هل صحيح أن الضحكة والابتسامة.. بتسبب عدم ظهور التجاعيد؟! أي تعبيرات على الوجه بتكون عنيفة أو بتعبّر عن حزن أو غضب؛ بتسبب خطوط وتجاعيد، وزي ما بيقولوا: "لو كشرتي هيجيلك عشر تجاعيد... ولو ضحكتي هيبقوا اثنين بس". والضحك فعلاً بيمنع التجاعيد. إيه الفرق بين تجاعيد الجلد وتجاعيد العضلات؟! تجاعيد العضلات.. سببها التعبيرات العنيفة والحزن والعصبية؛ لأن كل ده بيترك علامات أو تكسيرات على الجبهة وتحت العين، وده بيتعرض له الشباب في سن صغير وله علاج وحيد وآمن، وهو "البوتوكس" عن طريق حقن العضلات. أما تجاعيد الجلد.. فهي إما وراثية أو ناتجة عن تقدّم العمر وعلاجها الوحيد هو حقن "الفيلرز"، وبتجيب نتيجة حلوة خصوصاً مع تكسيرات الأنف والفم وكرمشة الجلد والرقبة. بيقولوا إن كريمات الحماية من الشمس غير فعّالة، ولها تأثير سلبي على البشرة... هل الكلام ده مظبوط؟! بصراحة كريمات الحماية بماركتها المعروفة بتعطي نتائج كويسة، خصوصاً لو كانت تحت إشراف طبيب أو نتيجة عمل اختبار لنوع البشرة، وده أصبح متوفر دلوقتي بالصيدليات، وبناء عليه بيتم تحديد درجة ونوعية كريم الحماية المناسب. إيه أكثر نسبة حماية مرتفعة طبياً لكريم الحماية؟! لضمان أقصى حماية من أشعة الشمس إحنا بننصح باستخدام كريمات حماية "spf 50"، وعلى فكرة ده بيقاوم للماء والعرق ودرجات الحرارة. هل فعلاً الماكياج بيضر البشرة؟! لا بالعكس.. الماكياج بيفيد البشرة؛ لأن جميع مستحضرات التجميل حالياً أصبحت تُصنع تحت إشراف أساتذة كليات الطب، وبتكون بداخلها فيتامينات وعازل للشمس حتى الماسكرا بتكون بداخلها مادة فعالة لتقوية الشعر وكثافته، فالماكياج بيمنع دخول الأتربة والتلوّث الجوي إلى البشرة، بس طبعاً لازم نختار ماركات ماكياج معروفة. إيه رأيك في الماسكات الطبيعية والحمّام المغربي والتركي؛ لشد الجسم ومنع ترهل الجلد؟! في الطبيعي عندما يتعرّض الجسم أو البشرة لبخار بيكون مفيد جداً، خصوصاً لما يكون فيه زيوت، بالإضافة إلى أن عملية المساج بتنشط خلايا الجلد وبتعطي نتائج وقتية ولفترة بسيطة وتصلح للبنات في سن صغير. وهل فعلاً في "حقن فيتامينات" بتبيّض وتفتّح البشرة؟! المسمى الصحيح هو "عودة البشرة لطبيعتها" وليس "تفتيح البشرة"؛ لأن مع تقدّم العمر البشرة بتتعرض للغمقان وظهور بقع، وهذه الفيتامينات لها دور هام في إعادة خلايا البشرة إلى لونها الطبيعي، والحقن دي مدروسة علمياً وآمنة جداً وأنواعها كثيرة، وتتم عن طريق أخذ عينة من الجلد وعمل اختبار لمدة ستة أشهر وبعد كده نختار الفيتامينات الخاصة بنوع البشرة. وهل فعلاً عمليات التجميل بتجيب نتيجة عكسية؟! علشان عمليات التجميل تجيب نتيجة لازم تكون مدروسة ومتوازنة وتتم تحت إشراف طبيب معروف وفي مكان معروف، وعلى فكرة عمليات التجميل لا تستمر مدى الحياة؛ لأنك بتحتاجي لتجديدها وإعادتها كل فترة حسب نوع العملية. عايزين نعرف السبب العلمي والطبي لوجود التكسيرات تحت العين؟! تكسيرات تحت العين؛ سببها إننا بنعرّض وجهنا باستمرار إلى تغيّرات عنيفة أو بسبب تعرّضنا للشمس، وأنا بانصح البنات بارتداء نضارة الشمس؛ لأنها بتحمي من الشمس وفي نفس الوقت البنت بتقدر تفتّح عينيها بطريقة طبيعية ومريحة. هل فعلاً "الميزوثيرابي" بيزيل الدهون بسرعة؟! أنا غير متفقة على أن "الميزوثيرابي" بيزيل الدهون بسرعة وشايفة كطبيبة تجميل أن الشفط هو أنسب وسيلة لإزالة الدهون، وشفط الدهون هو جراحة موضوعية تزيل الدهون المتراكمة في أماكن معينة أما الميزوثيرابي "فهو عبارة عن حقن بتعيد نضارة البشرة وتقفل المسام". إيه الفرق بين "البوتوكس" و"الميزوثيرابي"؟! هناك نوعان من التجاعيد التي تظهر للوجه؛ تجاعيد ناتجة عن حركة الوجه بتعبيرات عنيفة، والنوع الآخر تجاعيد ناتجة دون أي حركة.. و"البوتوكس" بيستعمل للتجاعيد الناتجة عن الحركة، وهو عبارة عن حقن في العضلة بيساعدها على الارتخاء، وبالتالي التجاعيد تختفي، أما "الميزوثيرابي" فهو حقن تحت الجلد بتذيب الدهون ولكن ليس بديلاً لشفط الدهون. لكن بيقولوا إن "البوتوكس" له محاذير وآثار جانبية؟! ما فيش أي حاجة في الدنيا مالهاش آثار جانبية والناس اللي بتعتقد أن "الشفط" و"البوتوكس" خطر ده كلام غير صحيح بالمرة، ولازم البنت تفكر كويس وتفهم التقدم الطبي والعلاج الحديث وتقرأ كتير وتتابع الحالات والتجارب. عايزين نتعرف على أنواع التقشير الكيميائي، وهل بيختلف على لون ونوع البشرة؟! التقشير الكيميائي من أفضل علاجات التجميل وبيعتمد على نوع البشرة ونوع البقع وشكل التجاعيد ويوجد أنواع: النوع الأول: "تقشير بأحماض الكوجيك" وهو مرحلة أولى، وبيساعد على توحيد لون الجلد، وليس له أي آثار جانبية وبيناسب جميع أنواع البشرة. النوع الثاني: "التقشير بأحماض الفواكه" وبيساعد على علاج التجاعيد والحروق وبيناسب أكثر البشرة البيضاء. النوع الثالث: "التقشير الأصفر" وهو تقشير سطحي وبيعتمد على جلسات كل عدة أسابيع ويناسب جميع أنواع البشرات. والتقشير الكيميائي عموماً بيوحّد لون البشرة ويزيل الحبوب ويُعالج الحروق ويزيل التجاعيد. لكن ليه بيظهر بعد التقشير الكيميائي احمرار للبشرة لدرجة الحرق؟! لأن التقشير الكيميائي بيستعمل بواسطة أنواع كثيرة من الأحماض والتقشير العميق بيصل إلى درجة الحرق، لكن بيكون لفترة معينة وبعد كده الجلد بيرجع أحسن مما كان عليه. في شكوى من البنات إن الليزر بيخلي الشعر يظهر في أماكن أخرى متفرّقة من الوجه والجسم؟! الشعر الزيادة ده موجود طبيعي من قبل إجراء عملية الليزر، ولكن مع استعمال الليزر بتنشط المنطقة المحيطة فيظهر الشعر الموجود طبيعي، ولكن بعد ما يسلط الليزر بيختفي تماماً، يعني الليزر بيساعد على تنشيطه وبعدين إزالته نهائياً. هل "الثيرماج" بديل لجهاز الليزر؟! الناس فاكرة أن الثيرماج حقن ومتلخبطة، لكن الثيرماج هو جهاز موجات راديو لما بيتعرّض له الجسم بينشط الكولاجين الموجود طبيعي في الجسم واللي بيحافظ على الجلد طبيعي، ولكن بيضعف نتيجة السن والشمس والضعف والإرهاق فجهاز الثيرماج يُعيد حيوية الكولاجين، وبالتالي يُعيد حيوية ونضارة الجلد والجسم والبشرة. بنسمع كمان عن علاج الحروق والتشوّهات الجلدية بالأوزون، لكن يعني إيه أوزون؟! الأوزون هو غاز موجود بالطبيعة وبيكون من آثار الأشعة فوق البنفسجية للشمس على الأكسجين فيتحوّل إلى أوزون، نقوم بإدخاله إلى الجسم عن طريق حقن بالدم أو حقن موضعي مباشر في مكان الحرق والتشوه، والأوزون آمن تماماً ولا يوجد له آثار جانبية طالما استخدمت الجرعة والطريقة المناسبة. إيه فوائده بالنسبة للجمال والرشاقة؟! الأوزون مفيد جداً للرياضيين ويُجدد دائماً من حيوية الجسم وعدم الإحساس بالإرهاق ويُحسّن الحالة العامة، وبالتالي ينعكس على البشرة والجسم كله ويُعالج جميع أنواع الحروق. ما الفرق بين حقن الأوزون ومرهم الأوزون؟! المرهم بيتم تحضيره بتمرير غاز الأوزون في زيت الزيتون مدة طويلة ويستخدم في علاج الجروح والتقرحات المزمنه والحروق وهو علاج موضعي، أما الحقن نتائجها مثل نتائج العمليات الجراحية. إيه نسبة نجاح حقن الشفايف.. وهل فعلاً بتأثّر على حركة الكلام والصوت بعد كده؟! حقن الشفايف بتأثر على حركة الكلام أثناء العملية فقط، لكن بعد العملية لا يوجد أي تغيّرات في الصوت أو الحركة ولا يوجد أي آثار جانبية إطلاقاً. إزاي يتم حقن الخدود بطريقة آمنة؟! أحسن طريقة لحقن الخدود هي عملية زرع الدهون من منطقة إلى أخرى وبتكون على شكل عضمة "زيكوما" عضمة الخد.. وهي عبارة عن أخذ دهون طبيعية من الجسم وتزرع داخل الخدود والنتيجة تكون آمنة جداً جداً، ولكن المهارة في وضع هذه الدهون بطريقة صحيحة في الخدود ويُفضّل أن تكون بالطول وعلى فكرة كل عمليات التجميل تتم بالمنظار يعني ما فيش خوف. إيه العوامل اللي بيتوقف عليها نجاح عملية تجميل الأنف؟! يتوقف نجاح عملية تجميل الأنف على اختيار الطبيب المناسب والذي سبق له إجراء العديد من العمليات الخاصة بتجميل الأنف، وهذه العملية بالذات لا تشترط سن معين ولابد من أجراء فحوصات دم للاطمئنان على الصحة العامة من وجود سكر أو ضغط أو غيره... وبعد