احنا مش فى مصر

زى ناس كتير عايشين فى مصر لكن مش فيها هتسألونى ازاى ؟
هقولكم الحكايه.......
انا مش فى مصر انا عايشه فى مدينه تلا محافظه المنوفيه وبصراحه من البدايه وانا من معارضى الثوره وكان عندى حق رغم انى كنت من الناس اللى بيرفضوا الفساد والنفوذ والسلطه الخاطئه والمجالس المرتشيه وبرفض تصرف (ال مبارك المحبوسين)فى مصر كما العزبه الخاصه بهم. المهم قامت الثوره ! قلنا احنا اكيد بنحلم احنا مش فى مصر . وشويه وبالتحديد يوم 21/3/2011 جالنا تليفون اخوكى فى المستشفى وحالته خطيره ايه ياجماعه اللى حصل اقولكم : اخويا (الله يرحمه) كان فى السنه دى بكالريوس خدمه جتماعيه ببنها وهو مروح طلع عليه اتنين بالسكاكين والمطاوى وضربوه ضرب مبرح ادى الى الموت . وقيدت الحادثه انها قتل عمد مع سبق الاصرار والترصد للمتهمين ودى بقى حكايه تالته النيابه عرفت من التحقيقات والشهود مين هما القتله وبعد شويه واحد سلم نفسه واسمه(محمد الابوصيرى؟ الشهير بحمدون الاباصيرى) واتفق مع محاميه رمى جميع التهم على المتهم الثانى ( محمد سعيد الحجرى) وهو لحد الان هربان وبعد ماوصلنا معلومات انه بيحاول يهرب بره مصر باسم مغاير عن طريق اهله . ساعتها افتكرت انى لسه بحلم وتمنيت ان النظام السابق كان يبقى موجود ساعتها مكناش هنجرى ورا القتله والمؤجورين علشان نجيب حق اخويا (الوحيد) ومكنش اصلا المتهم قدر يهرب بره البلد ومكنوش هيمشوا بالسيوف فى البلد بطولها وعرضها مع بيات نيتهم بقتل شقيقى مكنتش هنقض الثوره ومكنتش هكره مصر . بيقولوا ابعتوا كل الشكاوى بيقولوا اتصلوا علينا احنا موجودين علشانكم لكن جميع مواقع وزارة الداخليه والقوات المسلحه معطله بعتنا جوابات وفاكسات لكن مافيش رد !
اخويا مكملش عليه شهرين والثوره مكملتش شهرين لكن حق احمد عند ربنا وحق مصر عندنا احنا . وشوفنا احداث الطائفيه قلنا دى مش مصر احنا لسه بنحلم . اعزرونى انى مش قادره لحد دلوقتى اشوف الجانب الايجابى للثوره وهو التخلص من النفوذ وايه يعنى الملايين الحائره بين بنوك سويسرا وماله الاحزاب المرتشيه عادى بس كان هيجئ ساعتها حق اخويا؟؟ انا لااشكوا حالى الا لله عز وجل ولكن اوجه نداء الى كل انسان مصرى عايش فى مصر وعلى مصر انه لو يعرف ازاى اوصل مباشرتا لنشر المقال بالتحقيقات كامله للنيابه يقول لى وله جزيل الشكر ونامل انه بعد نشر الحوار فى الجرائد ان تكون فاتحه خير لكا مصر ؟
عنوانى مش بعيد انا مش فى مصر.........