رأي ثوري لريهام سعيد يجلب عليها هجوم كاسح

تعرضت المذيعة ريهام سعيد لموقف محرج على صفحة برنامجها "صبايا الخير" وذلك بعد أن نقلت لها الصفحة تصريحات ثورية تنتقد فيها انتخابات البرلمان خلافاً لتوجهها المعلن بدعم السلطة .
وقالت ريهام في برنامجها : " انا مانزلتش الإنتخابات علشان كنت مسافرة بس بردوا معلش اللي مترشحين انا مش عارفاهم و مش منطق اني مش علشان مش عايزة الاخوان يكسبوا فا انزل انتخب اي حد" بحسب قولها .
وجاءت التعليقات تهاجم "سعيد" بشكل قاسي متهمين إياها بالتظاهر بالثورية وركوب الموجة حيث قال احدهم : انت مصدقه نفسك مصدقه الكلام اللى بتقوليه دلوقتى ..الشباب اشتغلت والحاجه رخصت..والناس كلها عايشه عيشه كريمه ..انتى معكوكه فى ايه سيادتك وانتى قفاعده فى استديو مكيف لا انتى حاسه بحاجه ولا حاسه بحد احنا لو منظرنا كان وحش دلوقتى بقى اوحش وبلدنا خربت اكتر انتى واحده عندك فلوس تكفي عيالك وعيالهم احنا بقى مين هيصرف علينا احنا مين احنا الشعب المطحون احنا الشباب اللى ممكن تشتغل 12 ساعه فى اليوم عشان بعد 8 سنين شغل بعد الجيش تروح تخطب و12 كمان عشان تتجوز انتى ولا حاجه انتى مجرد كلام انتى كلامنجيه ياطنط .. بينما قال اخر: انتي مش حاسه ان البلد بتروح في الداهيه ولا ايه الدولار وصل 8.5 والجنيه 80قرش الطماطم 9جنيه اللحمه 90جنيه الفراخ 20جنيه انتوا مش حاسين بحاجه انا بقبض 1250جنيه وعندي 3اولاد وقاعد في شقه قانون جديد تقدري تستحملي العيشه دي لو انتي فعلا قويه قولي تعليقي علي الهوا لا انتي .. وقال ثالث: انتي بتقولي ايام الاخوان مكنش فيه انابيب و النور كان بيقطع و و و يعني انا عايزه اعرف كل ده محصلش و السيسي ماسك قولي كلمه حق بقي مع العلم ان انا مش مع الاخوان ولا مع السيسي لا ده عاجبني ولا ده عاجبني ... وقال رابع : نروح انتخابات عشان ندي للفساد شرعيه !
نروح نختار حرامي مين الافضل !!
كرهنا الاخوان لكن مش معناه نرجع مغفلين وننتخب فاسدين "بحسب وصفهم"