كده بتتم العملية عن طريق تخدير موضعي، ويقوم الطبيب بتعديل عضمة الأنف بما يناسب شكل الوجه دون التعرّض إلى الهيكل الداخلي والوظائف التنفسية للأنف، وتستمر العملية حوالي ساعة وبعد كده يتحسّن وضع الأنف تدريجيا خلال أسبوع، ولكن يُفضّل عمل عملية تجميل الأنف في سن صغيرة؛ لأن الجلد بيكون قادر على الانكماش بسهولة. وإيه أحسن جراحة لتصغير وتكبير الثدي؟! التصغير بنحاول نزيل جزء منه ونحافظ على العصب بأقل جروح ممكنة، أما التكبير فبيكون عن طريق "السليكون" وهي طريقة آمنة جداً جداً وهي الجراحة الأولى في أمريكا وأوروبا. إزاي بيتم شد الحواجب؟! عملية شد الحاجبين بتتم عن طريق قطع بعض العضلات الموجودة في الأورة علشان نجعل المنطقة بين الحاجبين لا تتعرض للتقلص والانكماش، وكمان ممكن عمل أشكال مختلفة وثابتة للحاجب وهي العمليات المنتشرة جداً بين البنات وبتستمر على طول. دكتورة انا شعري ناعم من سنة صبغت وبعدها شعري اتغير بقي ناشف و بيطول بصعوبة بس شعري بقي هايش من فضلك قوللي اعمل ايه مع العلم ان الزيوت بتنشف شعري. حاولي في الفترة دي على أد ما تقدري تعملي حمامات كريم مغذية ومرطبة لشعرك على الاقل مرة كل أسبوع وكمان ياريت تقللي من عمل الشعر بالسيشوار والمكواة. لو سمحتى انا عندى مشكله ونفسي اعرف حلها انا جسمى نحيف جدا وماعنديش ثدى خالص ولا هنش عايزة اى حل بليز وميرسي ليكى جدا وعلى معلوماتك. لازم تستشيري دكتور متخصص في علاج النحافة. إزيك أنا عندي 15 سنة ومشكلتي الحبوب في مناطق كتير اووي في جسمي الضهر والهنش والكتفين وعملت وصفات طبيعية ليهم كتير بس برضه مفيش فايدة ممكن الرد؟؟؟ وكمان حل لمشكلة الغمقان عند منطقة البكيني؟؟؟ صديقتنا العزيزة الحبوب دي طبيعية في سنك ده بسبب تغيير هرمونات الجسم وهتروح لوحدها مع الوقت والأفضل إنك تستشيري دكتور أمراض جلدية علشان يديكي العلاج المناسب لها.. وبالنسبة للمشكلة التانية فإنتي ممكن تعملي لها الماسك ده وهو عبارة عن زيت زيتون + زيت لوز + دقيق خشن "دقيق البسيسة" الطريقة: اخلطي كل المكونات دي مع بعضها وافركي بها المناطق دي، وعلشان تشعري بالنتيجة ممكن تعملي الوصفة دي 3 مرات في الأسبوع. سلام عليكم بجد موقع جميل جدا لو سمحتى يا دكتوره كنت عاوزه اسال حضرتك عن حاجتين بس محتاجه فيهم الرد ضرورى اول سؤال انا عندى مشكله جامده جدا فى منطقة البطن انها كبيره اوى(كرش يعنى) مع ان انا وزنى كلى مناسب جدا لطولى وحتى لما بخس جسمى كله وزنه بيقل الا بطنى بتفضل زى ماهي وعملت جلسات كهربا ومش جابت نتيجه واستعملت كريم لشد البطن وبرضو مش جاب نتيجه وانا مش هقدر اعمل عمليه لازالة الدهون ياريت اعرف حل مناسب من حضرتك او اى وصفه طبيعيه ممكن ادهنها على منطقة البطن او حاجه اعملها واشربها تدوب الدهون دى تانى سؤال كنت عاوزه اعرف عملية تجميل الانف بتتكلف كام بس ضرورى لان الموضوع ده مسبب لى مشكله نفسيه كبيره اسفه على الاطاله. بالنسبة لمشكلة البطن او "الكرش" فدي أحسن حل لها هو عمل التمارين الرياضية الخاصة بشد عضلات البطن وإن كانت الطريقة دي بتاخد وقت طويل شوية لكنها صحية للجسم كله. 2/ انا عندى مشكله كبيرة هى ان عندى ثدى اكبر من التانى عايزة اعرف اعمل ايه علشان اخليهم زى بعض فى الحجم. صديقتي العزيزة قد يكون السبب في مشكلتك هو وجود خلل في تكوين الغدد اللبنية لأحد الثديين وللاطمئنان يجب عمل أشعة ماموجرافي على الثديين، ولتكبير الثدي يجب استشارة أحد أخصائيي التجميل؛ حيث يتم حقن مادة معينة أسفل الثدي بواسطة بنج موضعي وبدون فتح وتعطي الثدي شكلا طبيعيا ولا تترك آثارا جانبية. لو سمحتي يا دكتورة ارجوكى ردى عليّ ضرورى الحقن اللي تحت الجلد بتتخن وهل ليه اثر جانبيه اصل انا نحيف خالص وعايز وشي يتخن ردى عليّ ربنا يكرمك.: الصديق العزيز لعلاج نحافة الوجه يمكنك عمل حقن بالميزوثيرابي. ازيك يا دكتوره انا كان عندى سؤال كنت عايزه اعرف ايه هى الخطوط البيضاء وايه سببها وممكن تسبب ايه انا بسمع انها لما بتظهر فى اى منطقه فى الجسم بتتخنه صديقتي العزيزة بالنسبة للخطوط البيضاء فهى نتيجه للسمنه أو زيادة الوزن أو الحمل وكل هذه العوامل تؤدى لظهور الخطوط البيضاء.. وفيه بعض الكريمات تساعد على الاسراع من أختفاء ال strech mark"s ولكنها فى الغالب بتختفى تدريجياً ولكن بشكل غير كامل بنسبة 90% تقريباً سواء مع او بدون استخدام الكريمات، وبالنسبة لنوع الكريم الأمن والمفيد فيجب مراجعة طبيب الامراض الجلدية فى هذا الشأن. انا عندي هالات سوداء تحت العينين وهي وراثة من ابي وسمعت ان هناك حقن للقضاء عليها فهل هذا صحيح؟ وهل يوجد لهذه الحقن اي اثار جانبية؟ فيه أكثر من طريقة لعلاج الهالات السوداء لكن لازم تستشيري دكتور تجميل متخصص علشان يقول لك على الطريقة المناسبة معاكي وتكون باقل آثار جانبية ممكنة. انا بجد بشكركم جدا وبشكرك يادكتورة بشكل خاص انا بجد تعبت من الكشف تقريبا من 6 سنين بعانى من سقوط شعرى كل مااكشف اخد علاج ومش بيأثر فى شعرى وفى النهاية حقنت فى مركز تجميل بحقنة ميزو ثيرابى وشعرى اتحسن عليها جدا ومجرد انى تركت الحقن شعرى وقع تانى وحاليا بستعمل اعشاب وانا فرحى بعد 8 شهور ياريت تنصحينى حضرتك مع العلم ان نفسيتى دايما مش مظبوطة وده بيخلينى اوقات اقوم بحركة ايدى ناحية شعرى مااعرفش ان كنت بقوم بشدة اولا وعرفت ان دى حالة عصبية ياريت رايك ضرورى يادكتورة. صديقتي العزيزة أكيد غنتي عارفة إن الحالة النفسية من اكتر الحاجات اللي بتاثر على صحة الشعر والجسم بشكل عام.. علشان كده لازم تظبطي حالتك النفسية وتستقري وكمان لازم تهتمي جداً بالتغذية الصحية والمتوازنة ومع الوقت هتلاقي شعرك رجعت له صحته وحيويته. ايه الفرق بين المسامات الواسعه والحفر اللى بتبقى فى الوجه اللى بتبقى نتيجه الحبوب هل هما الاتنين حاجه واحده؟؟؟ لانى باشوف ماسكات كتير اوى للمسامات الواسعه ومش عارفه مقصود بيها الحفر ولا ايه؟.. عاوزه اعرف اعمل ايه فى الحفر دى عشان تروح؟ وايه رايك يا دكتوره فى حمامات البخار للوجه؟ صديقتي العزيزة.. المسام الواسعة دي بتكون طبيعة في البشرة والماسكات اللي بتتعمل لها دي بتتعمل علشان تضيقها شويه أما الخروم اللي بتحصل في البشرة من آثار الحبوب فدي حاجة تانية ولازم تروحي لدكتور تجميل متخصص علشان يقول لك على الطريقة المناسبة لعلاجها على حسب طبيعة بشرتك. وبالنسبة لحمامات البخار فدي بتتعمل على البشرة علشان تفتح المسام وتخرج الدهون والشوائب اللي على البشرة لكن بعد ما تخلصي عملية تنظيف البشرة لازم ترجعي تقفلي مسام البشرة تاني بتمرير ثلجة على بشرتك أو بقطنة مبلولة بماء الورد. صباح الفل، ازيك يادكتورة كنت عاوزة اعرف ازاى اخلى شعرى ناعم استخدم كريم ايه او شامبو ايه؟ أهلاً بيكي يا صديقتي العزيزة، وبالنسبة لشعرك فإذا كان جاف أو به تجعيدات خفيفة ممكن تعملي له حمامات كريم ماركة ريفلون. ياناس ياهووووووووو ردوا على سؤالى ازاى بيتم تقشير البشرة وايه الكريمات اللى ممكن استخدمها فى تقشير البشرة كريمات جاهزة ارجوووووو الرد يادكتورة.: صديقتي العزيزة لا يتم تقشير البشرة إلا تحت إشراف طبيب وهو اللي لازم يشوف بشرتك وحالتك وإلى أي مدي احتياجك للتقشير وعلى هذا الأساس هيوصف لك الكريم المناسب. هاى يا دكتور ازيك انا عندى سؤالين أول حاجة ليا انا كنت عملت فرد لشعرى وباظ خالص.. مش عارفه ايه الفيتامين اللى استخدمه حلو او انواع شامبو حلوة.. صديقتي العزيزة كريمات الفرد دي من اكتر الحاجات الغلط اللي بتؤذي الشعر جداً، وياريت في الفترة دي تحاولي تعالجي شعرك بعمل حمام كريم مرة في الاسبوع. السلام عليكم ازيك يادكتورة بجد بجد انتى ميرسى ليكى على موضوعك ده لأنك بتفيدى اى حد وده موضوع رائع وميرسى ليكى كتير وربنا يخليكى لينا يارب وكنت عاوز اسالك عن حاجة انا ليا اخ عنده 20 سنه عنده حساسية فى اماكن معينة فى الوجه بتيجى وتروح بس لما بتروح بتترك اثر وعلامات مكانها فى الوش يعمل ايه او يستخدم ايه علشان يزيل الاثر ده ممكن أنه يعمل تقشير للبشرة علشان يزيل اى بقع موجودة انا عايزة استفسر اني ف عندي بقع سمراء ف ضهري بقالها فترة طويلة ومش عارفة احلها ازاي ممكن تفيدوني؟ طيب ياريت أنك تقرئ العدد لغاية النهاية وأنت تلاقي الأجابة على سؤالك انا بشكر حضرتك ع المعلومات القيمة دي بس كنت عايزة اقول لحضرتك شعري خفيف اوي وده وراثة هل لو عملت الميزوثروبي ده يغني ولا الواحد يعمل عملية زرع شعر لابد من رؤية الحالة لتحديد العلاج المطلوب ميرسي اوي يا دكتورة علي الموضوع التحفة دة انا كان لي سؤال اني عندي خطوط بيضاء في الافخاذ و الهنش و سمعت ان كريم بانثينول مع الاستعمال المتكرر يخففها و انا فعلا استعملته لمدة 3 شهور لكن النتيجة انها خفت بنسبة قليلة جدا جدا فهل هو فعال؟ و اذا لم يكن فعال فممكن تقوليلي اسم كريم كويس للخطوط البيضاء و شكرا هو فعلا فعال بس بياخد وقت على بال ما النتجية تبان هاي ميرسي اوي علي الموضوع ده انا بس كان عندي سؤال هو اني عندي حبوب الشباب في الظهر و علي الكتفين و الحبوب دي مستديمة و مش بتروح خالص وبقالها معايا فترة طويلة و برضه عندي حبوب علي الهنش مش بتروح ممكن يا دكتورة تقوليلي علي مرهم او كده يمشي الحبوب دي مع العلم اني عندي 20 سنه صديقتي العزيزة.... لابد من أستشارة دكتور أمراض جلدية لتحديد العلاج المناسب على حسب طبيعة الحبوب ونوع بشرتك اشكرك جدا على المعلومات الجميلة دى وانا عندى مشكله انا عندى21 سنة وكنت مليانه وعملت دايت وخسيت بس عندى مشكلة الترهلات فى ايدى وصدرى ورجلى من فوق يعنى صعب تروح بالرياضه انا عايزة اسال عن حاجتين ينفع اعمل عملية تجميل لشد المناطق دى وهل لها خطورةوتكليفها اد ايه؟ والسؤال التانى ينفع الترهلات دى تتشال بجلسات ال lbg وتكلفته اد ايه. سورى للاطاله بس انا فعلا الموضوع ده تاعبنى نفسيا جداوارجو الرد مفيش اى مشكلة من اجراء علميات شد الترهلات لان مالهاش اى خطوة بس بشرط أنها تتم في مكان معروف وموثوق فيه والتكلفة بتحدد على حسب الحالة السلام عليكم شكرا يا دكتورة على النصائح طيب لو عملنا عملية شفط الدهون هل الدهون دى بترجع تانى ولا بيفضل الجسم كويس في خلطة صحبتى قلتها لية عبارة عن زيت زيتون وقشر الليمون عشان تنزل البطن دى فعلا بتعمل مفعول ياريت حضرتك تتكلمى شوية على تنزيل البطن لو فة وصفات او حل غير العمليات مش كلنا بنقدر على المبلغ بتعها طولت اوى شكرا ليكى ميرسي ليكي أنت وأوعدك أن أتكلم عن موضوع شفط الدهون وتنزيل البطن بالتفصيل في حلقة قادمة باذن الله كنت عايزة اسالك يادكتورة بعد اذنك انا بعمل ازالة شعر بجهاز اسمه الميزو هل هو مفيد وممكن يشيل الشعر خالص بمنطقة البكينى وبالنسبة للرياضة اللي بتشد الجسم ايه الاجهزة اللي بالجيم اللي تقصديها؟ صديقتي العزيزة رجوع الشعر مرة أخري بيتوقف على الحالة ففي حالات بيتم التخلص من الشعر نهائيا في جلسة واحدة وفي حالات تانية بتم على جلسات وفي حالات بيرجع الشعر مرة أخري وحالات تانية لا ده بيتوقف على حسب طبيعة الشعر... وبخصوص الرياضة فده هيكون موضوع حلقة قادمة فانتظرينا قريبا جدا السلام عليكم شكر و تحية كبيرة للموقع الجميل بص وطل اناعندي 22 سنة بشرتي دهنية وبقت الحمد لله صافية بس وشي كله مليان مسام واسعة جدا و اسمريت جدا من الشمس فلو سمحتي عاوزة اسم واقي من الشمس يكون كويس وله نتيجة اكيدة وهل فيه حل جراحي لمشكلة المسام وشكرا ممكن أنك تستخدمي صن بلوك"لونا" ده هتلاقيه في اى صيدلية وتمنه مناسب جدا... وبخصوص المسام الواسعة فالحل انك تهتمي بتنظيف بشرتك باستمرار وغسلها بماء الورد أو تونيك السلام عليكم انا عندي 22 سنة وبشرتي دهنية عاوزة اعرف أنسب طريقة للعناية بيها الحمد لله معدش ببيطلع حبوب زي الاول بس بتسمر جدا من الشمس ممكن تقوليلي يادكتورة على صن بلوك كويس مع العلم انا بستخدم سولارين طيب تابعينا في الأعداد اللي جاية لأننا هنتكلم بالتفصيل الشديد عن طرق العناية بالبشرة الدهنية، وممكن أنك تجربي صن بلوك لونا لانه كويس جدا وتمنه مناسب لكل الناس اولا انا بشكركم جميع من ساعد فى حل مشاكلنا وثانيا لو سمحتى يادكتورة انا متزوجه