«ملكوش دعوة بحازم خالص».. النص الكامل لاعترافات الطالب «عصام» في حادث دهس الشيخ زايد (خاص)

تنفرد «المصري اليوم» بنشر نص أقوال الطفل «عصام مصطفى»، الطالب بالصف الثالث الإعدادي، البالغ من العمر 14 عامًا، في قضية دهس نادي بيفرلي هيلز بمدينة الشيخ زايد التي أسفرت عن إصابة أب وابنه وابن شقيقته بسيارة والد المتهم بالاشتراك مع ابنه الأكبر «ملاكم».
أقوال الطالب «عصام» في حادث دهس نادي بيفرلي هيلز الشيخ زايد
«أنا وأخويا مضربناش حد.. وأبويا هو اللي خبط فيهم بالعربية وجرى».. نص أقوال الطالب «علي» في واقعة دهس الشيخ زايد (خاص)
وأوضح «عصام» أمام النيابة العامة أنه لم يتعدَّ على المجني عليهم، مؤكدًا: «محصلش»، إذ شرح المتهم ظروف الواقعة بالتفصيل، مشيرًا إلى أنه كان يعرف المجني عليه «حازم»، زميله بالمدرسة، وأن خلافًا بسيطًا وقع بينه وبين أحد أصدقائه «يوسف»، انتهى بالتصالح، ولم يشترك هو أو شقيقه على في أي اعتداء.
وأضاف «عصام» أن يوم الحادث، الأربعاء الموافق 15/10/2025، ذهب مع شقيقه على وصديقه محمود إلى منزل «حازم» في ويست تاون، حيث قابلوه صدفة، ونزل قريبه «سعيد»، مشيرًا إلى أنهم لم يشاركوا في أي مشاجرة: «ملكوش دعوة بحازم خالص، ده صاحبنا، وما تتخانقوش معاه ثاني»، وبعد مغادرتهم، فوجئوا بأن والدهم مصطفى صدم المجني عليهم بالسيارة وفر من موقع الحادث، ما أسفر عن نقلهم إلى المستشفى، ومنذ ذلك الحين لم يعد والدهم إلى المنزل.
«كنت بحاول أجمع فلوس علشان أتصالح».. نص اعترافات المتهم الرئيسي في واقعة دهس الشيخ زايد (مستندات)
وأشار الطفل إلى أن قوات الشرطة قامت بضبطه هو وشقيقه صباح يوم الجمعة 17/10/2025، في منزل جدته، وتم تفتيشهم ولم يُعثر على أي أشياء بحوزتهم، مؤكدًا أنه لم يكن موجودًا وقت حادث الدهس، وأنه لا يعرف أي خلافات بينه وبين المجني عليهم، ولا سوابق له، وأنه لم يتورط بأي فعل جنائي منسوب إليه.. وإلى نص أقواله:
س: ما قولك فيما هو منسوب إليك من أنك منهم بالتعدي بالضرب على كلا من المجني عليهما / حازم أحمد محمد عبدالخالق، سعيد إسماعيل سعيد مع سبق الإصرار والترصد محدثًا ما بهم من إصابات والثابتة بالتقارير الطبية المرفقة بالأوراق، وكان ذلك على النحو المبين بالتحقيقات؟
ج: محصلش.
س: ما تفصيلات ما حدث إذا، وما هي ظروف ضبطك وإحضارك وعرضك علينا؟
ج: اللي حصل إني أعرف المجني عليه حازم معايا في المدرسة وإحنا أصحاب، وحصلت بينه وبين واحد صاحبنا ثاني اسمه يوسف معانا في المدرسة، ويوسف ده راح واتخانق مع حازم وضربه ووقعه على الأرض، وبعدين روحت أنا وأخويا على ويوسف صاحبنا اللي ضربه، واتصالحنا معاه ورضيناه، وبعدين روحنا. وبليل يوم الأربعاء الموافق 15/10/2025، أنا وأخويا على ومحمود روحنا عند بيت حازم اللي في ويست تاون على الشارع، وقابلناه صدفة وقعدنا نتكلم عادي، ونزل ابن خالته اسمه سعيد وقعد يتكلم معانا وشد في الكلام معانا، قالنا: «ملكوش دعوة بحازم خالص»، وإحنا قلناله: «ده صاحبنا»، وقالنا: «ما تتخانقوش معاه ثاني»، وبعدها سبناهم وروحنا بيتنا، وبعدها فوجئنا إن أبويا مصطفى خبط فيهم عند نادي بيفرلي هيلز، وهما انتقلوا المستشفى، ومن ساعتها أبويا مرجعش البيت. ويوم الجمعة الصبح الحكومة جت عند بيت جدتي اللي في أكتوبر في كمبوند دجلة، وخدوني أنا وعلي ومحمود وأمي، وودونا على قسم ثاني زايد، وامبارح أبويا جيه وسلم نفسه في القسم، وبعدين جابونا على هنا النهارده، وهو ده كل اللي حصل.
