بكري يروي بالتفصيل خطة إسقاط النظام

حذر البرلماني والإعلامي مصطفى بكري من مخطط يحاك لمصر لإسقاط النظام ، مشيرًا إلى أن الخطة بقيادة الرئيس الأمريكي باراك أوباما .
وقال "بكري" في برنامجه المذاع على قناة "صدى البلد": "أطلقت هاشتاج بعنوان ( لا لتركيع السيسي) وعايزين نقول للريس مصر مش هتركع .. وأنت لن نسمح لك أبدًا بعدم الترشح مرة أخرى .. هنرشحك عشان تكمل دورك وبرنامجك .. ودي رسالة لأوباما ولكل من ورائه".
وأضاف: "احنا شايفيين الواقع وقاريين تفاصيله وعرفنا مين معانا ومين ضدنا .. وعرفنا اللي إذا مخدش دور هيولعها وعرفنا مين اللي مش بينام إلا ساعتين تلاتة في اليوم .. كفاية فوضى" .
وأردف: "ماذا لو نجحت حملات التحريض في إخراج الناس للشارع؟ .. هتخرج الناس للشارع بحجة الغلاء والمشاكل الاقتصادية .. وأول مظاهرة هتبتدي تولع في البلد وتحرق البيوت وتنهبها .. وعلى الفور سيخرج الأمن ليتصدى .. سيتدخل الخارج ويطلب من رئيس الدولة منع الأمن من التصدي للمتظاهرين السلميين .. هيشوفوا النار بعينيهم وهيقولك دي مظاهرة سلمية ولو استمريت في التصدي هيقولك أنا هوقع عقوبات وقد تصل للتدخل المباشر لأنهم عايزين اللحظة دي تحصل دلوقت.. وهيبتدي يطلع من برة قرارات بحصار مصر .. ويمنعوا الطيارات المصرية تخرج .. وتطلع المحكمة الجنائية الدولية تقولك الجيش قتل المصريين والرئيس مطلوب للمحاكمة الدولية .. ويطلع بان كي مون ببيان ويطلع أوباما يقولك : الآن يعني الآن .. ونبقى احنا الضحايا اللي سلمنا بلدنا".
الفيديو: