اتجاهات

الاحد*22/1/2012
عمرو الشناوي : أهلا بكم وهذه الحلقة الجديدة من إتجاهات أيام قليلة وتحتفل مصر بعيد الثورة الأول لثورة 25 يناير ثورة من أنبل الثورات وصفها خبراء السياسة والنظم السياسية أنها أعظم ثورة سلمية في القرن الحادي والعشرين مع إقتراب الذكري الأولي للثورة نجد أن الصورة غير الصورة في 25 يناير 2011 كان المصريون علي قلب رجل واحد أي الإخواني يحمي ظهر الليبرالي اليساري يرفع يدأً بيد مع السلفي والمصري المسيحي يصب الماء للمسلم كي يتوضأ والمصري المسلم يرتل الترانيم مع القبطي قربة لله وللوطن مع إقتراب الذكري الأولي نأمل ونتمني أن تستعيد مصر وثورتها هذه الروح السلمية الرائعة التي بهرت العالم وأن يكون 25 يناير 2012 أول خطوات إستعادة هذه الروح هذه الروح غابت عننا نحن جميعاً دون إستثناء نقف أمام لحظة فارقة ومنعطف تاريخي مهم في حياة كل المصريين خاصة الحقيقة في مواجهة دعوات لا نعرف من أين تنطلق لا تصب في مصلحة مصر علي الإطلاق من وجهة نظر بعض المراقبين ، الموقف الحالي لا يستطيع تيار واحد مهما كان حجمه أو وزنه أن يتعامل معه بمفرده ، الموقف الحالي يستلزم تكاتف كل المصريين دون إقصاء أو إستبعاد أو تهميش دون تخوين دون إتهام هذا من شأنه أن يعمل الخلافات والحل كما يقول الحكماء هو التوافق والحوارأن نبحث عن قواسم مشتركة وسنجد الكثير الذي أجمعنا ويوحدنا ويرتفع في النهاية صوت العقل والحكمة أن نتحاور بلا إسفاف ونختلف بلا خسائر ليكون 25 يناير دائما 2012 – 13 – 14 هو يوم لمصر حتي يهنأ شهدائنا الأبرار بما قدموه من تضحيات إختلفنا هذا العام أكثر مما إتفقنا لماذا لا نجرب أن نتفق ؟ فاصل ونواصل هذا اللقاء مع ضوفنا في هذه الحلقة نرحب بهم في البداية معنا الأستاذ حمدي الفخراني عضو مجلس الشعب المستقل بلديتنا من الغربية أهلاً بك
حمدي : أهلاً أستاذ عمرو أهلاً وسهلا ً
عمرو الشناوي : وأيضاً يسعدنا أن يكون معنا الأستاذ مصطفي بكري رئيس تحرير جريدة الإسبوع وعضو مجلس الشعب المستقل الذي نجح في هذه الإنتخابات بعد معارك كثيرة لمدة فترة طويلة ليس فقط في هذه الإنتخابات أيضاً معنا الأستاذ أحمد محيي وهو من شباب الثورة وهو المنسق العام للدفاع عن لجنة الحقوق المدنية وعضو مجلس أمناء الثورة أهلاً بكم جميعاً فاصل ثم نبدأ هذا الحوار
فاصل
عمرو الشناوي : أهلاً بكم من جديد يارب مصر دائما إن شاء الله السؤال نبدأ أسمحوا لنا مع الأستاذ حمدي الفخاني نتحدث كثيرا عن ثورة 25 يناير لما نبص لها في العام الأول تراها لإزَّاي ؟
أ/ حمدي الفخراني : الأول أستاذ عمر أستأذنك أن أتقدم بخالص الشكر لأهل دائرتي في المحلة وسمنود طلعوا رجاله ووقفوا معايا ومصدقوش الإشاعات الكثيرة التي طلعت عليَّ ونجحت بفارق كبير جداً ززفعلاً الدائرة المحلة والسمنود وكل العائلات اللي في سمنود
عمرو الشناوي : وكل اللي شارك في الإنتخابات اللي أعطوا لك صوتهم واللي ما أدوش صوتهم كانوا رجَّاله إن هم شاركو ونجحو التجربة في حد ذاتها
أ/ حمدي الفخراني : وهذا فعلاً مسبة المشاركة كانت في مدينة المحلة كانت من أعلي نسب المشاركات 73,5% لم تتكرر في أي بلد أخري
عمرو الشناوي : نسبة مشرفة
أ/ حمدي الفخراني : آه عالية جداً تدل علي وعي وإنتماء ومحاولة للظهور وإثبات الحق والحصول علي الحق
عمرو الشناوي : نسبةالمشاركة الضخمة ديه خليتك تبص إزَّاي للسنه الماضية
أ/ حمدي الفخراني : السنه الماضيه كان الفرحة الأولي النظام السابق الفاسد زال عن الوطن هذه كفاية إندفع فيها دم كفايه قوي للثورة " حسني مبارك مشي وعصابته تركت البلاد كفايه قوي حتي لو لم يتحقق باقي مطالب الثورة ولكننا نصر ونصمم علي تحقيقها وحقوق الشهداء والمصابين ولا يجب إطلاقاً أن تكون الحكومات المتعاقبة إمتداد أو نيولوك لحكومة أحمد نظيف لن نقبل بذلك إطلاقاً ولكن لابد الشعب المصري كله في 25 يناير يطلع ويفرح بالثورة يقدم الورود لبعض نتبادل التهاني فرحة بثورة مصرلازم نفرح بها وماينفعش أي حد يدخل يلوثها أو يخش وسطنا فيها
عمرو الشناوي : والشعب يفرح بمجلس الشعب المنعقد ما يبقالوش 48 ساعة
أ/ حمدي الفخراني : ويكون الهتاف الشعب والجيش والشرطة إيد واحده
عمرو الشناوي : الشعب المصري أكيد في النهاية يريد إيد واحده وعايز يعبر عن فرحته بما أنجزه وما يأمل أن ينجزه أستاذ مصطفي بكري إحنا علي بعد أيام من ذكري الثورة وحتحضروا أول إجتماع لهذا البرلمان الذي ينعقد بعد إنتخابات أهم ما وصفت إنها نزيهة كيف تري ؟
أ/مصطفي بكري : أنا أعتقد أن هذا البرلمان هو ثمرة من ثمرات الثوة والذين يقول أن الثورة لم تحقق شيئ حتي الآن الثوة أسقطت نظام وغيرت حال المجتمع من حال إلي حال وأنتجت برلمان قائم علي إنتخابات نزيهة وأعطت الناس الثقة في الحاضر والمستقبل هذا الحجم الكبير من المشاركة المجتمعية سواء في الإستفتاء أوفي إنتخابات البرلمان هو خير دليل علي أن الشعب المصري مع الثورة ويثق تماماً في كل أبعاد المرحلة الحالية
في الحقيقة البرلمان القادم عليه مهام عديدة ومتعددة هوأولا عليه أن يشرع للثورة " قوانين لابد أن تصدر قوانين قوية تعبر عن مصالح تعتبر عن الناس تستطيع بالفعل هذه القوانين أن تفتح الطريق أمام المستقبل الذي نريده لهذا الوطن
الأمر الثاني إن البرلمان معني أيضاً عندما يتسلم السلطة التشريعية من المجلس الأعلي للقوات المسلحة سيكون هو المسؤول بالأساس عن إصدار الكثير من التشريعات المهمة وإعداد دستور حضاري لهذا الوطن – دستور نحن نعرف طبعاً تركيبة وخريطة المجلس لكن لدينا أمل بالفعل من خلال التصريحات التي نسمعها علي لسان ممثلي التيار الإسلامي لدينا أمل كبير جداً بأن يكون هناك صيغة للتوافق الوطني بين كل هذه القوي بحيث ينتج عن هذه الصيغة دستور حقيقي
