فيديو.. «أديب» مُنفعلًا: «المراسلين بياخدوا سيلفي في عزاء خالد صالح.. حرام عليكم»

انفعل الإعلامي عمرو أديب، بعد تهافت مراسلي الصحافة والإعلام بشدة على عزاء الفنان الراحل خالد صالح، غير مُراعيين أن للموت حُرمة، ليتحول العزاء إلى مهرجان، على حد وصفة.
وقال «أديب»، خلال برنامجه «القاهرة اليوم»، على قناة «اليوم»، مساء الإثنين: «كمية الفضائيات والناس اللي بتصور بهدلت الموضوع، كان لازم الكاميرات تصور من بعيد، لو عزاء أبوك أو أمك تحب يبقى المهرجان دا والدوشة دي؟، ويقولك شعب متدين بطبعه، طب محدش بيسمع القرآن ليه وماسكين الموبايل، اسمعوا القرآن واتعظوا».
وتابع: «ليه بتهجموا على الناس، ما أنت يا جاي تعزي يا ماشي من العزاء، تخيل تروح العزاء يقولك عايزين نتصور سيلفي، حرام عليكم سيلفي إيه في العزاء يا جماعة، الواحد ما بيحبش يبقى قليل الأدب، أنت جاي تعزي ولا جاي تتصور مع الفنانين، وبعد ما يتصور يطلع يشتم، والتريقة اللي بتنزل على تويتر، شوفتوا دي كانت لابسة إيه ودا عامل إزاي».
واستكمل: «اختراعات مصرية غريبة، أم السيلفي المصيبة اللي جرت لنا، إيه الفكرة يعنى نقرب من بعض أوي، جسم البني آدم ليه حُرمة، ليه تلمسني أو تلمسيني، شوية عودة للأخلاق الحميدة».
أين تذهب هذا المساء؟.. اشترك الآن