تهمة جديدة ل"دومة وماهر وعادل"

نورهان حفظى:

قالت نورهان حفظى، زوجة الناشط السياسى أحمد دومة، إن وزارة الداخلية قامت بتلفيق تهمة جديدة لزوجها ومؤسسى حركة شباب 6 إبريل "أحمد ماهر ومحمد عادل" وذلك لحرمانهم من العفو الرئاسي الخاص باحتفالات ذكرى ثورة ال25 من يناير.
وأضافت حفظى فى تدوينة عبر صفحتها الشخصية بموقع التواصل الاجتماعى "فيس بوك": النهاردة كنت فى زيارة لأحمد, عرفت منه إنه أخد هو وماهر وعادل حكمًا غيابيًا ب6 أشهر بتهمة التعدى على ضباط فين وامتى؟ مش عارفين" فاكرين لما اتضربوا فى جلسة من جلسات قضية التظاهر جوًا حجز المحكمة وهما متكلبشين, ووقتها أنا والشباب هتفنا وقعدنا قدام بوابات معهد الأمناء والأحزاب طلعت بيانات إدانة ونخبتنا شجبت والمواقع كلها نقلت الخبر والدنيا اتقلبت, وقتها المحامين رفضوا يترافعوا إلا بعد تحرير محضر واتعمل فعلاً والضباط كمان عملوا محضر ضد أحمد وماهر وعادل "اللى كانوا متكلبشين".
وأضافت حفظى: "هى دى القضية اللى خدوا فيها 6 أشهر "غيابي", غيابى ليه وهما أماكنهم معلومة وإية مصير الضباط اللى ضربوهم ؟ الحقيقة إن الهدف من القضية اللى كانت ميتة وقف العفو عن عادل وماهر اللى يستحقوا عفو نصف المدة وفقًا للقانون الجديد أحمد رفض التوقيع على استلام الحكم وعمل محضر رسمى سببه بسببين".
1/تدخل أمن الدولة فى تحريك القضية سرًا لتعطيل إجراءات العفو الإلزامى وفقًا للقانون الجديد عن زملائه ماهر وعادل.
2/ تواطؤ النيابة العامة فى تحريك القضية واستصدار حكم غيابى رغم معرفة أماكن المتهمين وإغفال الجزء الأساسى فى القضية الخاص بالاعتداء عليهم.
وتابعت: أحمد أعلن إدارة السجن أنه هيدخل في إضراب عن الطعام من الأسبوع الجاى لحين إعادة فتح القضية والتحقيق فى الاعتداء عليهم وكمان زيارة المجلس القومى للسجن للتحقيق فى دور ضابط الأمن الوطنى المعين بالسجن وممارساته فيه بس أنا أقنعته يتراجع عن الإضراب عن الطعام لأنه يا دوب بادئ يتعافى ولأني حقيقى مش حمل دخول التجربة دى تانى فى الوقت الحالى بس حابة أقول رسالتين لنخبتنا وكل واحد بيطبل لوسية امن الدولة اللى بقينا عايشين فيها".