الصاوي: التعويذة عبارة عن كم سطر كتبهم أحمد مراد بالعربي وقلبنا الحروف بس كده قال سامح أبو عرايس، -محلل البورصة كما يصف نفسه على صفحته الشخصية على الفيس بوك-، إن هياج الشباب على الدولة في ذكرى ثورة يناير، جاء بسبب تعويذة سحرية في فيلم الفيل الأزرق الذي عرض فى عيد الأضحى الماضي. وأضاف أبو عرايس، في تدوينة على صفحته الرسمية على الفيس بوك، أن التعويذة تهدف لسيطرة اليهود على الشباب لتحريكهم على الدولة. وقال: «الشباب الهايج على الدولة الأيام دي هو بسبب التعزيمة السحرية اللي قالها خالد الصاوي في فيلم الفيل الأزرق وأيامها لما قلت كده الناس استغربت . التعزيمة دي كانت بكلمات بابلية وعبرية قديمة وتؤثر على ناس كتير من اللي سمعوها وتجعلهم تحت سيطرة اليهود لتحريكهم ضد الدولة . يعني الشباب دول مسحورين علشان كده لو اتكلمت مع حد منهم تلاقيه اتنرفز واتعصب لأنه مسحور وتعرض لتعزيمة سحرية !!» وسأله معلقون على صفحته عن سبب عدم تأثرهم بالتعويذة، فرد أبو عرايس: «السحر لا يؤثر فى كل الناس»، معتبرا الفيلم شيطانى ماسونى . ورد الفنان خالد الصاوى، على أبو عرايس على حسابه الرسمى على موقع "فيس بوك"، قائلا: «انا بقالي خمس دقايق بضحك لحد ما دموعي نزلت فعلا وده لم يحدث لي ابدا مع اني بقالي خمسين سنة بضحك». وأضاف الصاوى : «ختاما يا سادة.. التعويذة في الفيل الازرق مش اي لغة، دي حاجة اخترعناها انا ومروان وأحمد مراد المؤلف، وهي عبارة عن كم سطر كتبهم مراد بالعربي ثم قلبنا الحروف بس كده.. ان المطلوب نحسس المشاهد انها لغة من عائلة اللغات الشرقية القديمة اللي ممكن نائل يتكلمها لحظة غضبه وتكبره فيواجهه البطل اللي حل اللغز باسم من اسماء الله الحسنى -المانع- فيتحرق».