عمرو الشناوي : عندما تتحدث وأنت نائب مخضرم وعريق في هذا البرلمان عن وجوب إصدار تشريعات جديدة هل تفضل أن تصدر هذه التشريعات قبل الدستور وبما يكون هناك إحتما ل الطعن فيها بعدم الدستورية أم ننتظر حتي نتمكن من وضع الدستور والتشريعات تكون نابعة ومستمدة من الدستورأيهما تفضل ؟
أ/مصطفي بكري : علي كل حال صلاحيات مجلس الشعب ستكون اولي القضايا المطروحة في الجلسة في ضوء الحالة اللي إحنا فيها بعد الإعلان الدستوري ولكن في كل الأحوال بيننا وبين إعداد الدستور مش حيبقي أكثر من شهر ونصف شهرين يعني إنتخابات الرئاسة سيُفتح الباب أمامها في 15 إبريل يعني قبل أن تجري إنتخابات رئاسة الجمهورية بمعني قبل نهاية شهر يونيو المقبل لابد أن يكون لدينا دستور في هذا البلد مش ممكن يكون لدينا رئيس جمهوية بلا دستور أنا بأتصور إن الدستور هو أول محك لهذا البرلمان والذي سيعطي الثقة الي الشارع المصري بأن هذا البرلمان عند مستوي التحديات المفروضة عليه في هذه المرحلة التاريخية المهمة الأمر الثاني إن إحنا نحتاج بالفعل من البرلمان أن يزيل كل آثار النظام السابق إذا كان هناك 40 أو 50 محبوسين علي زمة القضايا ولكن مازال هناك أركان أساسيين موجودين في كل المصالح وفي كل الوزارات فالشخص الذي ليس عليه شيئ أهلاً وسهلاً لكن كل من هو محط شبهات وكان له دور في إفساد الحياة السياسية والحياة الإقتصادية في وقتٍ سابق بالتأكيد لابد وهذا سوف يتضح من خلال الإستجوابات التي سوف تقدم يعني أنا أبشر بكم كبير جداً من الإستجوابات سيقدم في الفترة المقبلة خصوصاً وأن البرلمان بالتأكيد سيمتلك في ظل الدستور الجديد حق سحب الثقة من أي وزير أو من الحكومة بأكملها وهذا سيجعل للمجلس طعم لأول مرة والقدرة
عمرو الشناوي : دا أساسي لمجلس الشعب القادم أن يحتفظ ويتمتع بهذه الصلاحيات
أ/مصطفي بكري : بالتأكيد سحب الثقة من الحكومة وسحب الثقة من أي وزير لا يستطيع أن ينجز أو ما هو مطلوب أو إذا كانت أي شبهة هناك لابد أن تكون موضع مساءلة من النواب يعني لأول مرة سيكون لدينا مجلس شعب حقيقي لإنه نابع من إيرادة شعبية وإنه ليس هناك أحمد عز أو حد معين أو غيره يقدر يمسك بخيوط اللعبة ويقول إعملوا كذا وماتعملوش كذا هذا مجلس حر تعبير عن إيرادة حرة
عمرو الشناوي : الأستاذ مصطفي بكري لما يقول هذا الكلام هو نابع من خبرات شخصية وصراعات كثيرة مريرة
أ/مصطفي بكري : كنا بنشوف إستجوابات كان نقل الجدول الأعمال علي طول للأسف
عمرو الشناوي : إسمحو لي أنتقل الي أحد أصحاب الفرح أحمد محيي من شباب الثورة أنا مش شايفك مستريح شايفك في قلقك في عينيك
أ/ أحمد محيي : لأ هو ما فيش قلق هو إحنا الشباب والناس في الشارع نفسها تعرف أعضاء مجلس الشعب الجديد أنا أصرِّيت يكون الضيوف الموجودين معانا النهارده 2 من المستقلين مش من التيارات اللي هي محسوبه علي أي حد عايزين نعرف حيقدموا إيه للشعب في الفترة اللي جايه – الشعب خرج عشان يحارب حاجات معينة هذه الحاجات لسه مازالت موجودة لحاد الآن الشعب خرج كان بيطلب 3 حاجات كنا بنقول تغيير مش عيش حرية عدالة إجتماعية إيه اللي تحقق في الثلاثة – التغيير غيرنا إيه غيرنا رأس النظام مازال بقايا النظام هي التي تحكم مصر حتي الآن النهارده مصر بتمر بظروف كل الناس خرجت عشات تطمن إن ما فيش فساد ثاني موجود أنا بالنسبة لي خجت علي أساس إن فيه متر أرض في مصر بتباع ب 4,5 قوش وأنا مواطن أشتري في إبني بيتك أبص ألاقيهم بيدوني فوق دماغي
عمرو الشناوي : ب 4,5 قروش
أ/ أحمد محيي : آه الشركة المصرية الكويتية شاريه المتر ب 4,5 أنا مواطن مصري ليس كويتي ( فرق بين الكويتي والمصري ) أنا رجل مصري
عمرو الشناوي : ديه الأرض اللي كانوا وخدنها للزراعة
أ/ أحمد محيي : آه طبعاً النهارده لما أكون أنا مواطن مصري وآجي أشتري أرض أحس متر الأرض بيتباع لي في صورة شقة بعد ما بنوه ب 10 آلاف جنيه إزَّاي يعني فين المصري وفين الكويتي فين الشعب المصري الذي تغيب 30 سنه النهارده الشعب المصري محتاج حقه – محتاج حد يد له حقه وكرامته – حقه اللي إتسرق الناس اللي سرقت فلوسنا وموجودة في مصر سيبك من الفلوس اللي خرجت بره مصر الموضوع قدامها لسه طويل الدكتور حسام عيسي في لجنة الدفاع عن حقوق المدنيين
عمرو الشناوي : آه فيه ناس متخصصين مش حيسبوه
أ/ أحمد محيي : قالوا لنا لسه المشوار طويل لإن الفلوس دخلت في جزر كرير وبنوك ما حدش يعرف عنها حاجه وربنا يسهل أمامنا المشوار طويل علي ما نجيبها إنما الناس اللي سرقوا مصر وموجودين جوه مصر ومازالوا موجودين جوه مصر وفلوسهم معاهم هنا في مصر علي أرض مصر سايبينهم ليه ؟ فات سنه كاملة فيه ناس واخده حاجات مش حقوقها إحنا ما بنطالبش إن إحنا نهد المجتمع لأ إحنا بنطالب بحقوق الشعب النهارده أنا عندي التعليم ما فيش أي جديد حصل فيه الصحة ما فيش أي جديد حصل فيه كل حاجة زي ما هي بقي فيه ركود في الحياة فيه إفتعال أزمات موجودة من الحكومة اللي فاتت والحكومة الموجودة دلوقت فيه إفتعال أزمات النهارده يوم يجروا الناس وراء أنابيب الغاز ويوم ثاني يجروا الناس علي محطات البنزين ويوم ثالث يوقفوا الميكروباصات عشان الثوار ديه أزمات مفتعلة – إحنا النهارده ما زدناش ما بقناش مثلاً 200 مليون مثلا ولا 300 مليون مواطن إحنا مصر عددها زي ما هو الثورة لما قامت علي نظام سياسي كان غلط ما كنش بيخدم الشعب
عمرو الشناوي : إسمح لي يا أحمد لما بنتكلم علي ال 3 مطالب الأساسية اللي إتكلمت عليهم في الأول وكانوا مطالب بالتأكيد كلنا نتمني إنها تتحقق متوقع إن مجلس الشعب اللي حينعقد الإسبوع القادم حيحقق لك إيه فيهم
أ/ أحمد محيي : والله إحنا نأمل إن هم يحققوا لإن إحنا النهارده
