إيناس عز الدين توثق لحظة إجرائها عملية جراحية: «هبقى شايفة كل اللي بيحصل»

شاركت الفنانة إيناس عز الدين متابعيها صورة من أمام غرفة العمليات، قبل دخولها لإجراء عملية جراحية دقيقة في عينها، مشيرةً أن العملية ددقيقة.
ونشرت إيناس عبر حسابها الرسمي ب«فيسبوك»، صورة لعينها الذي يبدو عليها المرض، وعلقت عليها قائلةً: «عملية عاجلة في عيني وأنا عندي فوبيا من عمليات العيون وفكرة إني أشوف بيحصل إيه في عيني».
وتابعت: «حتى لو تحت التخدير مخلياني جسمي بينتفض، والله دخلت جراحات كتير بس ببنج كلي، وما عنديش فوبيا من الجراحات عمومًا إلا في العين فكرة جراحة وأنا صاحية ومفتحة وفي عيني وأشوف الإبر وكل حاجة بتدخل في عيني مموتاني».
وأضافت: «ادعولي تعدي على خير وربنا يقويني لأن فعلًا مش قادرة أوصف الحالة اللي أنا فيها وكل ده بسبب خطأ طبي، ومتابعة خاطئة كمان وتثبيت من الدكتورة وفي المتابعة تقولي عينك زي الفل وبتتحسن».
واختتمت: «وكانت بتقولي، الجرح قفل وهي بتتدهور يوم بعد يوم من مشكلة بسيطة بشهادة كل الدكاترة يدوب محتاجة قطرة ومضاد حيوي، ويومين راحة وأبقى زي الفل لجرح وصل ل4 مل، وعملية وتليف في جزء من الملتحمة وقص وخياطة وليلة كبيرة بلا داعي».