بالفيديو.. أحمد الميرغني: تمنيت فوز الأفريقي.. وأي أهلاوي بيحب الزمالك يخسر

قال أحمد الميرغني، لاعب الزمالك السابق ودجلة الحالي، إنه تمنى فوز الأفريقي التونسي على الأهلي، في اللقاء الذي جمعهما مساء الأحد، وانتهى بتفوق الأحمر بهدفين لهدف.
وأضاف «الميرغني» في مداخلة هاتفية مع الإعلامي مدحت شلبي على قناة «ten»: انا زملكاوي، بلعب في الزمالك من 7 سنين، وبشجع الفرق اللي بتلعب أمام الأهلي بحكم زملكاويتي، وأي أهلاوي بيتمنى كده الخسارة للزمالك.
وتابع: :«كابتن شوبير قال إني مابحبش مصر، وده مش صح، ده كلام مشجعين كرة، واتقال إني بعمل كده عشان أرجع للزمالك، وده كمان غير صحيح، الزمالك فيه أفضل لاعيبه في مصر».
وأكد اللاعب: «أنا بحب الزمالك على الرغم من إني مشيت بطريقة وحشة، لكني أعشق اسم الزمالك، وصفحتي فيها صحابي وبكتب كده ليهم، وحتى لو مش أصحابي دي صفحتي وبكتب فيها رأيي».