منى برنس تصدم متابعيها: «مش بصوم».. والنشطاء: «دي واحدة مريضة»

عادت منى برنس، الأستاذة بكلية الآداب، جامعة قناة السويس، صاحبة فيديو الرقص، إلى إثارة الجدل على "فيس بوك"، بعدما أعلنت أنها لا تصوم رمضان، مشيرة إلى أن سبب عدم صومها يعود إلى أنها فقيرة ولا تستطيع أن تبدأ يومها دون شرب فنجان القهوة.
الغريبة أن منى برنس أكدت أنها تحب أن تثير الجدل على "فيس بوك"، وأنها تكون في حالة سعادة ممن يسبونها، ما أثار جدلا آخر بين النشطاء.
وكتبت منى برنس تدوينة على "فيس بوك" قالت فيها: "ليه انا مابصومش؟ مبدأيا الصيام لله، فمش المفروض حد يسأل حد عن الموضوع ده.. انا بقي، لو ماشربتش قهوة الصبح، ما ببقاش بني آدمة، ببقى حاجة كدة شبه المرأة المستذئبة، وأحسن في الحالة دي لا حد يشوفني ولا حد يكلمني، عشان ممكن أهبره عادي.. وعشان أعمل أي شغل لازم أشرب قهوة، وأنا حد بيشتغل طول الوقت، مش هقضي الشهر نوم يعني".
وأضافت: "ثانيا، أنا معظم الوقت على سفر، وما ينفعش أسوق من غير ما أشرب قهوة وأبقى مصحصحة للطريق.. ثالثا، أنا من الفقراء فمش محتاجة أحس بيهم.. رابعا، أنا من اللي ربنا أنعم عليهم بنعمة الاستغناء فمش محتاجة أتعلم ده أو إني أمسك نفسي عن حاجة نفسي فيها.. الحمد لله ما نفسيش في حاجة.. الأهم بالنسبة لي إني بصوم عن أذى الغير وما بضرش حد طول السنة.. وكل سنة وانتو طيبين ورمضان كريم".
وتابعت: "ياه ده في ناس مغلولة مني قوي وهاتك يا شتيمة وشير للغل.. وأنا مبسوطة.. حلوة حالة الجدل اللي شغالة دي، رغم أن في ناس ما بتفكرش وبتردد محفوظات سنة 3 ابتدائي"، وأضافت: "أنا قايمة آكل.. حد عايز حاجة.. بوست رخامة".
علق محمد البنا قائلا: "أيوا بس لو حضرتك مسلمة يعني، فصيام رمضان دا ركن من أركان الإسلام الخمسة.. بمعنى أنه واجب علينا إذا كنا بندين بالإسلام ومؤمنين بيه.. زيه زي الصلاة كدا.. وفي القرآن آية صريحة.. (شهر رمضان الذي أنزل فيه القران هدى للناس وبينات من الهدى والفرقان فمن شهد منكم الشهر فليصمه) في عذر للي على سفر أو مريض أو عنده شغل بيبذل فيه مجهود بدني.. أما كون أن حضرتك تقولي دا القهوة اللي متعوده عليها هيا اللى بتخليني مبصمش انتي كدا عمدا أبطلتي ركن من أركان الإسلام".
وأضاف: "ثم إن الصوم مش عشان نحس بالفقراء انتي فاهمه غلط.. الصوم جهاد للنفس نفسك تشرب وتاكل بس بتحرم نفسك امتثالا لأمر ربنا.. أنا مثلا واحد من الناس على فكره يمكن يبقى نفسي في الحرام بس اللي بيبعدني عنه أنه حرام وانه ربنا محرمة ولما أجاهد نفسي وأمنعها من الغلظ دي ثوابها عظيم.. عشان كدا ربنا بيقول.. (كل عمل ابن ادم له.. إلا الصوم فإنه لي وأنا أجزي به) فا انتي حره محدش بيقولك ليه وإزاي.. بس إحنا لينا النصيحه يعني".
فما كان من مني البرنس أن ردت عليه قائلة: "برضه أنت مالك".
وردت "موني موني": "دى واحدة مريضة ومحتاجة تتعالج مش هتاخد بالنصايح الله يشفيها ويهديها".
وقال شريف مقلد: "إنتى الخسرانة.. وأنتى حرة تماما..".
وأضاف زكريا سليم: "دا اسمه كبر على الناس، المفروض جاهرتى بشيء بتكلمى الناس فيه.. تقبلى رأيهم وتردى عليهم وتقدريهم زى ما طلبتى من الناس إنها تقدر أن رقصك وانتى أستاذة جامعية دا حرية شخصية".
وتابعت رضوي رفيع: "أنتي حرة طبعا تعملي اللي انتي عايزاه بس أنا الحقيقة مستعجبة من تفاهتك.. أنا عملت لايك للصفحة وده معناه إني عملت لايك ليكي على أساس انك أستاذة جامعة بتعلمي أجيال ليكي آراء تحترم في الحرية الشخصية لكن شايفاكي ولا أستاذة جامعة ولا دي الحرية الشخصية اللي إحنا بنتجادل مع المجتمع بخصوصها.. شغل عيال وهبل كده".