اقرأ أيضًا|
«لم أشارك في الاعتداء وفوجئت بتورط والدي».. نص اعترافات «الملاكم» نجل المتهم الرئيسي في واقعة دهس الشيخ زايد
س: متى وأين تم ضبطك تحديدًا؟
ج: يوم الجمعة 17/10/2025 في بيت جدتي اللي في كمبوند دجلة في أكتوبر، الساعة 2:30 صباحًا.
س: ما سبب تواجدك في الزمان والمكان سالفي الذكر؟
ج: كنت قاعد في البيت عادي، ومعايا إخواتي وأمي وجدتي.
س: من كان برفقتك آنذاك؟
ج: إخواتي وأمي وجدتي.
س: ومن القائم بضبطك تحديدًا وكم عددهم وما هي بياناتهم؟
ج: ناس كتير من الحكومة، مش فاكر عددهم، وكانوا لابسين ملكي، معرفهمش.
س: وما الذي دعا سالفي الذكر إلى ضبطك تحديدًا آنذاك؟
ج: معرفش، بس هما كانوا بيدوروا على أبويا علشان خبط في المجني عليهم، وهما انتقلوا المستشفى
س: وهل من ثمة حوار دار بينك وبين القائمين بالضبط؟
ج: أيوه.
س: وما هو مضمون ذلك الحوار تحديدًا؟
ج: هما خدونا علشان أبويا كان هربان، وهو خبط في المجني عليهم وانتقلوا المستشفى، وكانوا عايزين يعرفوا مننا هو فين
س: وهل من ثمة تفتيش انصرف لشخصك؟
ج: أيوه.
س: وما الذي أسفر عنه ذلك التفتيش؟
ج: ملقوش معايا أي حاجة خالص.
س: وما هي صلتك بالمجني عليهم سالفي الذكر، وهل من ثمة أي علاقة أو خلافات تحديدًا؟
ج: حازم ده صاحبي وزميلي في المدرسة، وأحمد ده أبوه، وسعيد ده معرفوش، ومفيش بينا أي خلافات.
س: وما هي صلتك بباقي المتهمين، وهم كلا من: مصطفى عصام الدين، على مصطفى عصام الدين، وهل من ثمة أي علاقة أو خلافات؟
ج: مصطفى ده أبويا، وعلي ده أخويا، ومفيش بينا أي خلافات.
س: وما هو دورهم تحديدًا في الواقعة محل التحقيق؟
ج: أنا مكنتش موجود في نادي بيفرلي هيلز ساعة ما أبويا خبط في المجني عليهم وجري.
س: وما تعليلك لعرضهم علينا رفقتك؟
ج: علشان الحكومة مسكوني أنا وأخويا على وجابونا علشان يعرفوا مكان أبويا لأنه كان هربان.
س: وما هي ظروف تقابلك مع المجني عليهم سالفي الذكر تحديدًا؟
ج: اللي حصل إني أعرف المجني عليه / حازم معايا في المدرسة، وحصلت بينه وبين واحد صاحبنا ثاني اسمه يوسف مشكلة، ويوسف ده راح واتخانق مع حازم وضربه ووقعه على الأرض، وبعدين روحت أنا وأخويا على ويوسف صاحبنا اللي ضربه، واتصالحنا معاه ورضيناه، وبعدين روحنا. وبليل يوم الأربعاء الموافق 15/10/2025، أنا وأخويا عصام ومحمود روحنا عند بيت حازم اللي في ويست تاون على الشارع، وقابلناه صدفة.
س: وما هي صلتك بالنقيب أحمد رأفت، معاون مباحث القسم، وهل من ثمة أي علاقة أو خلافات؟
ج: معرفش.
س: هل سبق ضبطك في وقائع مماثلة؟
ج: لا.
س: هل لديك سوابق أخرى؟
ج: لا.
س: هل لديك اسم شهرة؟
ج: لا.
س: أنت متهم بالتعدي بالضرب على كل من المجني عليهما / أحمد محمد عبدالخالق، حازم أحمد محمد عبدالخالق، سعيد إسماعيل سعيد مع سبق الإصرار والترصد، محدثًا ما بهم من إصابات، والثابتة بالتقارير الطبية المرفقة بالأوراق، وكان ذلك على النحو المبين بالتحقيقات؟
ج: محصلش.
س: كما أنك متهم بالاتلاف العمدي للمنقول المبين وصفًا وقيمة وقدرًا بالأوراق- السيارة أرقام (أ ص ي 48560)، وارتتب على ذلك الاتلاف ضرر مالي تجاوز الخمسين جنيهًا، وكان ذلك على النحو المبين بالتحقيقات؟
ج: محصلش.
س: هل لديك أقوال أخرى؟
ج: لا، تمت أقواله ووقّع منه.