وسنى 40وشعرى بدأ يخف ويتساقط فى ايه انسب طريقه لعلاج شعرى مع العلم انى من طنطا ومافيش غير مركز واحد بيعالج بالميزوثيربى ومعرفش ان كان كويس ولا لأ وكمان بعانى من الهالات السوده تحت العين ونصحونى بالميزوثيربى لازالة الهالات السوده مع جفاف بشرتى وظهور سمار حول الفم ارجو الرد وجزاكى الله كل خير طيب ممكن أنك تسالي عن المركز اللي عندك وتعرفي مدي كفاءة الخدمات الطبية اللي بيقدمها مساء الخير انا كان عندي سؤال عملت عمليه في ظهري وبعدها تخنت لاني قعدت في البيت 8 شهور ورجعت خسيت تاني وفي الفتره دي ظهرت في منطقه الارداف والذراعات خطوط بيضاء كان جسمي متقطع مش عارفه اعمل ايه لو فيه كريم ليه نتيجه كويسه ياريت اعرف اسمه بعد اذنكم وكمان انا كنت رايحه اعمل ازاله للشعر بالليزر في الوجه وناس خوفوني قالوا بيعمل حفر وبيخرم الوش ده حقيقي ولا اتوكل واعمله واسفه اني بطول بس استحملوني الهالات السوداء تعبت من كتر الماسكات بتخفف بس مابيروحش تقيل خالص والجلد طري حواليه منطقه حوالين الفم غامقه عندي ايه حلها يا تري التقشير الكيميائي بيوحد لون الجسم بس ولا ممكن يتعمل على بشره الوجه واحتاج اقعد في البيت لما اعمله وميرسي ليكم. بصي يا قمر لازم تستشيري دكتور تجميل علشان يشوف حالتك ويقيمها بالظبط ويقدر يقول لك على الحلول المناسبة لكل المشاكل دي لإن كل حالة ولها اللي يناسبها. شكرا لحضرتك على المعلومات الجميله بس انا عندى مشكله انا هتجوز بعد شهرين وعندى انتفاخات تحت العين، وعندى بقعه فى رجلى من اثر تعويره ومش عاوزه تروح وانا تخينه من منطقه الارداف وبروح الجيم بس بخس بالبطىء جداً انا عاوزه حل وعاوزه ماسكات طبيعيه اعملها قبل الفرح وممكن الحمام المغربى يساعد ان البقعه اللي فى الجسم تروح؟؟؟؟ شكراً ليكي ولذوقك، وبالنسبة لمشكلة الأرداف فأسرع حل ليها هي عملية شفط الدهون، وبالنسبة لأثر التعويره فدي أحسن حل ليها هي التقشير الكيميائي. هاي لو سمحت انا شعرى جاف وقصير المشكله انه فيه قشره وبيقع واستخدمت شامبوهات كتيره بس فى الاول بتكون كويسة بس بعد كده بتنشف الشعر وانا بحط على شعرى زيت فاتيكا بليز تردى عليا.: صديقتي العزيزة.. بالنسبة لمشكلة قشرة الشعر فياريت بلاش تستعملي أي شامبوهات ضد القشرة إلا بعد استشارة دكتور أمراض جلدية لإنها ممكن تضر شعرك، ودي حاجات ممكن انك تعمليها علشان تتخلصي من القشرة نهائي:- 1- ياريت تتجنبي استخدام السشوار على الفاضي والمليان خاصة في الفترة اللي بيكون فيها شعرك جاف وفيه قشرة كتير، لأن ده ممكن إنه يخلي فروة شعرك أضعف؛ علشان كده ولو لازم قوي إنك تستخدمي السشوار يبقى مرة في الشهر. 2- ممكن انك تشطفي شعرك بشوية خل بعد استخدام الشامبو وده لأن الخل بيساعد على التخلص من قشرة الشعر. جزاك الله خيرا على ماتقدموا ولكن الخل ينشف الشعر فهل من حل اخر. ممكن تعملي حمام كريم بعد ما تشطفي شعرك من الخل علشان تطريه. انا عندى البهاق وعاوز اشيله ممكن اعمل تقشير كيميائى؟ الصديق العزيز يفضل إنك تستشير دكتور أمراض جلدية علشان يقول لك على الطريقة المناسبة لعلاج البهاق. لوسمحتى يا دكتوره انا كنت عايزه اعرف هل عمليات تجميل تصغير الفم تنفع لبنتى هى عندها17 سنه وهل لها اثار جانبيه وياريت اعرف تكاليفها وشكرا ع مجهوداتك صديقتي العزيزة لأبد من رؤية الحالة لتحديد أمكانية أجراء العملية لو ممكن اعرف انا بستعمل كريم للسيلوليت اسمهadvanced من شركه oriflame فلو ممكن تقولي لي انه مفيد ولا مضر مع العلم انى مش هقدر اعمل اى نوع من عمليات التجميل... انا كل جسمى متناسق الا الارداف سنى 23 وطولى 170 ووزنى 66 يارت تجوبونى بسرعه قبل ما استعمله وشكرا... كريم advanced كويس ومفيش اى مشكلة من أستخدامه لو سمحتى بعد اذنك انا مليانه وبعمل ريجيم ومتابعه مع دكتور وعايزة اخس بس من غير ترهلات يعنى جسمى ينزل وفى نفس الوقت يتشد ياترى فى حل...