شباب "فيس بوك" يضعون سيناريو خطف مرسى

هل يكون خطف الرئيس حلا؟ سؤال تناقله الشباب بعد افتكاسة لاقت آلاف الإعجابات عبر موقع "فيس بوك" نشرتها صفحة "افتكاسات مصرية " فى بوست لادمن الصفحة باسم مستعار "الالشاوى " تحت عنوان "هنجيبك يا مرسى فى شوال" و قال "الالشاوى": طاولة مستديرة يجلس عليها أشخاص لا تظهر وجوههم بوضوح بسبب الظلام المحيط بهم .. الشخص الأول: هنعمل إيه يا برنسات هنعمل إيه الراجل اتجنن وعامل لنا دستور غريب عجيب مشفتش زيه قبل كده .. الشخص التانى: أ أ أ أنا شايف لازم ن ن نوضع للمهزلة دى حد إنت رأيك إيه يا حمدين، الشخص التالت [اللى اتضح إن إسمه حمدين]: لازم نلجأ للعنف أنا شايف نقتحم القصر ونقتله.
الشخص التاني: ون ن ن نعمل منه بطل؟؟ مينفعش يابنى الكلام ده وبعدين لو قتلناه هيزوروا الإ إ إ إنتخابات تانى ومش هيسيبوا البلد برضه .. حمدين: أومال نعمل إيه يا بوب إنت الكبير فى القعدة وعارف خبايا الليلة .. الشحص التانى [واللى اتضح إنه بوب]: م م م ما هو الوضع صعب إ إ إ إحنا مش هنقدر نألب الناس عليه إحنا ناس نزيهة وملناش فى الشغل ده وبعدين دى لعبتهم.
الشخص الأول: إحنا نخطفه ونطلب منهم بدل الفدية يعينوا واحد فينا ريس .. حمدين: يا عم ما تبطل منقوع البراطيش اللى بتاخده فى العضل ده دول يهمهم فرد .. البوب: لا لا لا ب ب ب بالعكس دى أول كلمة تقولها عدلة يا عمورة من ساعة ما قعدت بس إ إ إ إحنا بدل ما نطلب فدية نهربه برة مصر ونوديه حتة مضمونة وأول ما كرسى الرياسة يفضى هيضطروا يمسكولنا الرياسة عالأقل مؤقتاً وإحنا نتصرف.
عمورة: يا عم إنت نسيت نائب الرئيس ولا إيه؟؟.. حمدين: إيه ده هو مكى لسه عايش؟؟ يا عم ده تلاقى أولاده مش عارفين إنه نائب رئيس.. البوب: ب ب ب ب بالظبط .. حمدين: يا ريتك ما اتكلمت يا بوب نص ساعة علشان تقول بالظبط؟؟
يقطع حديثهم صوت رنة موبايل.
البوب:إ إ إ إ إيه ده .. عمورة: لا يا عم ده رنة موبايل حاططها لضاحى .. حمدين: طيب رد يا عم شوف عاوز إيه .. عمورة: أيوة يا ضحضوح يا حبيبى لأ أدينا شبه اتفقنا عالليلة كلها بلغ شفشق.. البوب: م م م ما تقاطعش بس.. عمورة: بس هنوديه فين يا بوب؟ أمريكا؟.. حمدين: أه طبعاً ما إنتو بتوع أمريكا لأ كله إلا أمريكا .. البوب : ب ب ب بس يا حمدين إحنا فى ضفة واحدة هنا بلاش العرق الناصرى يطلع دلوقتى وبعدين لا لا لا إحنا مينفعش نوديه أمريكا إحنا هنوديه الإمارات .. عمورة: إنت حتهرج يا بوب؟؟ .. البوب: بالعكس شفشق مسيطر هناك ودى منطقته بص إحنا كده ضمنا الرياسة .. حمدين: وهبقى ريس خلاص.. عمورة: أيوة يا حمدين.. وتتوالى الضحكات المتقطعة الشريرة من جميع الأطراف.