سر رفض سيد معوض توقيع نجله ل الأهلي وتفاصيل جلسته مع الخطيب

شهدت الأيام القليلة الماضية حالة من الجدل الشديد بين جماهير القلعة الحمراء حول النجم القادم الموهوب عمر سيد معوض بعد رفض التوقيع مع النادي الأهلي.
وكشف الإعلامي أحمد شوبير حارس مرمى الأهلي ومنتخب مصر السابق تفاصيل ما حدث في أزمة عمر سيد معوض وسر رفض أبيه نجم الأهلي والكرة المصرية السابق سيد معوض توقيعه مع القلعة الحمراء رغم الجلسة التي جمعته مع محمود الخطيب رئيس النادي.
وقال شوبير: «في قصص الحقيقة بكون محرج أكلم فيها بس دي لازم أكلم، عمر سيد معوض موهبة بسم الله ما شاء الله والإصابة اللي اتعرض فيها في الرباط الصليبي لكن هيعمل العملية ويرجع أحسن من الأول».
وتابع شوبير:«محدش قال المعلومة الكاملة والمؤكدة في أزمة عمر سيد معوض، والحقيقة هو لاعب تحت 18 سنة يعني لازم عشان يلعب مع الفريق الاظول يوقع عقد والأهلي طلب إن الولد يوقع، وحدث اجتماع بين محمود الخطيب مع سيد معوض وقال بيبو لمعوض أحنا عايزين الولد يبقى موجود في الأهلي، فرفض سيد معوض وقال انا عايز الولد يحترف، فالخطيب قال له هنشوف صيغة تسمح للولد يحترف لكن سيد برضه رفض تماما سيد عشان هيطلع السنة اللي جاية فري وده حقه تماما يا جماعة على فكرة عشان مفيش حد من الجماهير يهاجم سيد معوض، وعلى فكرة كمان نادي زد كان طالب عمر يلعب معاه على سبيل الإعارة بس مكانش ينفع عشان مش موقع عقد برضه».
وأضاف شوبير: «بعد كده حصلت الإصابة بالرباط الصليبي والأهلي قال هنتحمل العملية الجراحية والعلاج الطبيعي هنا في مصر فسيد معوض طلب علاج نجله خارج مصر، الأهلي رفض طبعا وقال هصرف على لاعب مش بتاعي السنة اللي جاية فكابتن سيد قال أنا هعالج أبني».
واختتم شوبير: «عمر سيد معوض هيجري العملية في النمسا وبعدها هيعمل تأهيل في قطر ولسه عند رأيي هو موهبة طاغية وأحسن من ابوه 100 مرة وهيرجع إن شاء الله أحسن من الأول».