أستاذ جامعي يتحرش بالطالبات والعميدة تتستر عليه

جابر القرموطي: ومعانا واحده من ال 44 طالبة اللي ماضيين على البيان .. الو
الطالبة: يا استاذ جابر احنا عملنا البيان ده و بعتناه لحضرتك لأن الجامعة مش بتعمل حاجه .. و العميده بتهددنا بالسقوط و قفلت علينا المدرج و مضتنا بالاكراه على تعهد ان الدكتور محمد مفيش احسن منه و انه ما عملش حاجه.
جابر القرموطي: طب اهدي بس و احكيلنا.
الطالبة: يا استاذ جابر الدكتور ده من كلية علوم و منتدب عندنا في رياض اطفال دمنهور و بيتحرش بينا لفظيا و جسديا و مفيش واحده ما قالهاش تعالي معايا شقتي اللي ف اسكندرية و انا هجيبلك و اعملك و اسويلك.
جابر القرموطي: طب ما اشتكيتوش لرئيس الجامعة ليه؟
الطالبة: اشتكينا و رئيس الجامعة بيحول الشكوى للعميدة و العميدة مش بتعمله حاجة.
القرموطي: طب معانا الدكتورة فلانه من هيئة التدريس في الكلية.. تقدري حضرتك تثبتيلنا اللي بتقوله الطالبة؟
الدكتورة: حصل يا فندم و سيادة العميدة هددت الطالبات بزوجها لواء الشرطة.
القرموطي: نعم؟
الدكتورة: ايوة يا فندم و سيادة العميدة لأن عليها مخالفات ادارية و مالية كتير مش عايزة تعمل شوشرة.
جابر القرموطي: طب احنا معانا سيادة العميد الدكتورة فلانه عالتليفون .. الو .. ممكن يا فندم تردي على ادعاءات الطالبة؟
العميد: الطالبات دول اخوان.
القرموطي: كلهم اخوان؟
العميد: كلهم اخوان ومحدش اشتكالي اصلا.. و الدكتورة اللي اتكلمت قيادية في الحرية و العدالة.
الدكتورة في حالة غليان: انا مش اخوان و مش حرية و عدالة و مش حزب نور والله .. اقسم بالله دي كذابة.
الطالبة: اه والله كذابة لأننا اشتكينالها و هددتنا وقفلت علينا المدرج و مضتنا على اقرارات.
جابر القرموطي للعميدة: طب حضرتك إيه رأيك في الدكتور فلان؟
العميدة: الدكتور فلان قمة في الاخلاق و التربية و كل دي ادعاءات و تمثيلية من الاخوانجيات اللي عايزين يوقفوا سير الدراسة.
الطالبة: يا استاذ جابر الدكتور ده كان موقوف عن العمل اربع سنين في كليته اللي منتدب منها لأنه اغتصب معيد.
جابر القرموطي: نعم !!!!! .. يا دكتورة بتقولك اغتصب معيدة في الكلية اللي منتدب منها و اتوقف 4 سنين .. انتي ما شفتيش الملف بتاعه؟
الطالبة: يا فندم بقولك اغتصب معيد مش معيدة.
جابر القرموطي: (صمت) (ذهول)
العميدة: لأ يا فندم .. الدكتور الملف بتاعه مش عندي انما ف الكلية بتاعته.. انما هو خلوق.
جابر القرموطي: (صمت)
العميدة: كل اللي بيحصل ده يا فندم تمثيليه لأن الطالبات الاخوانجيات عايزين يوقفوا سير العمل و يرفعوا شعارات رابعة في الجامعه.