عمرو الشناوي : هذه الآمال والطموحات مبنية علي توقعات أنت قريها أنت متوقع إن ده فعلاً حيحصل ؟
أ/ أحمد محيي : والله أنا من هنا من مكاني من منبر برنامجك أنا بأناشد كل الشخصيات المحترمة التي نزلت ميدان التحرير واللي طلعت علي المنصات خطبت في الشعب المصري ووعدته بوعود تحققها إحنا ما مش محتاجين أكثر من إن اللي خرج
عمرو الشناوي : ما جوبتنيش برضه حأرجع للأستاذ حمدي متوقع يكون لهذا المطالب ال3 الأساسية حتتحقق مع إنعقاد مجلس الشعب ؟
أ/ حمدي الفخراني : إن شاء الله حتتحقق وأنا من هنا من هذا البرنامج الجميل بأناشد كل السادة النواب إننا نطلع قانون بكره في أول إجتماع مش حنقول إذا وافقوا عليه أنا بأتقدم وأكون أسمي آخر واحد فيهم مش عايز يكون بإسمي واحد خفض الحد الأقصي للأجور للمعدل العالمي اللي هو 25 ألف جنيه أو 18 ضعف الحد الأدني للأجور في أوربا 18 ضعف الحد الأدني في أمريكا 15 ضعف في ماليزيا 10 أضعاف أنا آخد مشروع بقانون يتقدم به السادة النواب وأنا آخرهم بتخفيض الحد الأقصي للأجور في القطاع الإداري – في القطاع الحكومي وليس في القطاع الخاص وبرضه بأقول عدا العلماء حنخفض ده
نطلع ثاني بمشروع قانون ثاني لوقف التمديد فوق السن القانوني إحنا عندنا 94 الف واحد إستشاري يتم التمديد له فوق السن القانوني عندهم من 60 سنه الي 80 سنه موجودين في الجهاز الأداري للدولة الآن يمشوا مرتباتهم تتراوح من 200 ألف جنيه الي 6 مليون جنيه في الشهر رواتب حكومية وليس قطاع خاص الناس ديه تتفضل تستريح يمسك مكانها اللي عنده 58 سنه وبعدين نفك الواحد ب 10 بس لو قلنا حتي بياخد 12 ألف جنيه بس وأدي له الحد الأدني للإجوب 1200 يتعين 10 في 94 ألف يبقي أنا عينت 940 ألف شاب متعطل عن العمل ( شاب أو مش شاب ) أي حد
عمرو الشناوي : طيب أنا حأوفر لهم مرتب وحأعينهم هل حينهم عشان ينتجوا ويبقوا إيجابيين ولا حأعينهم عشان كأني بأعطي لهم إعانة بطالة
أ/ حمدي الفخراني : ديه الكلمة اللي أنا عايز أقول لحضرتك عليها لو أنا من الناس الكبار الموجودين بياخد مليون جنيه حأصرف كام في الشهر 30 ألف أقصي حاجه وأحكنز ال 970 ألف حيكتنزوا أما إذا وزعت هذا المبلغ المليون جنيه علي 100 واحد كلهم حيصرفوه كله حأعمل دورة إقتصادية مضاعفة 8 أضعاف المليون بيعمل 8 مرات بضعف الناس وأعينهم وبعدين أعيد تأهيلهم وهو متعين بس المهم يقبض الفلوس أنا كده كده الفلوس طالعه ما بأحملش الدولة جنيه واحد أعيد تأهيله وهو في الوظيفة وأوضفه في إتجاه ثاني بما يتناسب مع إحتياجات العمل عندنا حاجة ثالثة مد نظام التأمين الصحي مشروع بقانون كل المواطنين المصريين النهارده اللي يعيي في مصر يموت لو ما علهوش تأمين صحي - الدور الإجتماعي لأي دولة إيه سكن وأكل عيش
عمرو الشناوي : والله اللي عليه تأمين صحي موقفه مش أفضل كثير يا أستاذ حمدي طيب عندنا تعليق من أحد رجال التربية والتعليم معانا مداخلة تليفونية من الأستاذ محمد من البحيرة مساء الخير يا أستاذ محمد
محمد : أهلاً وسهلاً إزيك يا أستاذ عمرو معاك محمد رضا من محافظة البحيرة يافندم
عمرو الشناوي : أهلاً وسهلاً بك
محمد رضا : أولا أحب أمسي علي ضيوف حضرتك اللي معاك في البرنامج النائب المحترم الأستاذ مصكفي بكري الباشمهندس حمدي الفخراني الراجل المحترم الثوري احمد محيي بأقدم لهم شكري وإعتزازي هذه أول حاجه ثاني حاجه أنا رجل مدرس في التربية والتعليم محافظة البحيرة شغَّال علي حاجه إسمها عقد محلي بأقبض 105 جنيه في الشهر بقالي 3 سنين رحنا من شهر 10 قدام محافظة البحيرة في إعتصامات ووقفات إحتجاجية بإحترام دون تخريب تون تكسير دون دون الكلام ده كله عشان إحنا مدرسين ومحافظ البحيرة بيتجاهلنا أذن من طين وأذن من عجين
عمرو الشناوي : أحمد محيي واقف معاكم علي فكرة
محمد رضا : آه الأستاذ أحمد محيي دا راجل محترم
عمرو الشناوي : كل شويه بتوع البحيره – بتوع البحيرة
محمد رضا : الأستاذ أحمد محيي من القاهرة وأنا في البحيرة والنواب بتوعي لحاد دلوقت بيدوني ظهرهم مافيش واحد فيهم بيجيني ولا يقف معايا ولا يساندني ولا يقول لي إيه مشكلتك أنا راجل بأقبض 105
عمرو الشناوي : النواب الجداد يا أستاذ محمد والا القدام
محمد رضا : الجداد ياأستاذ عمرو النواب اللي هم نجحوا بقالهم 10- 15 يوم
عمرو الشناوي : لسه ما قعدوش يا أستاذ محمد أعطي لهم فرصة وتفاءل بهم إن شاء الله
محمد رضا : ماشي أنا معاك يا أستاذ عمرو حنديهم فرصة ديه نقطه يعني إيه محافظ البحيره عايز 4 شهور بعد تظاهر سلمي عشان يرفع لي المرتب الي 400 جنيه أنا عايز 400 مش عايز لا 800 ولا 700 يا باشمهندس حمدي
أ/ حمدي الفخراني : لأ 1200 دا حقك وحق كل مواطن
محمد رضا : لو عملت لي 1200 ياباشمهندس حمدي ياه دا أنا حياتي تبقي وردية
أ/ أحمد محيي : لن أقبل أقل من 1200 لكل مواطن حد أدني
محمد رضا : ياريت دا أنا بأطالب ب 400 مؤقتاً حاليا بس أنا بأركب مواصلات بس ب 200 جنيه في الشهر بأدفع من جيبي والله أنا في منطقة نائية أنا زي زمايلي ال4000 مدرس دول ما بنديش دروس خصوصية فين هي الدروس اللي إحنا بنديها
عمرو الشناوي : حتدي دروس لمين يا أستاذ محمد ما فيش حد معاه يدفع دروس دلوقت
محمد رضا : ما فيش حد معاه فلوس يا أستاذ عمرو عشان يدفع أساساً
عمرو الشناوي : تابعنا يا أستاذ محمد وإن شاء اللي في خلال
محمد رضا : فيه نقطة أخيرة يا أستاذ عمرو
عمرو الشناوي : إتفضل
محمد رضا : وزير التربية والتعليم مع الأستاذه هاله سرحان في برنامج ناس بوك عارف بيقول إيه الدكتور جمال العربي بعت له رساله علي الفيس بوك للدكتوره هاله بأقول له أنا مدرس بأقبض 173 جنيه في محافظة البحيرة قال لها الرقم ده مبالغ فيه ما فيش حد بياخد الرقم ده في الوزارة خالص طيب نقول له إيه إحنا بنشكر الأستاذ أحمد محيي
