لمؤاخذة!

فلان: ألمانيا وفرنسا أتضح أنهم دول
رومانسية قلبها رهيف
علان: أشمعني؟!
فلان: جسمهم قشعرا يا عيني.. لما
سمعوا النيابة العامة بتطالب بإعدام مبارك
علان: وكان فين قلبهم الحنين
مع الضحايا والشهداء اللي راحوا
والبلد اللي اتنهبت..
والكرامة اللي بقت في التراب
فلان: وقبل كده أيام الحروب والمذابح
اللي عملوها
علان: برضه زعلانين علي مبارك بحق العيش والملح
فلان: لكن حكم المحكمة لسه بدري عليه..
دي مرافعة النيابة
علان: تبقي المصيبة أكبر لأنهم كده بيحاولوا
يأثروا علي سير العدالة
فلان: ما هي بقت هيصة.. علي أساس أن مصر مدينة
ملاهي الكل عايز يتفسح
فيها علي مزاجه باعتبارها بلد
أهلهم.. لكن أنا خايف عليهم.. يجوا
علشان المراجيع.. يلاقوا نفسهم
في "الزحاليق"!!