يا بيّاعين الحلاوة

يا بيّاعين الحلاوة متعملوش مولد 
                                    مولد النبى المختار مش محتاج مولد
كفاية الدنيا لهيانا ومعيّشانا فى مو    
                                   أحسن نصلى عليه من غير ما نعمل مولد
مش بالعروسة والحصان تبقى دى الذكرى  
                                   دا هو اللى حطم الأصنام وبقت ذكرى   
ويوم ميلاده اتهد عرش إيوان كسرى
                                  وانطفت ناره وقلبه دبت فيه الحسرة
عروسة لمين وحصان لمين فوقوا بقى يا مسلمين
                                  إخوانا البُعدا طلعوا القمر وإحنا لسه غفلانين
متأكلوناش حلاوة الأحسن تأكلونا طين
                                  كل يوم يتهان نبينا وإحنا فى الحلاوة غرقانين
يا بيّاعين الحلاوة مش بالعروسة والحصان
                                   دى ذكراه ذكرى شريفة هى كده تنصان؟
إنت جاى تعمل مولد والكلاب رسموه شيطان
                                  إزاى تفرحونا وتسعدونا وهو مننا زعلان؟
مش حاناكل الحلاوة إلا فى يوم نصر الإيمان
                                  وحارفع راية محمد ولا عمرى حاموت جبان
وإن مت حا ركب حصانى وأفتح بيه كل البيبان
                                   وأدخل بيه جنتى وهناك حا قابل العدنان
يا رب اقبل دعايا وصلى وسلم ع الحبيب
                                    اللى بسيرته الدنيا تحلى والعليل منا يطيب
يوم ميلاده الشمس طالعة بنور جميل من غير لهيب
                                والقمر يفرش ضياءه على الليالى ولا يوم يغيب
يا بيّاعين الحلاوة متعملوش مولد
                                    لازم ناخد بتاره ونعمل لهم مولد
ورايته هناك تعلى ونعمل هناك مولد
                                     يا بيّاعين الحلاوة متعملوش هنا مولد
أ. حسنى سيد أحمد- إسكندرية