نادي الأصدقاء - الله حي الريس جي

الله حي .. الريس جاي
جاي وشايل سيف الحق
لا من الغرب.. ولا من الشرق
جي وعارف شغلة وهمه
جي وعارف انه صغير
عارف إن بلدنا .. الأكبر
جي وقلبه يدق الباب
للأحباب.. شيوخ وشباب
عارف اسم الله ف كتاب
الله حي.. الريس جي
جاي وف إيده المجداف
حالف إنه ف يوم ما يخاف
إلا علي الناس والإنسان
وإحنا معاه ماسكين الدفة
لرسم سكة وبر كمان
شغل ف كفة وعدل ف كفة
واللي سرقنا بقرصة ورفة
ماحنا غلبناه لمس كتاف
الله حي.. الريس جي
جي وفاهم مصر كويس
جي الريس أعقل ريس
يجي يا مرحب بيه مغوار
مش كداب ولا غدار
يرسم.. يجري بالمشوار
جي وعارف شغله كويس
مش ها نقوله المنحة ياريس
الله حي وافهمها يا عم
المشكلة إنك تهتم
تمسك مسطرة الأيام
يللا ياريس شد الحيل
قوي الهمة ولم اللمة
وإحنا معاك وكل الجيل
ناس مصرية بمعني الكلمة
نمشي معاك بكرة لقدام
يللا تعال.. تعالي قوام
حمدي محمد محمود - المنيا