أمينة متحف: تحدثت مع وزير الثقافة عن «المركزية» فسخر من «وزني»

روت عزة عبدالمنعم، أمينة متحف «محمود سعيد» بالإسكندرية، على صفحتها الشخصية بموقع التواصل الاجتماعي «فيس بوك»، تفاصيل حوار دار بينها وبين وزير الثقافة، الدكتور عبدالواحد النبوي، خلال جولته بالمتحف، الأحد.
وقالت «عزة»: «قولتله: يافندم في مشكلة بتواجهنا في المكان بتعطل أي إجراء، بخصوص المركزية.. أنا بعت طلب بخصوص علاوة الماجيستير وتعديل الدرجة من شهر 9 اللي فات، وضيعوا الورق، وبعته تاني ومفيش أي شيء تم، فرد عليّ: أنا بقى عندي مشكلة بخصوص الموظفين التخان».
وأضافت: «الوزير قال للمديرة: خليها تطلع وتنزل السلم كل يوم 20 مرة عشان تخس، وبعدين أنا دخلت كان المكتب مقفول، لا تكون كانت بتأكل جوا ولا حاجة، فردت المديرة: اوعى تكوني جايبة بطاطس محمرة جوا».
وتابعت: «أنا رديت على سيادته، وقولتله: هو الشكل من شروط وظيفتي هنا؟.. محدش قالي يافندم، أنا بقالي هنا أكتر من 7 سنين، وأنا من أوائل الخريجين، وسيادتك دخلت مكتبي وملقتش أكل، واتفضل فتشه بنفسك، وعلى كل الأحوال أنا عندي مشكلة بخصوص الناس اللي بتتعب، ومش بتاخد حقها».
وبحسب «عزة»، فإن وزير الثقافة قبل رحيله نادى عليها من مسافة 4 كيلو مترات، وقال لها: «عزة.. يلا بقى لفي في الجنينة عشان تخسي زي ما اتفقنا»، ما دفع للرد بقولها: «لا أنا مبسوطة بنفسي كده، ومش هخس، ياريت سيادتك كمان تكون مبسوط».