حرب العفاريت

ياسلام سلم ع الأفكار
عفاريت بتولع فينا بالنار
فين العلم يا ناس يتكلم
حاجة غريبة وليها أسرار
حتى العفاريت بتلعب بينا
دا احنا حقيقى دليلنا احتار
شئ بالتأكيد ومش مفهوم
تعالوا نتخيل وضع هزار
امكن بكرا يسوقوا أتوبيس
من غيرأجرة ولا َّ سولار
والعربية بتاعتى تفر
من غير أجنحة أو أى غيار
وشمس ف عز الليل تنور
والضلمة تبقى ف عز نهار
والعفاريت تيجى ف برامجنا
ونشوفها حقيقى فى الأخبار
وامكن نلقى بيوتنا تطير
ونبص نلاقى الفاكهة خضار
وف عز النوم الناس بتهلوس
خايفة بجد من الأضرار
وهرم الجيزة يبقى البرج
والبقرة نشوفها راكبة حمار
ويقفوا معانا طابورالعيش
والزحمة تجيب زيادة أسعار
وفريق كورة يبقى منافس
ونجوم سينيما جديدة كبار
ونجيب عفريتة مكان خدامة
تطبخ تغسل تكنس دار
وكل جريمة نقول عفريت
واحنا الناس أطهار أبرار
وهنعرف مين بيسبب لينا
كل حريقة وماس وشرار
ويرجع تانى زمن الأساطير
أسياد وحجاب وطبلة وزار
والعفاريت تبعت فى رسايل
وتغنى وترقص ع الأشعار
ويقولوا الدنيا معاكوا عجيبة
مليانة كتير بناس أشرار
حتى العفريت مظلوم وياكوا
دا انتوا العيشة معاكوا مرار
دا الإنسان أستاذ فى الشر
واحنا العفاريت تلاميذ وصغار
ومادام سيبتوا الدين والعلم
هتلاقوا طريق الجهل دمار
سوهاج – طهطا – عرب بخواج-
عضو نادى الأدب بطما0161259368