عمرو الشناوي : هي وزارة حديدة يا أستاذ محمد وممكن تكون المعلومات كلها مش قدام كل المسؤولين
محمد رضا : بنشكر حضرتك الأول يا أستاذ عمرو
عمرو الشناوي : تابعنا عشان أعرف رؤية برضه أعضاء مجلس الشعب الجداد في حل مشكلة زي بتاعت سعادتك تابعنا من خلال البرنامج
عمرو الشناوي : إحنا لما بنسمع كلمة 100 جنيه مرتب واحد
أ/ أحمد محيي : أنا عايز أقول ديه بعد إذنك معلوماتها عندي
عمرو الشناوي : إتفضل بس الإستاذ مصطفي حأستأذنه ونلجأ له في بعض التصورات
أ/ أحمد محيي : لإن أنا رافع بيها قضايا أصلا للناس فيه الناس المؤقتين في مشروع التشجير بالكامل بيقبضوا 75 جنيه بقالهم 10 سنين وبيروحوا ودفاتر حضور وإنصراف مستمرة تحت دعوي إنه حيثبتوهم السنه اللي جايه عندي 1600 دكتور من حملة الدكتوراه والماجستير في مركز البحوث الزراعية يتقاضوا 105 جنيه وبقالهم 10 ومش عايزين يثبتوهم حتي ديه قضية أنا رافعها إزَّاي يكون عندي واحد بيقبض 2 مليون جنيه في الشهر وناس بتقبض 105 جنيه وحتي مش عايزين يثبتوهم ويعطوا لهم الحد الأدني أن لن أتنازل والنواب كلهم طالما عندنا الموارد لو خفضنا الحد الأقصي للأجور المعدل العالمي ومنعنا التمديد فوق السن القانوني حنرفع الحد الأدني ونعين ناس جدد ويتفضل 7 مليار جنيه
عمرو الشناوي : أستاذ محيي دلوقت الحمل والدور علي موافقة مجلس الشعب في هذا المجلس القادم إزاي حتعرفوا طبيعة الموارد المالية المتاحة فعلاً ؟
أ/مصطفي بكري : أستاذ عمر قضية الحقوق المهدرة قضية مهمة جداً وأساسية لكن علينا أن نقرأ الواقع جيداً ما أسهل أن نقول 1200 أو 1300 تماماً بالعكس هو الحد الأدني لكن أنا لدي موازنة عامة الآن عندي عجز مرتفع جداً – عندي ديون مرتفعة جداً عندي إحتياطي نقد إستيراتيجي نزل ل 15 مليار دولار منهم 5 ليس بتوع الدوله عندي بطالة تتفاقم في الشارع وعندي حالات فقر مضجع جداً عندي أصحاب معاشات – يعني أصحاب المعاشات اليوم كان عندهم مظاهرة بكره حيعملوا مش عارف إيه ليه ؟ الناس ديه مش واخده حقها أنا عندي أموال المعاشات للأسف 141,8 مليار ضائعه ما حدش عارف راحت فين مش مقيدة عندي مبالغ أخري إتخذت في صكين صندوق التمويل الحكومي وصندوق القطاع العام والقطاع الخاص بفائدة 8% مع إنها كانت موجودة في بنك الإستثمار القومي بفائدة 10% كل ديه خسائر علي الناس ديه طبيعي أن يتردي وضعهم بهذا الشكل ويصبح الراجل اللي علي المعاش مش لاقي قوت يومه فيه عمالة في كل مكان أنا عندي في حلوان عندي شركة أراسكوا مشت ناس والمصانع للأسمنت مشت ناس كله بقي يمشي العمالة دلوقت عندي 200- مصنع قفلوا الأوضاع ديه سببها إيه ؟ سببها الإنفلات الأمني اللي البلد عايشه فيه – الإنفلات الأمني هو اللي ضرب السياحة هو اللي ضرب الإستثمارات هو اللي ضرب البورصة عشان كده لما بنقول يا جماعة ويا ثورة يا عظيمة من مصحتك العجلة تمشي – وطبعا الثوار أبرياء من اللي حصل في محمد محمود والا اللي حصل في كذا فيه قوي تريد القفذ علي هذه الثورة وتوظيفها لمصلحتها الإعلاميين اللي مولعين الدنيا هم اللي شغالين مع النظام يعني اللغة العالية ديه إن متصور إنك بتخاطب الثوار بها لأ أنت تعبر عن النظام السابق الذي يريد الإنفلات ويريد إجهاض الثورة لذلك نقول بالفعل يا جماعه النهارده أصبح فيه إنفلات اللي عايز يبني بيت بيبنيه في أرض الحكومة مش مهم اللي عايز يقطع سكه حديد – علشان كده من المشروعات التي سأتقدم بها وأعديت المشروع إن شاء الله مشروع قانون بمعاقبة كل من يقطع طريق سكة حديد وأو يقطع طريق سيب البلد بقه تعيش في آمان وإلا أنا مسافر علي بلدي وواخد القطر تقعدني 6 ساعات ليه عشان أنبوبة بوتاجاز ولا عشان مشكلة ثانيه – يا سيدي عبر عن رأيك أوكيه ما فيش مشكلة زي ما قال أحمد جزء كبير جداً من هذه الأزمات لابما مفتعلة
عمرو الشناوي : مين اللي عنده الأدوات في الشارع فعلاً إن هو يفرض هذه الأحكام – هذا الإنضباط
أ/مصطفي بكري : يا سيدي نحن الآن نعيش في حالة فوضي – فوضي مجتمعية وأنا أتخوف من صراع مجتمعي مجتمعي إن لم نلملم هذه الأوضاع وحتلملمها إزاي بقانون صارم في مواجهة كل إنحراف حاسب يا سيدي ما حدش بيقول لك ما تحاسبش – حاسب الذين يستحقون العقاب المنحرفين مش اللي بيطالب بحقه – اللي بيطالب بحقه بطريقة شرعية أهلاً وسهلاً لكن كمان كل المظاهرات الفئوية واللي متركزة في الوقت ده تربك الحكومة إحنا عايزين الحكومة تستقر والعجله تمشي
عمرو الشناوي : هل حتقترح من ضمن التشريعات صيغة للإحتجاج مقبولة ولا تعطل الأعمال ؟
أ/مصطفي بكري : الإحتجاج حق سلمي أهلاً وسهلاً اللتظاهر السلمي موجود – الرجل دا لما كان يتقفل ميدان التحرير كان هو اللي يفتحه يقول لك خلي الناس تعدي
عمرو الشناوي : لما هذه الإحتجاجات زي ما قال الأستاذ مصطفي بكري ممكن تعطل طريق ممكن تعطل القطر
أ/مصطفي بكري : لأ أنا بأفرق بين اللي بيقطع سكة وبين اللي بيتظاهر سلمياً حق التظاهر السلمي كلنا معاه إنما تقطع لي خط السكه الحديد ليه تقطع خط طريق وتمنع الناس تمشي ليه
عمرو الشناوي : يتظاهر سلميا علي رصيف
أ/مصطفي بكري : يتظاهر زي ما هو عايز بس ما يقطعش طريق
عمرو الشناوي : أحمد محيي حل المشاكل اللي زي ديه ومن ضمن الحلول اللي كنتوا بادئين بيها بنك الأفكار ما بأسمعش عنها بنفس الزخم اللي كان موجود الأول العيب منكم
