«اشتغل لضميرك ومتخافش من حد».. نجم الزمالك السابق يفتح النار على معلق مباراة الأهلي والبنك

فتح وائل القباني نجم الزمالك السابق، النار على محمد عفيفي، معلق مباراة الفريق الأول لكرة القدم بالنادي الأهلي مع البنك الأهلي، في بطولة الدوري.
وفاز الأهلي على البنك الأهلي، بهدف دون رد، في المباراة التي اقيمت بينهما مساء الخميس، على استاد القاهرة. ضمن مباريات الجولة الثانية والثلاثين من بطولة الدوري الممتاز.
وقال وائل القباني، في تصريحات تلفزيونية عبر فضائية «النهار»: «مش عيب إن المعلق يكون أهلاوي أو زملكاوي، لكن طالما بتتكلم على الشاشة والناس بتسمعك لازم تنسى إنك أهلاوي أو زملكاوي وده مبيحصلش».
وأضاف: «دايمًا المعلقين بيلعبوا على إحساس الجمهور، بدليل النهاردة تحس إن المعلق فرحان جدًا إن هدف البنك الأهلي أتحسب تسلل، متحسسنيش أنا كمشاهد إن مفيش جمهور غير للنادي الأهلي»
وتابع: «حتى لو مفيش جمهور للنادي الأهلي إنت بتشتغل لضميرك، متجيش لفريق على حساب فريق أخر، متقلقش مش معنى إنك تقول الحق إن الناس هتمشيك».