وصلة رقص لدكتورة جامعية تشعل الفيس بوك

أثارت حالة من الجدل الشديد بين رواد مواقع التواصل الاجتماعي "فيس بوك وتويتر"، على إثر قيام الدكتورة منى برنس، أستاذ الأدب الإنجليزي بجامعة السويس، بنشر فيديو خاص "تقوم بوصلة رقص "، ونشره على صفحتها، الأمر الذي اعتبره البعض إهانة واستفزازًا، خاصة أنها دكتورة بأكبر جامعات مصر ومثال وقدوة لطلابها.
حيث علق العديد من النشطاء، فقال محمد المصرى "وبتقولك أنا حرة أصل أنا ليبرالية أنتى كرهتى أهلينا في الليبرالية والمحافظين والوسط واليسار واليمين أنتى تفوقتى على علياء المهدي وهدير مكاوي ثم السن له حكم العيال دي عندها مجهود للحاجات دي وأنتى طالعة علينا بدور روبي والعجلة وطاب ليه بيداري كده" .
وقال آخر أفضل رد أنك ترزعيهم كمان مقطع رقص بلدى من اللى وصى عليه لقمان الحكيم، وآهو بالمرة نستنفع باصطباحة ترد الروح وتزيل الهم والاكتئاب.
وأضافت نهى خالد قائلة: "دكتورة جامعة إيه , ده تعليم فيفى عبده الأم المثالية، هو ده اللى بتعلميه لولدنا يادكتوره فى الجامعه أفادكم الله".
في حين قال سعد الياسين، عندك موهبة ومحدش مقدرها، هى الراقصة جامدة الصراحة .
على الجانب الآخر علقت الدكتورة منى، على قرار تحويلها للتحقيق من قبل إدارة الجامعة، قائلة:: "يالا يا دكتورة مني اداور سابا، يا عميدة كلية الآداب، حوليني للتحقيق وخدي الإجراءات القانونية اللي انتي عايزاها.. خلصيني.. أنا شخص مبدع، فنانة، وكاتبة ومترجمة وبعمل خذف و فخار.. وبطبخ حلو أوي.. للأسف أنا ماعنديش عقليتك الفذة، عقلية الموظفين القح... مكاني مش جامعة السويس".
وتابعت: "اتكلي علي الله وارفديني.. مع إني ما عملتش حاجة تستدعي.. زي الاستاذ اللي خد رشاوي جنسية و كل اللي حصله اتوقف عن العمل 3 شهور ورجع تاني عادي ولا كأنه ارتكب اي جريمة اخلاقية في حق الطلبة".