم ليه وانا بقول للحكومه لو مش قد الشيله متشيلوش ومصر كبيره عليكم .