صديق «طفل المرور» في تحقيقات مشاجرة المقطم: «سحب العصا ونزل يضرب.. وأنا اتخضيت» (خاص)

أمام النيابة العامة، كشف«إبراهيم.و»، زميل طفل المرور تفاصيل الواقعة التي جرى اتهامه فيها بحيازة سلاح أبيض واستخدامه خلال مشاجرة في منطقة المقطم بالقاهرة، وقال إنه كان يجلس مع صديقه «أحمد» المعروف إعلاميًا ب«طفل المرور» داخل أحد المقاهي، عندما تلقى الأخير اتصالًا من صديق يدعى «طوني»، أبلغه خلاله بتعرض شقيقته لمضايقات من مجموعة طلاب أمام إحدى المدارس، وعلى الفور، طلب «أحمد» من «إبراهيم» مرافقته إلى المكان.
وأضاف المتهم الثالث صدديق طفل المرور في أقواله أمام النيابة التي تنفرد «المصري اليوم» بنشرها، أنه قاد سيارته إلى العنوان الذي أرسله «طوني»، حيث التقوا أمام المدرسة، وفوجئ إبراهيم بصديقيه ينزلان من السيارة ويعتديان على مجموعة من الشباب مستخدمين العصا التي كانت داخل سيارته، مؤكدًا أنه لم يكن يعلم بنيتهما الاعتداء، وأنه لم يشارك في الضرب، مشيرًا إلى أنه تفاجأ لاحقًا بقدوم قوات الشرطة إلى منزله وإلقاء القبض عليه لعرضه على النيابة في اليوم التالي.. وإلى نص أقواله:
أقوال زميل طفل المرور في واقعة المقطم
اتهام «طفل المرور» باستعراض القوة.. واعترافه: استخدمتُ العصا في مشاجرة المقطم (خاص)
س: ما قولك فيما هو منسوب إليك من أنك متهم بحيازة وإحراز سلاح أبيض (عصا) مما يُستخدم في الاعتداء على الأشخاص دون مسوغ قانوني أو مبرر من الضرورة المهنية أو الحرفية، وعلى النحو المبين بالأوراق؟
ج: أنا غلطان.
س: ما الذي حدث إذًا وما هي ظروف ضبطك وعرضك علينا؟
ج: اللي حصل إن أنا كنت قاعد مع (أحمد.أ) من كام يوم بنفطر مع بعض في كافيه اسمه ستاربكس، ووإحنا قاعدين جِه لأحمد تليفون من واحد صاحبه اسمه (طوني)، قاله إن أخته اتعاكست من شباب معاها في المدرسة، وإنه محتاجه يجي له قدام المدرسة دلوقتي، فأحمد قفل مع صاحبه وقال لي تعالَ وصلني، قلت له فين؟ قال لي هنروح لواحد صاحبي علشان أخته معاها مشكلة، قلت له يلا، فصاحبه ده بعَت له لوكيشن، مشينا عليه لحد ما وصلنا عند مدرسة في المقطم، معرفش اسمها إيه، وقابلنا صاحبه (طوني) وركب معانا وقال لنا اتحركوا، العيال واقفين قدام، فمشيت بالعربية بتاعتي لحد ما لقيت (طوني) بيقول: اقف، هما دول العيال، فوقفت، وكنت فاكر هم هينزلوا يتكلموا مع العيال، لقيت (أحمد) سحب العصاية بتاعتي من ورا ونزل بيها هو و(طوني) صاحبه ضربوا العيال، وواحد منهم وقع على الأرض، فأنا اتخضيت، وبعد كده (أحمد) وصاحبه ركبوا معايا العربية وجرينا، وامبارح لقيت المباحث جات لي على البيت خدتوني وجيت النهاردة على النيابة.
