تداول رواد مواقع التواصل الاجتماعي، أغنية مسربة جديدة للفنانة شيرين عبدالوهاب بعنوان «القماص»، وتعبر كلماتها عن عن فتاة تنفصل عن حبيبها، وتصفه ب«القماص»، وذلك بعد تأكيد طلاقها عن المطرب حسام حبيب في بيان صحفي. تقول كلمات الأغنية: «سيبنا القماص اللي بيزعل ويشهد ناس.. قال بسم النبي حارسه وصاينه، عامل حساس رافع مناخيره لفوق والباقي يولع بالجاز.. ولا عنده عزيز ولا غالي ولا بيعز عزاز، آه سيبنا القماص اللي بيزعل ويشهد ناس.. قال بسم النبي حارسه وصاينه، أصله الحيلة الدلوعة عايز كلمته مسموعة.. وسايقها ألاطة وشغل جنان، نافخ نفسه على مفيش على راسه مثبت ريش.. وهيجي ده بالتطنيش رهوااان، الكل يجيله إنما هو ما يروحش لحد.. يتشال على الراس واتهدي ما عليكي قدي يا أرض، ميقدمش السبت وعايز ياخد الحد.. ماشيين بعلاج لأ مش ناقصه والله بجد». ويُذكر أنّ الفنانة شيرين عبدالوهاب، عادت إلى جمهورها من جديد وطرحت منذ أيام، أولى أغاني ألبومها الجديد، بعنوان «كلها غيرانة»، من كلمات الشاعر محمد مصطفى مالك، وألحان محمود أنور.