أ/ أحمد محيي : لأ طبعاً الشباب كل الل عنده فكرة بيقدمها الأفكار بتتاخد وتتعرض علي المسؤولين المسؤولين بيأخذوا الأفكار يضعوها في أدراج ويقفلوا عليها هم مصممين علي العمل بمنهج هم مازالوا بيعاملوا المواطن المصري بالمنهج القديم حناخد مثال مثلاً مجلس الوزراء – مقر مجلس الوزراء المفروض الناس قاعده عشان تخدم المواطن المصري ديه المكزية بتاعة الحكومة – مركزية الحكومة المصرية موجودة في مجلس الوزراء – النهارده لما تخش مجلس الوزراء وتلاقي الناس لسه شغَّالة بالمنهج القديم زي ما هو – هو بيعتبر المواطن اللي واقف بره بيطالب بحقه ده هو ده اللي أذاه – هو ده اللي ضيَّع العز اللي كان عايش فيه أيام زمان هو ده اللي جيه وبهدل له الدنيا وأنا كنت عايش مستريح قاعد عامل كده في مكتبي وبآخد كل شهر قد كده إنت اللي جيت أذيتني فإنت النهارده جاي علي بابي وعايزني أقوم أخدمك إزَّاي – الناس ديه لو ما تطهرش الإسلوب ده وإتغير المنهجية بتاعة الناس ديه جوه مجلس الوزراء مش حيسقطوا رئيس وزراء لو إنت جبت رئيس وزراء من كوكب ثاني حيسقطوه
عمرو الشناوي : مفاهيم الموظف بس اللي المفورض إن هو بيخدم المواطن هي اللي لازم تتغير ولا مفاهيم المواطن العادي في كيفية مطالبته بحقه
أ/ أحمد محيي : الثورة ما خرجتش ضد أشخاص إحنا خرجنا ضد سياسة معينة ونظام معين وأوضاع عايش فيها الشعب المصري كله بيخدم 300 – 400 عليه في مصر النظام مسايسهم علي كده في اي مجال – يعني النهارده في السياحة حتلاقي الشعب المصري كله شغَّال خدم عند 300- 400 عيله موجودين في مصر ومعروفين بالإسم النهارده في مجال السياحه قالوا هاجموا الإخوان عشان قالوا السياحه الشاطئية – السياحه الشاطئية إحنا ركزنا عليها وعملنا قري سياحية في شارم وفي الغردقه وخلاص بقينا بناخد سياحة الشارطر " السايح يجي يقعد يوم أو يومين
عمرو الشناوي : دا حيستهلك إهتمام الناس ومجهودهم وتفكيرهم وحيبعدنا عن القضايا الأساسية/
أ/ أحمد محيي : إديني فرصة أوصل وجهة نظري النهارده السايح اللي بييجي شارطر بينزل يقعد يوم ويمشي ثاني في شرم الشيخ أو في الغردقة مصر ما بتشوفهوش إحنا عندنا ثلث آثار العالم موجودة في مصر عندنا السياحة الدينية آثارنا الموجوده جوه القاهرة النهارده المتحف المصري ما فيش حد بييجي فيه انا يهمين السايح اللي ييجي جوه المحافظة جوه القاهرة يخش ويتعامل يركب تاكسي ويشتري من السوبر ماركت إنما النهارده لما ييجي يقعد يوم في شرم الشيخ مين اللي إستفاد هم ال 200 عيله هم ال 300 عيله اللي الشعب المصري كله قاعد بيخدمهم والنهارده لسه فيه ناس في مصر موجوده وقاعده بتحارب عشان نفضل نخدمهم
عمرو الشناوي : أفكارك عشان تغير ده إيه
أ/ أحمد محيي : لازم كل حاجه تتغير دا دور مجلس الشعب
عمرو الشناوي : حاول تديني ملاحظات حضرتك عشان نواب الشعب يحافظوا عليها ويحاولوا يحققوها
أ/ أحمد محيي : مبدئياً الإنفلات الأمني اللي الأستاذ مصطفي كان بيتكلم عنه الإنفلات الأمني ده إحنا خرجنا من ثورة 25 يناير بقالنا سنه – سنة كاملة فيه حكومة موجودة في البلد وفيه وزارة داخلية موجودة في البلد وقفنا بجانبها بما فيه الكفاية أنا قابلت اللواء منصور عسوي قبل ما يحلف اليمين كنا مجموعة كبيرة جداً من شباب الثورة وخرجنا وعملنا مؤتمرات في الشوارع عودة رجل الشرطة وعودة الأمن والقضاء علي الإنفلات وحنساعدكوا اللي حيشوف بلطجي حيبلغ عنه عملنا كل حاجه عشان الداخلية ترجع – النهارده الداخلية مطالبة إنها ترجع الأمن دا مش جديد دا دورها ظابط الشرطه بياخد مرتبه أو أي من كان هو في وزارة الداخلية بيتقاضي راتب بيتقاضاه مقابل إيه مقابل الأمن اللي حضرتك بتتكلم عنه وإسترداد الأمن اللي حضرتك بتتكلم عنه هو بقاله سنه دلوقت بيقبض مرتب ومش قادر يحقق الأمن اللي هو بيتكلم عنه إحنا ما عندناش مشكلة مع وزارة الداخلية ووياقفين بجانبها وشعب مصر كله واقف بجانبهم لإن إحنا مش حنحمي بلطجي
أ/مصطفي بكري : أحمد اللي بيقول الكلام ده وغيرك مصمم إنه يخش ويحرق وزارة الداخلية ويحرق أقسام شرطة دول بعاد عن الثورة فئات موجودة وتحرض – فيه ناس بتحرض وناس بتدخل عايزه تقتحم الداخليه فيه إعلام بيحرض فيه محاولة لإستمرار فقدان الثقة بين الشرطة وبين المواطن العادي – النهارده لما احمد راح وكان في الحقيقة في إتصال مستمر بيقول لهم إحنا مش ضدكم إنما إحنا عايزين 1- 2 – 3- 4 إسلوب محترم لكن اللي رايح بملوتوف عشان يجر معركة ويجر أزمة ورايح يهاجم بالتأكيد دا بيساعد البلطجة وبيساعد حالة الإنفلات الأمني
أ/حمدي الفخراني: دول يا أستاذ مصطفي من فلول النظام السابق ما إحنا قبضنا علي 60 واحد في محمد محمود وعملنا تحقيق معاهم
أ/مصطفي بكري : علشان كده لابد أن تواجه وبكل قوه
عمرو الشناوي : دور أحمد محيي في هذا الموضوع ده إيه كيف نكلف واحد زي أحمد محيي بما له وما عليه إن هو يساهم في ديه يحقق ديه إزَّاي
أ/ أحمد محيي : أنا حأرد علي الأستاذ مصطفي في أحداث محمد محمود وحنفتح الموضوع وحأقول لك إيه الل تم بالظبط وإزَّاي قدرنا نقفل خط الضرب اللي كان في شارع محمد محمود إحنال مبدئياً كان كلامي بس عن وزارة الداخلية إن هم المفروض تحقيق الأمن وإستعادة الأمن ده فرض عين عليهم لإن هو بيأخذ مرتبه عشان كده وهو بقاله سنه بياخد مرتب عشان ده أنا النهارده بأسأل حاجه واحده بس إيه اللي الداخلية قدمته جديد ؟ الشعب لما خرج مستني دخلية جديدة – الإنحراف حصل في الداخلية من إمتي من أيام اللواء أحمد رشدي لما مشي أحمد رشدي كان ظابط الشرطة بيقابلنا في الشارع أو أي حد في عصر أحمد رشدي في الشارع لما بيقابلك انا واحد من الناس كنت بأنزل أقابله وأسلم عليه وأبوس دماغه ليه لإنه راجل واقف ما بيخدمش أي سياسة ومابخدمش أي إتجاه غير إنه يخدم الشعب – الداخليه حصل فيها إنحراف من عصر أحمد رشدي – من بعد أحمد رشدي إحنا عايزين نرجع للوراء شويه ونفتكر الزمن الجميل اللي كان ظابط الشرطة يقف في الشارع الناس بتقف تسلم عليه وتبوسه وتحضنه هو ده اللي عايزين نرجع له ونبتدي نشوف الداخلية حتقدم إيه
