نورهان حفظي: دومة علق الإضراب مؤقتًا لحين استكمال علاجه

كشفت نورهان حفظى، زوجة الناشط السياسى أحمد دومة، عن تعليق زوجها لإضرابه عن الطعام، بصفة مؤقتة، لحين التوصل لعلاج أو مسكن مناسب لآلام القرحة.
وكتبت "حفظى" عبر تدوينة لها على حسابها بموقع التواصل الاجتماعى "فيس بوك"، "أحمد قرر تعليق إضرابه عن الطعام موقتاً حتى التوصل لعلاج أو حتى مسكن مناسب لآلام قرحة المعدة والإثنى عشر غير المحتملة، وحالة القئ المستمر اللى بتضاعف آلام القرحة واللى حقن المسكن المانعه للقئ اللى كتبها دكتور السجن مجبتش نتيجة فيها حتى بعد مضاعفتها ل6 حقن فى اليوم".
وأكدت أن دومة فضل أن يكون قرار تعليقه للإضراب عن الطعام بمحضر رسمى لحين العودة إليه مستقبلياً، مضيفة، "تكون كمان بمحضر رسمى حفاظاً على مصداقية رسالته وخوفا من استغلال السلطة حالته للتشكيك فى معركة الأمعاء الخاوية وحالة جبنا آخرنا ككل، رغم أنه فعلياً مش عارف يفك الإضراب".
وتابعت: "يعنى أحمد عمل محضر رسمى بتعليق الإضراب رغم أنه عارف أنه فعلياً مفيش أى حاجة مهما كانت بسيطة (زى الزبادى والعصائر) بتستقر فى معدته بس عشان وهو بيحاول ميصورهوش ويقولوا أحمد دومة مش مضرب عن الطعام وبالتالى التشكيك فى حالة الإضراب بالسجون ككل".
وقالت زوجة دومة، "أحمد سبب فى المحضر قرار تعليقه المؤقت للإضراب بحالته الصحية المذرية ووصول آلام جهازه الهضمى لدرجة مرعبة لا يمكن تحملها وأنه حاول يتحملها ويتعامل معاها لكن مقدرش (مش للحفاظ على حياته زى مالداخلية قالت)".
وأضحت أنه، "رغم قرار أحمد تعليقه الإضراب من يوم السبت 27 سبتمبر يعنى من 4 أيام إلا أنه لحد النهارده مش قادر ياكل أى شئ ، وأى محاولات للأكل مصيرها القئ الفورى، النهارده عرفنا أنه اتنقل مستشفى السجن أمبارح بعد تدهور حالته وما زال فيها لحد دلوقتى".