وسؤال تانى بعد اذنك هي عملية التقشير الكيميائى ممكن تنظف البشرة من الحبوب والمسام الواسعه وتفتح مناطق غامقه فيها ولا هى ليها هدف واحد كالتنظيف فقط,,,,وشكرا لحضرتك لو عايزة جسمك يخس من غير ترهلات يبقي ياريت انك تمارسي رياضة لأنها هي الحاجة الوحيدة اللي ممكن أنها تساعدك على شد الترهلات، وبالنسبة لموضوع التقشير الكيميائي فهو مفيد جدا في علاج كل مشاكل البشرة انا عايزة اعرف هل التقشير الكميائى بيخد وقته ولا من اول جلسة وهل سعره غالى وعمليات التجميل الانف اسعارها غالية ومين الدكتور الشاطر فيها فى اسكندرية لو سمحتى يادكتورة ارجو الرد سريعا ثمن التقشير الكميائي وجراحات الأنف بتحدد أسعارها على حسب الحالة، وللاسف الشديد مفيش عندنا اى معلومات عن أسم اى دكتور في الأسكندرية هاي يا دكتور بجد شكرا علي المعلومات الجميله دي انا بس كنت سمعت ان ازاله الشعر بالليزر ممكن يسيب بقع غامقه ويوصل انه يبقي شبه الحرق وفعلا في صحابي حصلهم كده انا سمعت ان في دكتور بيعمل ازااله شعر بالمسح الضوئي انا مش عارفه ايه ده وهل ده كويس ولا الليزر احسن وعاوزه اعرف تقريبا بياخد كام جلسه لازاله الشعر وكده انا عروسه جديده لسه وعاوزه اعمل ازاله الشعر باي حاجه غير السويت صديقتي العزيزة... ثمن جلسة الليزر بيحدد على حسب الحالة انا عندي مشكله اني كنت تخينه وبعدين خسيت وبقى جسمي كويس بس عندي مشكله ان وشي لسه مكلبظ زي ماهو ومهما عملت رجيم مافيش فايده انا عاوزه اعرف طريقه اخسس بيها وشي ويبقى متناسب مع جسمي وميرسي جدا صديقتي العزيزة مافيش رجيم معين لتخسيس منطقة الوجه بس ممكن أنك تتغلبي على مشكلتك باختيار تسريحة شعر مناسبة أو لفة طرحة مناسبة لشكل وجهك طيب ممكن لو سمحتي تقولي ليا علي أسم مخدر موضعي يكون كويس عشان أجيبه من الصيدلية وشكرررا علي الرد الجميل ممكن أنك تسألي الصيدلي عل أسم اى مخدر موضوعي أزيك يا دكتورة بشكرك علي مجهودك الرائع بس كان عندي سؤال بعد اذنك هوالمخدر اللي بيستخدم قبل السويت له اضرار علشان السويت مؤلمة جدا وايه اسم مخدر يكون كويس وشكرا لكي. المخدر اللي بيتحط قبل السويت بيكون مخدر موضعي بيترش على المكان اللي هيتعمل فيه السويت ومالوش أي آثار جانبية. محتاجه ضرورى أعمل عملية شد للصدر والجسم وأخاف من آثارها ما الحل؟ لازم تختاري دكتور شاطر وتكوني واثقة فيه أو حد تعرفيه جربه وقال لك إنه كويس وعامة عمليات الشد مافيهاش خطورة حالياً. انا اعاني من انتفاخات تحت العين بعد علاج طويل مع مرض الغده الدرقيه وظهرت بعدها انتفاخات بشكل غير طبيعي تؤثر علي مظهري العام واخذت سيرم okusil intensive eye rejuvenating seriumولم الاحظ تحسن مع العلم انه منتج غالي جدا واريد حلا لهذه المشكله لوجود مناسبه قريبه وهي تسبب لي متاعب نفسيه كثيره وشكرا وأرجو الرد سريعا دي مجموعة من الوصفات ممكن أنك تجربيها قبل النوم وهتساعدك على علاج مشكلتك 1- ممكن إنك تضعي ماسك الزبادي بالعسل على منطقة الهالات السوداء كل يوم حوالي ساعتين قبل النوم. 2- زيت الزيتون.. تضعي زيت الزيتون على الجفن السفلي قبل الذهاب للنوم. 3- قطعة قماش قطنية مشبعة بالحليب، وتحطيها على عينيك وتغمضي عينيك حوالي 10 دقائق شكرا علي سرعه الرد ولكني لم اعاني من هالات سوداء انا اعاني من انتفاخات تحت العين وجربت وصفات طبيعيه ولن تجدي فهل يوجد تدخل جراحي مضمون ولم يترك اثار سلبيه خاصه لانه بالوجه مع العلم انني اجريت عمليات كثيره بسبب اورام الغده الدرقيه واسفه علي الاطاله صديقتي العزيزة لابد من رؤية الحالة لتشخيص العلاج المناسب ميرسي يادكتورة رائع بجد كنت عايزة اسال انا عملت بوتوكس من فترة وجاب نتيجة تجنن والله وانا لسه في واخر العشرينات بس هل ده بدري عليه ولا كويس انا اخر ال29 بس لسه في خطوط تحت عينى وعينى اليمين مغمضة شوية غير الشمال هل ياترى من البوتكس ؟؟ وهل فيه نوع بوتكس وحش؟ بيضر؟؟ وشكرا اوى يادكتورة صديقتي العزيزة ياريت أنك تقرئ العدد لغاية النهاية وأنت تلاقي الأجابة على سؤالك السلام عليكم دكتوره بجد حابب اشكرك واقولك ان معلوماتك المفيده اوي دي بيستفيد برضه بيها الشباب بس كان عندي سؤال ويارب تجوبيني عليه بالتفصيل انا شاب 23 سنه عندي حجم الحلمه مش الصدر كبير اووووي وكنت مره بكشف عند دكتور جلديه علي حبوب وكده وطلب مني عمل فحص هرمونات وطلعت كويسه قالي يبقي لو عاوز شفط دهون هو الحل طبعا انا عاوز اخد رايك وممكن تكون تكلفتها كام لان دخلي مش كبير وهل هي مضره وهل بتترك اثر بعدها اسف علي طول وهل يوجد بيديل ليها اسف علي طول السؤال وجزاكي الله خيرا صديقي العزيز لابد من رؤية الحالة لتشخصيها جيدا وتحديد العلاج المطلوب لو سمحتى يا دكتوره انا عندى 22 سنه وبشرتى دهنيه وعلى طول بتظهر لى حبوب ده غير الروؤس السوداء وانا استعملت ماسكات طبيعيه كتير ومنفعتش ياريت يكون فيه حل غير الليزر. صديقتي العزيزة لابد من رؤية الحالة لمعرفة نوع العلاج المناسب انا مشكلتى انى بحس انى مليش وسط يعنى نازلة كده حته واحده وبعمل تمارين تنحيف الخصر بانتظام ومفيش نتيجة كمان بحس انى شعرى بيقع من منطقة الجبهة وعندى خصله ف شعرى ناشفه جدا ومش عارفه هى كده ليه مع ان باقي شعرى حلو قوى ياريت حل يا دكتور لو سمحتى وبجد بشكرك على متابعتك للاسئلة واسلوبك السهل وذوقك انتى بجد بتفيدى اى حد يدخل ع الموقع ميرسي ليكي أنت ولذوقك وبخصوص سؤالك فاوعدك أني اعمل لك حلقة قريب أوي اتكلم فيها عن مشكلة النحافة ومشكلة الشعر فانتظرينا انا كنت عاوزة اسأل حضرتك سؤالين..الأول بالنسبة لعلاج آثار الجديري للوجه وحضرتك قلتي إن التقشير الكيميائي هو العلاج بس انا عندي الآثار فجسمي كله..دي علاجها إيه؟؟ سؤالي التاني : عندي من وأنا صغيره خط اسود او عرق مش عارفة نازل من عند عيني اليمين بطول خدي..هل ده ليه علاج لإن شكله ملحوظ فوشي؟ آسفة علي الإطالة ومرسي جدا ليكي يا دكتورة صديقتي العزيزة لآبد من رؤية الحالة لتشخيص العلاج المناسب هل جهاز plc فعال في التخلص من الدهون المتراكمه في منطقة الارداف صديقتي العزيزة تعتبر شفط الدهون هي أنسب وسيلة لإزالة الدهون لانها جراحة موضوعية تزيل الدهون المتراكمة في أماكن معينة إيه أكثر نسبة حماية مرتفعة طبياً لكريم الحماية؟!لضمان أقصى حماية من أشعة الشمس إحنا بننصح باستخدام كريمات حماية "spf 50"، وعلى فكرة ده بيقاوم للماء والعرق ودرجات الحرارة...انا سمعت ان فى كريم حلو جدا وفرنسى اسمه photoderm with spf 100 وكنت عايزه اعرف هو فعلا حلو وينفع معايا لانى بشرتى جافه وحساسه اوى للشمس انا كنت بستخدم uve block ومجابش نتيجه ممكن لوسمحتى يادكتوره تردى عليا ضرولارى عشان انا بروح الجامعه وبشرتى بجد باظت اوى وابقى متشكره جدا لحضرتك الكريم ده كويس جدا ومافيش اى مخاطر من أستخدامه ومناسب كمان لنوع بشرتك ميرسى جدا يا دكتوره هبه على المعلومات الجميله دى بس ممكن اسأل سؤال انا بنوتى شعرها من ادام خفيف هى عندها 5سنوات، ممكن تقولي لى على كريم أو زيت لشعرها يساعد على نموه ويطوله كمان ربنا يجازيكى خير. ميرسي ليكي يا قمر، وبالنسبة لسؤالك فأفضل حاجة ممكن تستخدميها هي الزيوت الطبيعية زي زيت الزيتون والخروع واللي هيزيد من معدل نمو الشعر وطوله. السلام عليكم، انا كنت عاوزه اسأل عن وجود بثور نتيجه حب الشباب فى الوجه هل يوجد لها عمليات تجميل. وعليكم السلام ورحمة الله وبركاته، أفضل حل لإزالة آثار حب الشباب هو إنك تعملي التقشير الكيميائي واللي هيحدد لك نوعه الطبيب المعالج على حسب نوع بشرتك السلام عليكم، كنت عايزة أسأل حضرتك سؤالين: انا عندى ندب او حفر في وشي من اثر الجديري المائي من حوالي خمس سنين ايه العلاج الامثل ليها؟؟ كمان كنت عايزة اسأل عن جراحات تجميل الانف تاخد وقت اد ايه علشان ترجع الانف لحجمها الطبيعي وجزاكم الله خيرا. وعليكم السلام ورحمة الله وبركاته، بالنسبة لسؤالك الأول فأفضل حل لإزالة آثار الجديرى من حفر وبقع هو إنك تعملي التقشير الكيميائي واللي هيحدد لك نوعه الطبيب المعالج، أما بالنسبة لسؤالك الثاني الخاص بجراحات تجميل الأنف فهي ما بتستغرقش وقت فبمجرد إجراء العملية وفك الضمادات تأخذ الأنف الشكل المختار الذي اتفقت عليه المريضه مع طبيبها.
