نشطاء ل «السيسي»: شيل الإنجازات في شنطة سوداء عليها خرزة زرقا

بعد تخوفه من الأشرار

"مش عاوز أتكلم عن الإنجازات كتير عشان الأشرار صدقونى فيه كلام كتير ممكن أقوله، بس أنا عارف أهل الشر بيسمعوا الكلام وييجوا على الحاجة الطيبة وعاوزين يحرقوا قلبنا وقلبكم عليها".. كلمات أدلى بها الرئيس عبد الفتاح السيسي أثناء كلمته في فعاليات الندوة التثقيفية ال17 التى نظمتها القوات المسلحة فى إطار احتفالات مصر وقواتها المسلحة بالذكرى ال33 لتحرير سيناء.
ودفعت كلمة السيسي بعدم حديثه عن الإنجازات خوفًا من الأشرار إلى إثارة سخرية النشطاء على مواقع التواصل الاجتماعي "فيس بوك" و"تويتر".
فقال ناشط: "بطني وجعتنى من كتر الضحك وأنا ف الشغل، المكتب كله بيتفرج عليا" وقال ناشط آخر: السيسى عندنا انجازات كتير بس مخبينها من الناس الاشرار الوحشين".
وتراوحت التعليقات السيسي ما بين السخرية والاستهجان، فكتب أحد النشطاء: "عمرك شفت رئيس دولة يقولك مش هتكلم عن المشروعات علشان الأشرار، السيسي ماشي علي مبدأ سياسي معروف وهو داري علي مشاريعك من الأشرار" .
وقال ناشط آخر: "عندنا انجازات كتير بس مخبينها من الاشرار ابقى شيلهم فى شنطة سودا عليها خرزة زرقا عشان الحسد" بينما سخر ناشط آخر بقوله "أنا مش عايز أقول احنا بنعمل ايه عشان خاطر الأشرار الوحشين"، فى حين دعا أحد الشطاء السيسي لأخفاء هذه المشروعات قائلا "عندنا انجازات كتير بس مخبينها من الاشرار .. اللهم لا حسد ودارى على شمعتك تقيد وياناس ياشر كفاية قر" .
وأطلق الإعلام المصري حملة للدفاع الرئيس عبد الفتاح السيسي، بعد هذا التصريح حيث اعتبر الإعلامي خيري رمضان مذيع قناة "سي بي سي" ، أن "حديث السيسي موجه إلى الإخوان الذين كلما سمعوا عن (حاجة حلوة) يقومون بتفجيرها أو يعملون حاجة حواليها".
وتابع رمضان أن "الإخوان فور علمهم بهذه المشاريع يقومون بالتشويش عليها أو التشكيك في جدواها، وهم أهل شر فعلا، وراح يزعلونا، يريدون أن ينكدوا علينا الفرح بهاته المشاريع".