س: متى وأين حدث ذلك؟
ج: الكلام ده حصل من حوالي تلت أيام، مش فاكر إمتى بالضبط، حوالي الساعة السابعة صباحًا أمام مدرسة بالمقطم، وأنا اتمسكت من بيتي امبارح بالليل- بكمبوند بالتجمع الخامس.
زميل طفل المرور يعترف بوجود العصا داخل السيارة
زميل «طفل المرور» في مشاجرة المقطم: «مضربتش حد ولا جيت جنب حد» (خاص)
س: ما سبب ومناسبة تواجدك بالزمان والمكان سالفي الذكر؟
ج: أنا كنت قاعد مع (أحمد.أ) صاحبي، وجاله تليفون من واحد صاحبه، قال له إن أخته بتتعاكس، وطلب (أحمد) علشان يروح له، و(أحمد) قال لي تعالَ معايا.
س: من كان برفقتك آنذاك؟
ج: كان معايا (أحمد.أ)، واتقابلنا مع واحد صاحبه اسمه «طوني».
س: ما هي علاقتك بكلًا من المتهمين المضبوطين في تلك الواقعة؟
ج: أنا معرفش غير (أحمد.أ)، ده صاحبي.
س: ما هي علاقتك بكلًا من المجني عليهم تفصيلًا؟
ج: أنا معرفش حد منهم.
النيابة تستمع لأقوال زميل المتهم الشهير بطفل المرور
«ضربت بالعصايا لما طوني قال دول اللي تعدوا عليا».. «طفل المرور» يعترف بالاعتداء وينفي تعاطي المخدرات (خاص)
س: وهل من ثمّة خلافات سابقة فيما بين أحد المتهمين والمجني عليهم؟
ج: أنا سمعت إن في خلافات بين (طوني) صاحب (أحمد.أ) وحد من المجني عليهم، معرفش اسمه.
س: وما هي تحديدًا تلك الخلافات وأسبابها؟
ج: أنا سمعت لما طوني كلم (أحمد.أ) إن أخته اتعاكست من المجني عليهم.
س: صف لنا ما هي بادرة تقابلكم والمجني عليهم؟
ج: أنا كنت قاعد مع (أحمد.أ) من كام يوم بنفطر مع بعض في كافيه اسمه ستاربكس، ووإحنا قاعدين جِه لأحمد تليفون من واحد صاحبه اسمه (طوني)، قال له إن أخته اتعاكست من شباب معاها في المدرسة، وإنه محتاجه يجي له قدام المدرسة دلوقتي، فأحمد قفل مع صاحبه وقال لي تعالَ وصلني، قلت له فين؟ قال لي هنروح لواحد صاحبي علشان أخته معاها مشكلة، قلت له يلا، فصاحبه ده بعَت له لوكيشن، مشينا عليه لحد ما وصلنا عند مدرسة في المقطم، معرفش اسمها إيه، وقابلنا صاحبه (طوني) وركب معانا وقال لنا اتحركوا، العيال واقفين قدام، فمشيت بالعربية بتاعتي لحد ما لقيت طوني بيقول: (اقف، هما دول العيال، فوقفت، وكنت فاكرهم هينزلوا يتكلموا مع العيال).
شهادة زميل طفل المرور: فوجئت بالاعتداء ولم أشارك فيه
صور تعاطي المخدرات في هاتفه.. أدلة النيابة ضد «طفل المرور» المتهم في قضية المقطم (خاص)
س: وما التصرف الذي بدر منكم وقت ذاك؟
ج: لقيت (أحمد.أ) سحب العصاية بتاعتي من ورا، ونزل بيها هو وطوني صاحبه، ضربوا العيال، وواحد منهم وقع على الأرض، فأنا اتخضيت، وبعد كده (أحمد.أ) وصاحبه (طوني) ركبوا معايا العربية وجرينا.
س: ومن أين تحديدًا تحصلتم على تلك الأسلحة سالفة الذكر؟
ج: هي كانت معايا في العربية، بشيلها دايمًا معايا.