"عفاريت ريهام سعيد" تشعل الفيس بوك بالسخرية

إشتعلت مواقع التواصل الاجتماعي بالنقد والسخرية من الحلقة التي جرى تقديمها مساء امس من برنامج صبايا الخير الذي تقدمه "ريهام سعيد" وذلك بعد إستضافتها لاربعة فتيات زعمت أنهمن ممسوسات من الجن .
وقال الكاتب الساخر عمرو مصطفى سكر : شاهدت مذيعة متعطشة للشهرة و تقرير مميز عن بعض المتعسرين مادياً و قبولهم بتأدية دور المتخلفين عقلياً مع بعض الامراض الاجتماعية الاخري علي التلفيزيون الوطني.
فيما قال احد رواد الفيس بوك: آه بخصوص ريهام سعيد
وصل الاستخفاف بالعقول انها جايبه كام بنت حاطين Full Makeup ومقضيينها ضحك فوسط الشو "ملبوسين وكده" وطبعا من منطقه عشوائيه عشان يرضوا بالكام ألف الي هياخدوهم. .. إديني 100.000 وانا اصورلك منطقه بالكامل ملبوسين وبيجروا مالط في الشوارع كمان .. آه حاجه كمان ... الإخراج رديء جدآ ... المخرج وريهام متفرجوش علي فيلم "طارد الاوراح الشريرة" ؟
وقالت ناشطة : ادائهم faaaaaaaaake .. بس احلى حاجة ان العفريت قاصدها بالاسم .. يعنى قارفة كل المخلوقات إنس وجن .. .. وقالت اخرى : شعب جاهل بطبعه .... حلو التمثيل ده بيكسبوا كتير من الناس الجاهله ... ربنا يهدي وربنا يديكي على قد نيتك ياريهام سعيد انتي وكل الاعلام المصري قال اعلام قال.. وقالت ثالثة : البت ام بينك دي اللي فضحتهم بالاوفر اللي عملته دة.
ولم يتوقف النفي عند ذلك حيث زعم أحد المتابعين قائلاً: علي فكرة والدي بيعالج بالقرآن بقاله 30 سنة .. وانا حضرت معاااااااااه كتيييييييييير اوى .. مافيش الكلام الاهبل ده . .الناس دي بتاجر بعرضها وشرفها وكرامتها مقابل فلوس .. وقال اخر ساخراً: الجن لما شاف الحلقه دى طلع قال الشغلانه باظت.
لمشاهدة الصور :