السيسي: «مستعد اتقتل في سبيل 90 مليون مصري»

قال الرئيس عبد الفتاح السيسى، إنه مستعد يتقتل فى سبيل 90 مليون مصرى، ليس وحده ولكن الجيش والشرطة حتى يعيش الشعب.
وأضاف السيسي، خلال فعاليات الندوة التثقيفية ال17 التى نظمتها القوات المسلحة فى إطار احتفالات مصر وقواتها المسلحة بالذكرى ال33 لتحرير سيناء: "اللى بيقدر يقتل ويخرب ويدمر وينغص حياة 90 مليون فاكر إنه بيقرب لربنا دون أن يدرى أنه يسىء لله وللدين الإسلامى، دين الأمن والسلام".
ووجه السيسى رسالة للمصريين قائلاً: "أنتوا بتتطلبوا منى ودا حقكم، وبجد دمى وروحى عشان خاطر بلدنا وال90 مليون.. ومستعد اتقتل فى سبيل 90 مليون وهذا الكلام للجيش والشرطة أيضًا.. أنتم تموتون عشان غيركم يعيش".
وأشار السيسى إلى أن المرحلة الأولى من مدينة الإسماعيلية الجديدة وشرق التفريعة تجهز لها قوانين جديدة وستشهد افتتاح العديد من المشروعات، قائلاً: "سيتم افتتاح مزارع سمكية وتوسعة مصانع الأسمنت وغيره، بس أنا مش عاوز اتكلم كتير عشان الأشرار من أهل الشر.. صدقونى فيه كلام كتير ممكن أقوله، بس أنا عارف أهل الشر بيسمعوا الكلام وييجوا على الحاجة الطيبة وعاوزين يحرقوا قلبنا وقلبكم عليها.. ولو قلنا كل حاجة وخططنا وترتيباتنا أهل الشر هايزعلونا ويزعلوكم عشان كده مش كل حاجة تتقال".