عمرو الشناوي : وماكنش محتاج علي فكره إن هو يبقي موجود في الشارع لإن كان فيه مفاهيم مترسخة وأخلاقيات بتحكم الشارع
أ/ أحمد محيي : أنا عايز أوصل لحضرتك معلومة كانت الداخلية شغَّالة لخدمة الشعب ما كنتش بتخدم نظام من أول ما إبتدت تخدم نظام إبتدي الوضع يختلف ظباط الشرطه الموجودين قطاع منهم كبير ما بيمثلوش القطاع الأكبر من الشعب المصري بيمثلوا طبقة معينة اللي هو والده ظابط شرطه وعمده ظابط شرطه بباه معاه 300 ألف جنيه يدفعهم عشان يبقي ظابط شرطه إنما فين الظابط بتاع زمان إبن عم محمد اللي في أول الشارع وإبن عم محمود اللي في وسط الشارع اللي هو منَّي اللي هو من المجتمع الظابط البسيط إبن المواطن البسيط والا ده مش من حقه
عمرو الشناوي : هل ما يطرح عن طريق نوابنا الجدد في مجلس الشعب عشان تحقق لنا هذه النقلة النوعية في طبيعة رجل الشرطة هل إحنا محتاجين نطبق معايير جيديدة نأخذ خريجين حقوق ناخد خريجين تربية رياضية وبشيئ من التأهيل يعينوا ويوكل إليهم هام محددة في خدمة أمن الوطن ؟
أ/حمدي الفخراني : حأرد علي حضرتك بس عايز أرد علي النقطة التي قلتها الأول كيفية تهدئة الشارع ديه أهم حاجه إني أهدئ الشارع ما تحصلش مظاهرات فئوية إن الشارع يحس إن الثورة نجحت إزاي
عمرو الشناوي : إحنا بنتكلم تخوفاً من 25 يناير والا بصفة عامة
أ/ حمدي الفخراني : بصفة عامة أولا تنفيذ الأحكام القضائية النهارده مازالت – عندنا قضاء مصري عظيم يعني إنتخابات مجلس الشعب اللي فاتت فعلاً من أعظم الإنتخابات حتي لو حصل فيها تجاوز في صندوق أو إثنين إنما ما فيش تذوير نهائياً أنا ما كانليش مناديب ومع ذلك لم تذور صندوق واحد الصناديق في أي مكان في المحلة خالص – أنفذ الأحكام القضائية وليس بطريقة إنتقائية النهارده شركة النيل لحرير الأقطان نفذوها لأ مش حننفذها عمر أفندي نفذها لأ مش حننفذها
أ/ أحمد محيي : يا أستاذ حمدي اللي كان بيروح يعارض ضدك في القواضي ديه الدكتور عصام شرف يبطلها يعني إحنا كنا بنكسب حكم في محكمة مجلس الدولة ونأخذ حكم ببطلانها من عقود الخصخصة كان بيروح يطعن علي الحكم رئيس الوزراء طيب إزَّاي إنت مش عايز ترجع حق الشعب المصري
عمرو الشناوي : قد يكون هناك وجهات نظر بما يعني بعض الخشية علي الإستثمارات وما الي ذلك
أ/ حمدي الفخراني : فزاعة الإستثمار الأجنبي باطلة وكاذبة – كل الإستثمار الأجنبي في مصر من واقع مركز المعلومات ودعم إتخاذ القرار 6 مليار دولار منهم 4,2 في القطاع البترولي يعني كل الإستثمار الأجنبي الذي يتم نهب مصرعلي أساسه 1,8 مليار دولار
عمرو الشناوي : لأ إتفاقيات وزارة البترول ديه حنخصص لها حلقة يا أستاذ مصطفي بكري عشان إحنا حنناقشها بتوسع حيجي لها مجالها في الحقيقة
أ/حمدي الفخراني : أنا عايز أوصل لحضرتك إن نقطة الإستثمار الأجنبي إذا كن عايز تخش فيها 1,8 مليار يعني إيراد قناة السويس في 3 شهور يتم نهب مصر تماماً زي ما قال المصرية الكويتية المتر ب 5 قروش أنا اللي رافع القضية والراجل عرض 81 مليار جنيه شاري الأرض كلها 26 ألف فدان ب 5 مليون تقسيط علي 5 سنوات دلوقت عارض في المحكمة 81 ألف مليون جنيه عشان تتنسب له الأرض - عشان بيقولوا الإستثمار الأجنبي – توشكي كلها نلاقي الوليد بن طلال والرالي والكحكي شاريين ال 100 ألف فدان ب 5 مليون جنيه يعني تشكي بالكامل نصف مليون فدان تم بيعها ب 25 مليون جنيه تم صرف عليها 8 مليار و400 مليون جنيه للبنية الأساسية
عمرو الشناوي : يعني إنت شايف وجود قوة دافعة تقدر تحكم وتقدر تطبق القانون وتقدر تنفذ الأحكام الصادرة عن القضاء ده مطلب أساسي ؟
أ/حمدي الفخراني : هي سياسياً وضغط من البرلمان الحالي لتنفيذ الأحكام ثانيا عايزين إيرادة سياسية الفلوس ما بترجعش ليه يا أخي يعطوا لي جمال وعلاء مبارك 48 ساعة وأنا حأرجع الفلوس علي اللاب توب الله علي الللاب توب كلها ولا حنعمل إجراءات ولا حاجه زي الحباك ما جابوه وخلوه حول من اللاب توب فلوس جوه البنك عبد الوهاب الحباك – 48 ساعه بس – الحاجه الثانية حق الشهداء ليه ما بيخلص – المصابين ليه ما بيتعالجوش إزأي أنا أدق في البورسة 4 مليار دولار علشان الغني يظل غني والسهم أبو 100 جنيه ما يبقاش ب 80 جنيه وآجي مش عايز أدفع حق الشهيد وحق المصاب وأشغَّل الشركات والعمال الغاز الإسرائيلي – الأستاذ مصطفي بكري بيقول فين الموارد – الموارد آهيه - الغاز لإسرائيل يتم تعديل بيع الغاز لإسرائيل للسعر المعدل عن السعر العالمي مالا حدش حيقول لأ أبداً ما يقولش إتفاقية – الإتقافية بين مصر وحسين سالم وليست بين مصر وإسرائيل – لو عدلت بالسعر العادل الغاز بتاع إسرائيل وغازالأردن وغاز أسبانيا حناخد 25 مليار دولار في السنه إعملهم – عندنا مصانع الأسمنت والسيراميك والحديد مد لها الطاقه مدعمة والسولار مدعم وغير مدعم أعدل الأسعار ديه حتجيب لنا 35 مليار جنيه – عندنا تخفيض الحد الأدني للأجور بالمعدل العالمي حتجيب لنا 7 مليار جنيه – عندنا موارد جاهزه – الشعب لو لقي الدولة بتعمل كده والل ما حد حيقطع خط سكه حديد ما حد
أ/مصطفي بكري : أنا عايز أقول في مجلس الشعب معنيين بهذه القضايا معنيين بأن نراجع كافة الإتقافيات التي وقعت ونعرف إيه اللي حصل وكمان الوزير الجديد عمل زيادات في أسعار مع العديد من البلدان
أ/ أحمد محيي : الأردن بس
أ/ حمدي الفخراني : الأردي بس زودها ل 2,5 مليار
أ/مصطفي بكري : فإحنا طالما بنزود في حته نستطيع أن نزود
عمرو الشناوي : أعتقد من أهم القضايا عندنا دلوقت بالنسبة لوزارة البترول إتفاقية معمولة مع برتش بتروليوم علي شمال البحر المتوسط وده موضوع كبير
