بالفيديو.. «أديب» ل«حملة صباحي»: لو معتذرتوش مش هسكت والباب يفوت جمل

شن الإعلامي عمرو أديب، هجومًا حادًا على حملة حمدين صباحي، المُرشح الرئاسي، بسبب تصريحات صدرت عن عمرو بدر، المُتحدث باسم الحملة قال فيها، إن أصوات المصريين بالخارج تحكمها محاولاتهم للحفاظ على مصالحهم الشخصية وعملهم واستقرارهم بالخارج، مشيرا إلى وجود «مخاوف» لدى بعض المصريين بالخارج من التصويت لصالح صباحي «حتى لا يتم ترحيلهم لمصر».
و أضاف «أديب» خلال برنامجه «القاهرة اليوم»، على قناة «اليوم»، مساء الثلاثاء، قائلًا: «لو الكلام ده مطلعش عليه اعتذار من حملة حمدين أنا مش هسكت، ده هبل وعته، متسائلا: «مين يعرف أنت مدي صوتك لمين؟، عيب أنتو كده بتهينوا المصريين وتعبهم».
و تابع «أديب» هجومه على «بدر» : « يا راجل اتكسف على دمك، دي نكته ده إحنا ننقلب على قفانا من الضحك، بيقولك حمدين عايز يروح يقطع تذكره يشوف الواحد اللي انتخبه في السويد، النتيجة تخجل يا راجل اتكسفوا عندكم فشل ذريع».
و أضاف : «عيب يا أخي هو اللي ميقفش معاك تهينه؟، ده لما مرسي كسب محدش مشى حد، متتكلمش كده على المصريين البلد قاعدة تنكت النهاردة يقولوا المركز الأول السيسي والمركز التاني الأصوات الباطلة والتالت حمدين، متتكلمش كده على المصريين، البلد قاعدة تنكت النهاردة يقولوا المركز الأول السيسي، والمركز التاني الأصوات الباطلة، والتالت حمدين».
و تابع : «ليه حجه البليد مسح التخته؟، قول أنك فشلت، أنا قاعد أحابي عليك عمال أقول محدش يضايق حمدين وباخد شتيمه لرب السماء، إحنا خلاص طهقنا، ناوين تكملوا كملوا مش ناوين الباب يفوت جمل محدش يهيننا».