خصام

مش مهم انك تخاصم لون قميصك
برد "أوضتك"
صوت عياط البت "آيه"
وهي بتعافر كمام "البنطلون"..
حجم غيرتك
وانت بتشوف "البنية المستحية"
في عين "زميلك"
من طلوع "القطر" لمجيه "المحطة"..
ضبط "عيل" فوق رخام البنك
وانت بتشتري رزمة ورق
من غير نظام..نفس خجلك من بجاحة مشهدك
اللي انت دايماً تلقي روحك جوه منه
حر شوقك وانت عارف
إن آخرك مش ح يتغير كتير
مع إن زميلك إيده طالت
حتي كون ما عرفناهوش..
مش مهم انك تخاصم كل ده!
"المخيف" انك تكون مدة خصامك
مش حكم!!