أ/مصطفي بكري : يا سيدي إحنا عندنا 10 جبال دهب الآن الراجل قال أنا مستعد ال10 جبال دهب دول زي السكري وأفضل كمان قال خلال سنه أنا مستعد أصدَّر 70 طن دهب للخارج يا جماعة كل ما في الأمر أنا بأقول إن الثورة نجحت إنها توصلنا لمنطقة العبور الآمن إن إحنا عملنا مجلس شعب إنتخابات حره في آمان وبطريقة نزيهة أبهرت العالم نمره إثنين هم أربع شهور نستني في الآربع شهور دول مجلس الشعب هو المعني باللي إنت بتقوله إثنين رئيس الجمهورية اللي جاي حنيجي نقول له الناس ديه اللي إتحاكمت ما ينفعش أنت كرئيس جمهورية طلع لنا قرار بمحاكمة ثورية لمحاكمة كل رموز الفساد التي أفسدت الحياة السياسية
عمرو الشناوي : وأنتم تدعمونه كمجلس تشريعي
أ/مصطفي بكري : ندعمه ونقف معاه كل ما في الأمر أننا الآن في مرحلة إنتقالية 4 شهور اللي عايزين يولعوها من دلوقت ويقول لك المجلس العسكري يمشي – حيمشي مين اللي حاييجي 10,49
عمرو الشناوي : خليني أرجع للنائب المخضرم مصطفي بكري وأعرف تصوره لتسليم ونقل السلطة تراها إزَّاي ؟
أ/مصطفي بكري : أستاذ عمرو إذا لم يُسلم الجيش السلطة في 30. 6 كلنا حنبقي في الشارع ديه نمره واحد نمه إثنين رئيس المجلس الأعلي المشير طنطاوي تعهد أمام الشعب إنه حيسلم السلطة في 30. 6 وإحنا واثقين في هذا العهد أنا دلوقت خلصت مجلس الشعب داخل مجلس الشوري مع نهاية الشهر ده حأخلص حأعمل دستور حأجيب رئيس جمهوية أنا بقي كشعب آدي رئيس الجمهورية السلطة الشرعية المنتخبة يا رئيس الجمهورية أنا مش عجباني المحاكمات ديه أنا عايز أحاكم الناس ديه علي الفساد السياسي أنا عايز أعمل محكمة فورية بيده أن يُصدر هذا القرار يعني الأمور ما فلتتش لكن لو دخلت الآن
عمرو الشناوي : طبقاً لأي صلاحيات يا أستاذ مصطفي بكري وإحنا لسه الدستور بيتعمل وكل الصلاحيات ديه بتاعة مجلس الشعب
أ/مصطفي بكري : حنعدل الدستور ما هو رئيس الجمهورية حاييجي بعد الإستفتاء ومجلس الشعب طبعا لكن رئيس الجمهورية هو الذي يصدر القرار
أ/حمدي الفخراني : نصدر قانون يا أستاذ مصطفي بهذا المعني
أ/مصطفي بكري : ما فيش مشكلة في ده يعني أنا عايز أقول للناس وإحنا داخلين علي 25 يناير عايزين إحتفالية وفاء لأرواح الشهداء نعم هناك حاجات كثير جداً ما تمتش زي ما أحمد قال فيه أشياء كثيرة جداً كنا نتمني تحقيقها ولم تتحقق بس خلاص العجلة بقة في إيدينا دلوقت ودارت وإحنا دلوقت اللي بنسوق ما حدش غيرنا عايزين نستني الأربع شهور دول مش عايزين نسمح بالفوضي تنزل الي الشارع مرة أخري خلي بارك لو المره ديه إستخدم العنف كل التي أنجزت في الشهور اللي فاتت ضاع ليه ؟ رأس المال جبان البورصة حتقع البلطجية قاعدين جاهزين فلول النظام السابق مستعدين وشغَّالين وكل يوم بتتكشف حقائق
عمرو الشناوي : طيب إذا كانت قوي الشباب ملتزمة إن هي تقود هذه التظاهرات السلمية وإحتفالاً ب 25 يناير وتقضي علي أي فوضي محتملة
أ/مصطفي بكري : ما هو ده الأمل دلوقت
عمرو الشناوي : طيب ما ندعمهم
أ/مصطفي بكري : ما إحنا مع ده
أ/ أحمد محيي : أنا حأوصل لحضرتك معلومة يمكن الإعلام المصري كانت غايبه عنه في أحداث محمد محمود أحنا في أحداث محمد محمود كانت وزارة الداخلية
عمرو الشناوي : آنهي أعلام مصر بتقصده معلهش الحكومي والا الإعلام القومي
أ/ أحمد محيي : تليزيون جمهورية مصر العربية الحكومي أنا جيت هنا بعد الثورة وقابلت سامي شريف اللي كان ماسك رئيس إتحاد الإذاعة والتليفزيون وعملنا أجتماع مع عدد كبير جداً من الإعلاميين الموجودين وطلبنا منهم إن هم يكونوا معانا في الصفوف الأولي كلهم بلا إستثناء رجعوا في الصفوف الخليفة لسبب عشان ينسحبوا مرة واحدة ويسيبوا ظهرنا مكمشوف هو ده اللي عملوا الإعلام المصري وهو ده اللي حققوه أنا جيت أكثر من مرة
أ/مصطفي بكري : بس الراجل قابلك يا أحمد وعمل كثير مما كنت تطلبه
أ/ أحمد محيي : حقق وعملنا حاجات كويسة وعملنا إنجازات ونزَّلت الكاميرات بتاعة القناة الأولي معانا في ميدان التحرير علي المنصة لحاد ما جيه الأستاذ أسامه هيكل
عمرو الشناوي : ونزلوا بعد كده أكثر من مرة وإتضربوا الحقيقة وماحدش حماهم
أ/ أحمد محيي : لأ لأ اللي حصل إحنا لما جينا المبني إتفقنا مع الأستاذ سامي الشريف وعملنا حاجه إسمها لجنة حوار مع الإعلام المصري كانت مكونة من 5 أفراد من إتحاد الإذاعة والتليفزيون و 5 من المجتمع المدني وقربنا وجهات النظر وعرفنا إيه السلبيات وقلنا حنتفادي السلبيات في كل التغطيات وخرجت معانا كاميرات التليفزيون المصري وحققت إنجازات كبيرة جداً وقدرنا نحط كاميرة القناة الأولي وقطاع النيل للأخبار علي المنصة في ميدان التحرير وصوروا مع ناس كانوا رافضين التليفزيون المصري نهائي وإبتدت الأمور تمشي في الإتجاه – أنا عايز أوصل لك التدرج إيه اللي تم – وصلنا إن إحنا حققنا وقدرنا نعمل إنجاز كويس لحاد ما جيه الأستاذ أسامه هيكل هد لجنة الحوار هد كل حاجة تاني – البرامج اللي كانت شغَّاله معانا إحنا كنا بنخرج الكاميرات بتاعتها علي أساس تطلع ويبقي ليها دور في تنمية المجتمع يعني فيه برنامج إسمه رسالة كان شغَّل معانا الناس بتاعته كانت بتيجي معايا نزلت معانا المحلة صورت مصانع النسيج ومصانع الغزل وأصحابها نايمين بجانبها والعمال قاعده في الشارع وبيقولوا لهم الشهر الجاي حنمشيكوا خالص وحنقبل ونمشي والمشكلة إتحلت – نزلوا معايا للطلبة بتوع الجولوجيا اللي كانوا 1200 عاملين إعتصام قدام وزارة البترول وحققت إنجاز وعيينا من الطلبه دول اللي كانت وزارة البترول بتقول مالهومش تعيين عندي عيينا منهم 450 واحد وعملنا جدول زمني مع وزير البترول نعين الباقي الكامير لما تكون خارجه
