بسبب إمام عاشور وعمر جابر.. نجم الزمالك السابق يفتح النار على حسام حسن

وجه وائل القباني، نجم الزمالك السابق، انتقاد قوي ل حسام حسن المدير الفني ل منتخب مصر، بسبب إختياراته ل قائمة منتخب مصر لمواجهتي موريتانيا 11 و15 أكتوبر الجاري.
وكان حسام حسن قد استبعد إمام عاشور وعمر جابر من قائمة المنتخب واستدعى نبيل عماد دونجا لأول مرة للمنتخب منذ توليه القيادة الفنية.
وقال القباني في تصريحات تليفوزنية عبر شاشة «النهار»: «في حاجات أنا مش بفهمها، يعني أية محمد عواد لعب ماتش الأهلي فيروح منتخب مصر، هل من ماتش يروح المنتخب هو كجون كبير بس لو عايز تاخده كنت خدته من الأول، مش عشان شال فاول وسام أبو علي فقط».
وأضاف: «كمان أنت واخد محمد شحاتة ظهير أيمن، وسايب عمر جابر وعمر كمال، وبقول ل حسام حسن الكورة مفهاش عند، مش منطقي بالنسبالي متاخدش جابر بالذات».
وتابع القباني: «مصطفى شوبير اتظلم أنه ملعبش على محمد الشناوي والظلم مش بيخلي الدنيا كويسة، وكان مفروض يلعب على الشناوي في الأهلي الفترة اللي فاتت ومباراة الزمالك أثبتت ده».
وأكمل: «دونجا اتاخد ليه دلوقتي عشان ماتش الأهلي؟، على الرغم من أن دونجا أصلا لعيب كويس من قبل بطولة السوبر وقبل كل ده، وشيلت إمام عاشور عشان مستواه وهو أساسًا كان مستواه وحش لما خدته قبل كدة، ولا عشان الدنيا زامت عليه».
وأتم القباني تصريحاته قائلًا: «حسام حسن اتقاله أقرص على إمام عاشور أنا مش بقول كلام تريندات، بس ده ممكن جدًا من اللي بشوفه في الوقت الحالي، ده بالمنطق والعقل مش أي كلام».