أثار القرار المشترك لوزيري الرياضة والشباب والصحة، خالد عبدالعزيز وعادل عدوي، بتنظيم الرقابة على صالات «الجيم»، والأندية الصحية (سبا)، جدلًا واسعًا على الشبكات الاجتماعية، فبموجبه سيتم فصل النساء عن الرجال في «الجيم» وتوحيد جنس مقدم الخدمة ومتلقيها. وتباينت ردود الفعل تجاه القرار بين مستخدمي «تويتر»، ورفضه البعض باعتباره تدخلًا في شؤون لا يحق للحكومة التدخل فيها، وأن ذلك يشير إلى حكم «الدولة الدينية»، وقال مؤيدون للقرار إنه لصالح النساء، بينما سخر فريق ثالث بقوله إن ذلك سيحول دون «شقط البنات» أو الارتباط بهن لأن البعض يعتبره «ملتقى العرسان». وبعد القرار ده هيبان مين كان بيروح الجيم يشقط ومين بيروح الجيم يلعب — الشربيني (@Shrbo) August 29، 2014 وقال حساب «وجدي ميز»: «من إمتى القوانين أو حتى الأخلاق بتمنع أي حد يعمل اللي هو عايزه.. وإسألوا #مدرب_المحلة». يعني باختصار، السيسي لما فصل بين الجنسين في الجيم ، إلى هاجموا مرسي على رفع الأسعار واتهموه بتحويلها دولة دينية، بيهللوا للسيسي دلوقتى — Anwar (@A7mdAnwar) August 29، 2014 وكتب إسلام صالحين: «مش فارق معايا وربنا المناظر اللي في الجيم ماكنتش تسر أوي المشكلة إن الشباب هيبطلوا يخشوا كل شوية يضربوا axe». يا ريت الدولة اللي هاتبعث لجان تفتيش عالفصل بين الرجال والنساء في الجيم، تمر على مستشفيات الحكومة تتأكد من الفصل بين المرضى والقطط الضالة — Mohamed El Dahshaن (@eldahshan) August 29، 2014 وتساءلت هبة خفاجي: «كم ف المية من جرائم التحرش بتحصل ف الجيم؟ طب كام ف المية ف الشارع؟ طب أنت سايب الفيل وماسك سوري ف ديله ليه؟ إيه الحاجة الماسة للمادة دي؟!». هما نزلوا الجيم على بطاقة التموين!؟ — ابو زعيبل الدعشوشي ™ (@HelpEGY) August 29، 2014 في حين قالت صاحبة الحساب «s_Bamby@»: «أول مرة أروح Gold's Gym مكنتش فاهمه ليه البنات عامله شعرها وحاطه مكياج لحد ما لقيت واحد جاي في وسط ال warm up بيقول لي ممكن نتدرب سوا!!». وتابعت: «اكتشفت بعد شهرين من اشتراكي إن كل البنات بتروح هناك عشان تقابل عريس.. وأعرف 7 اتخطبوا بالشكل ده»، مُضيفة «منعوا الاختلاط في الجيم يا منى».. ووجهت حديثها إلى الشباب قائلة «من ساعتين بس كانوا بيقولوا مصر مافيهاش مزز.. اتبترتوا ع النعمة أهي زالت». على فكرة فيه بنات ممكن ييجي لها انهيار عصبي من موضوع الجيم ده.. حيث إنه أحيانا الجيم هو مركز للتدريب وملتقى للعرسان.. بتكلم جد :)) — Miss Opium (@s_Bamby) August 29، 2014 ودافعت هند القاضي عن القرار معتبرة أنه لصالح النساء، فيما ذكر محمود عاصم أن القرار لا يشمل «منع الاختلاط في الجيم» وإنما يخص «النوادي الصحية زى (المساج، الجاكوزي، الساونا)». انتو متضايقين ليه من فصل السيدات عن الرجال في صالات الجيم؟؟ هو المفروض الست تروح تعمل ساونا وتطلع تلاقي واحد واقف يتفرج عليها ؟؟ — سارة فهمي (@sarafahmy2000) August 29، 2014 واعتبر فريق ثالث أن القرار ربما يحمل مميزات أخرى، مثل ترخيص رسوم الاشتراك، حيث كتب «باهر»: «الميزة الوحيدة في حوار منع اختلاط في الجيم ده إنه هايرخص الاشتراكات، أهي مصلحة طلعنا بيها من العته ده». اشتراك الجيم خلص الحمد الله وآخر مرة الفنانة دينا كانت بتتمرن معانا...لو القرار دة كان اتعمل ساعتها كنت هبقي مشروع شهيد — Lido (@PrinceManager1) August 29، 2014 وسخر ألفريد رؤوف قائلا: «طيب افرض داعش دلوقتي دخلت مصر، تلاقي مدرب بيدرب واحدة في الجيم على جهاز البايسبس والترايسبس، يا كفار؟ قلة أدب». اشترك الآن لتصلك أهم الأخبار لحظة بلحظة