عمرو الشناوي : فاضل 4 دقائق ووقتنا جري في الحقيقة بس عايز طالما إحنا متفقين في هذا شكل التعاون حيبقي بيننا إيه وكاميرات التليفزيون تنزل يوم 25 يناير وتنتشر في كل أنحاء مصر مش بس في ميدان التحرير
أ/ أحمد محيي : والله إحنا نأمل ده ونأمل من الإعلام المصري والإعلاميين الشرفاء المصريين الموجودين في المبني تقريبا الإعلام المصري في 43 ألف موظف دا رقم ليس موجود في أي حته تانيه في العالم إحنا مش حنقول هم كتير ربنا يديهم الصحة وربنا يبارك فيهم بس إحنا بنطلبهم يكونوا معانا في الصفوف الأولي إحنا جينا هنا عشان نناقش شكل الشاشة
عمرو الشناوي : طيب أحنا يوم 25 يناير وأنا بأتفق معاك من دلوقت حنبقي مع بعض في ميدان التحرير ومعانا الأستاذ مصطفي بكري والأستاذ حمدي
أ/مصطفي بكري : إن شاء الله
أ/ أحمد محيي : لأ أنا حأنزل بلدي في المحلة أشار مع أهل المحلة وشعب المحلة فرحتهم لازم مصر كلها تفرح
عمرو الشناوي : حأبعت لك عربة إذاعة خارجية وحتنقل لنا شخصياً إنت بنفسك الصورة وإنت هناك
أ/ أحمد محيي : إنت لو تعاونت مع المجتمع المدني لو حصل تعاون تاني مع المجتمع المدني وماتجاهلتش المجتمع المدني الموجود بره وماتجاهلتش الناس اللي بره إنت حتقدر تتحرك في مصر في أي مكان إنت عايزه إن مش أقل من أي شبكة موجودة شبكة الجزيرة ديه 25 موظف والا 30 موظف
عمرو الشناوي : التليفزيون ده بتاعك اللي إنت بتتكلم 43 ألف موظف المبني ده بتاعك بفلوسك
أ/ أحمد محيي : ما هو ده اللي بنحلم به
عمرو الشناوي : حاينزل وحتنزل إنت معاه
أ/مصطفي بكري : إن شاء الله هي ديه الفكر الأساسي في الإعلام يعني لو إعلام مسؤول ومنضبط ويراعي الحريات ويبطل لغة الإثارة والتحريض اللي شغَّالة علي عينك يا تاجر ومن مين يعني حدث ولا حرج في الحقيقة ساعتها فيه أمور كثيرة جداً هتنضبط لو الإعلام ينتقي الناس اللي بيجيبهم كويس قوي وبيتكلموا كويس قوي ومحترم وعندهم حرص علي الوطنيه أكيد الصورة حتعمل كل ده لو الإعلام ينزل للشارع ويشوف مشاكل الناس ويتابعها هنا وهنا ويعكسها
عمرو الشناوي : ما هو الإعلام أصلاً مكانه في الشارع يا أستاذ مصطفي وحضرتك أعلم مش في الإستديوهات
أ/مصطفي بكري : بالتأكيد حيقدم الصورة المجتمعية الحقيقية يا أستاذ عمرو الناس بتعاني معاناة شديدة جداً في الإعتصامات اللي بتبقي موجودة في العشوائيات في المشاكل في الغلابه في كل ده يعني ده الدور الحقيقي للإعلام وعمر الإعلام ما كان دوره الحصانة السياسية
عمرو الشناوي : أنا حأستأذنكن قبل ما وقتنا يخلص معانا تليفون الأستاذ أحمد نجيب عضو مجلس أمناء الثورة أستاذ أحمد أهلا بك
الأستاذ أحمد نجيب : أهلا بك أنا حابب أحيي حضرتك وضيوفك أولاًَ وحابب أقول إن إحنا النهارده عندنا رسالتين مهمين جداً جداً لأهلنا وناسنا اللي قلقانين ومتوترين من ماذا سيحدث يوم 25 يناير وأحب أطمنهم أولا نحن يوم أطلقنا مبادرة التوافق الشعبي اللي فيها أكثر من 40 إئتلافي بتؤكد علي سلمية دورتنا وإستكمالنا ولهذه الدوات إحنا ما بنقلش إحتفال بنقول إستكمال لإن لما يكون الدم لسه ما بردش علي الأرض وما حدش أخد حق أخواتنا وناس بتطلق سراحها وبتترقي في وزارة الداخلية بدون محاسبة فإحنا بنقول لأ لم نستكمل ثورتنا بعد لكن نقول إحنا نحافظ علي سلميتنا وكل من ينتمي لأي حركة بالعنف إحنا شوفنا إن ما فيش أي حركات من حركات الثورة كانت ليها أي إتجاه مسلح أو عنف إحنا شوفنا ولدنا هم اللي بيتقتلوا ويتسحلوا ولكن أحنا بنقول يوم 25 يناير هذا يوم سلمي بالتأكيد ونحن سنبذل قصاري جهدنا في تأمين الميدان وشوارع مصر بالكافتها إن إستطعنا الرسالة الثانية بنقول أهلنا وإخواتنا ورجالنا ونسائنا اللي دخلوا البرلمان بنحييهم وبنقول لهم نحن ورائكم ونحن جنودكم البرلمان هو السلطة المنتخبة من الشعب اللي إحنا ورائها ولكن ينذكرهم لولا دماء الشهداء لم يكن هناك لا برلمان ديمقراطية فإحنا بنقول زي ما إحنا إنتخبناهم بنكلفهم بمسؤوليات ومهام إستكمال الثورة لإن هم القادة ونحن الآن الجنود فبنقول الآتي لازم أمرين مهمين جداً
أ/حمدي الفخراني : نحن من الثورة وحنصرعلي تنفيذ مطالب الثورة
الأستاذ أحمد نجيب : طبعا
عمرو الشناوي : نشكرك يا أستاذ أحمد جداً علي هذه المداخلة
أ/مصطفي بكري : أحمد نجيب من العناصر المحترمة صاحبة الموقف وصاحبة الرأي وأنا أثق في كل كلمة قالها أحمد نجيب لإنه لا يتعود إلا أن يقول الصدق ومن الشخصيات التي لها حضور كبير في هذه الثورة واللغة اللي تحدث بها الآن تدفعنا جميعاً لأن نتواصل بشكل بشكل مستمر وندافع بشكل مستمر عن كل أهداف الثورة لإن هي ديه أهداف الشعب المصري
عمرو الشناوي : ونتمني إن شاء الله يوم 25 بعد يومين من إحتفالنا بإنعقاد مجلس الشعب اللي كلنا منتظرينه نتمني إن كلنا نحتفل
أ/ أحمد محيي : في سالة بسيطة في أقل من ثانيه نوصلها للإعلاميين المصريين الإعلام المصري بيواجه آله إعلامية جديدة ظهرت علي أرض مصر اللي هو إعلام رجال الأعمال كل القنوات اللي فتحت علي مدار الفترة اللي بعد ثورة 25 يناير بصوا شوفوا أصحابها مين شوفوا ملاكها مين أنا عايز الإعلام المصري يقف أمام الظاهرة ديه
عمرو الشناوي : عايز الإعلام المصري يقف أقف معايا وحنشتغل كلنا ويوم 25 حنبقي مع بعض ومش حيبقي فيه أي أصوات مغرضة ممكن
أ/حمدي الفخراني : بس أنا لي إعتراض صغير في ثانيه واحدة إنه لولا وجود قصور في الآداء الحكومي ما تمكن أي حد من المغرضين في أي جهاز إعلامي من التحريض المغرض هو اللي بيمسك معية القصور الحكومي والخلل فيه
عمرو الشناوي :مرحلة عدة يا حمدي بيه ونتممني نحن مع بعض إن شاء الله نعالج أي قصور أستاذ حمدي الفخراني بنشكرك شكراً جزيلاً وشكراً للأستاذ مصطفي بكري وشكرا لأحمد محيي والي لقاء آخر وإتجاهات بإذن الله