بالفيديو.. مرشحة مسيحية تكشف أسباب خوضها الانتخابات على قوائم «النور السلفي»

أوضحت سوزان سمير، المرشحة المسيحية الوحيدة على قوائم حزب النور، أسباب التحاقها بالحزب الذي يحسبه البعض على الدعوة السلفية، مؤكدة أن أول تلك الأسباب رؤيتها أن الحزب أعطى شرعية للرئيس عبدالفتاح السيسي في 30 يونيو،
وأضافت، أثناء حلولها ضيفة على برنامج «90 دقيقة» على قناة «المحور»، مساء الثلاثاء: «لقيت إن المجتمع كله بيتكلم على إن هم الفصيل اللي موجود اللي ممكن يخاطب العقل بالعقل والفكر بالفكر وإن هم اللي يقدروا يصلحوا عقول الشباب المتأسلم وليس المسلم فقلت أكيد إن احنا محتاجينهم في الفترة دي، دي وجهة نظري أنا».
وأوضحت أنها ستكون «أول واحدة لو أعلن أن الحزب ديني أنا أول واحدة ضد الأحزاب الدينية، لكن لو حزب ليبرالي وبيشتغل لمصلحة المواطن ولمصلحة البلد إيه المشكلة».
وتابعت: «أنا شايفة إن حزب النور هو أكثر حزب دلوقتي منظم، مبيتكلمش لكن بيشتغل وحزب منظم وله شعبيته ووجوده نفضل معاه لغاية ما يصدر منه أخطاء ونعلن إن هو إرهابي إيه المشكلة».
وردًا على وجود من هاجموا المسيحيين من حزب النور، قالت «سمير»: «أمال أنا دخلت الحزب ليه، عشان نصالح، عشان نصالح المجتمع مع بعض، عشان حقن دماء ولادنا المسلمين قبل المسيحيين، عشان ده الأمل الوحيد إنه يعمل مرجعية لولادنا، (حزب النور أصبح الأمل الوحيد) لتجديد الفكر الديني، تجديد الخطاب الديني، هو ده الأمل».