أحمد حسن يحدد سعر زيزو.. ويكشف مفاجأة النصف مليار

تحدث أحمد حسن، نجم الأهلي السابق ومنتخب مصر، عن أزمة عدم تجديد الزمالك لعقد أحمد زيزو، حتى الآن.
وقال أحمد حسن في تصريحات عبر قناة «أون سبورت»: «تجديد زيزو؟ أعتقد الأمور بدأت تتصعب».
وأضاف: «زيزو كان عنده عرض كويس والزمالك عنده أزمة طاحنة، حوالي نص مليار أو 400 مليون جنيه، كانت هتحل أزمات كتير، أنت رفضت خوفًا من الجماهير».
وأكمل: «قالوا زيزو زملكاوي؟ فين زيزو دلوقتي، هل قدرت تجدد له بالأرقام اللي طالبها؟. لأن كان في وعود من بعض رجال الأعمال مش موجودين دلوقتي».
وتابع: «هو من الأول كان واضح وصريح، وجاله عرض من نادي نيوم السعودي، ب 6 أو 6 ونص مليون دولار، هو قيم نفسه ودي قيمته. هل هيقدر الزمالك يدفعها له».
وبشأن قيمة تجديد زيزو، قال أحمد حسن: «معنديش مانع أديله 100 مليون أو 80 مليون، ده عرض وطلب، بس أحطله 20 مليون للدوري أو 10 مليون للكأس».
وزاد: «هو مش بيلعب لوحده لكن أكتر لاعب هياخد في الفريق، مفيش لاعب هياخد نص حتى المبلغ ده».