عمرو يوسف: وصلتني معلومات عن صاحب شائعة القبض علي .. هذه قصته

ظهر الفنان عمرو يوسف في مداخلة هاتفية مع برنامج "مساء DMC" لكي يوضح العديد من الأمور المتعلقة بشائعة القبض عليه هو و زوجته بتهمة حيازة مواد مخدرة .
وقال "يوسف" في مداخلة مع البرنامج الذي تقدمه الإعلامية إيمان الحصري: "القضية أكبر بكتير من عمرو يوسف أو غيره .. قضية الترافيك والسوشيال ميديا وإن كل واحد يضرب ويخبط عشان ياخد (لايك و شير) والحاجات الي جننت العالم كله ".
وأضاف: "أخدت على عاتقي إني أكمل في المشوار لآخره وأنا بكمل مش عشاني لكن عشان الموضوع دة ميحصلش تاني مع أي حد وأعتقد إن دة دور مهم وناس كتير كانت بيحصلها كدة وكانت بتقول نسكت ونعدي بس أنا مش ناوي أعمل كدة ".
وتابع: "أشكر الأستاذ شريف خفاجي - رئيس التحرير التنفيذي لبوابة أخبار اليوم التي نشرت الخبر على اعتذاره .. الاعتذار اللي هو اعتذره له مكان كبير جدًا عندي لأن الكبير هو اللي بيعتذر ودي شجاعة أدبية بحييه عليها ".
وتابع: "عايز أشكر كل الناس اللي عملتلي دعم غير طبيعي وأنا جوايا صراعين جوايا إني متضايق من اللي حصل وإني مبسوط إن الناس واثقة في سمعتي ومصدقتش ".
وتابع: "اللي عمل الشائعة دي جتلي معلومات عنه حالًا .. هو شخص بينتحل الشخصيات من فترة وكان مسجون وخرج من السجن من شهرين وهيتجاب تاني .. ودة مبيعفيش الصحفي من الخطأ ".
الفيديو: