العالم الأول ؟ هاء أو ديموقراطية ف بحر و جو حرية لكلاب تنهشنا و فى القفص فرخ يصَو صَو . . . . . . خايفين على بنوكهم تفضى و مش مهم شعوب ترضى دا أكل عيشهم فى الفوضى و رزقهم فى الخوف م العو . . . . . . يتلموا عالريِّس منهم و يحلبوه و يأمنهم من دم شعبه يسمنهم على أد ما يحوِّل يحلو . . . . . . العالم الأول ؟ هاء أو . . . . . . يبيع سلاح ياخد بترول صديق حميم و كلام معسول و لما يُقَع العجل يقول أنا كنت ضد نظامه السو . . . . . . دول صدعونا حقوق إنسان دول نصابين لابسين فرسان حِصار و فيتو و قص لسان أو عزل أو عقوبات أو أو . . . . . . بنستلف من أموالنا و بالربا نربى عيالنا و يكَرَّهونا ف أحوالنا تعلالى يابا . . أبوك ؟ كك بَّو . . . . . . ينضفوا قدام بيتهم و يحَدِّفونا بزالتهم و إللى يهوِّب ناحيتهم يا يبتسم يا يقول هَو هَو . . . . . . العالم الأول ؟ هاء أو . . . . . . للقرصنة أشكال أكتر مش بس عين عورة و خنجر دا بالقانون . . جوَّع . . هجَّر قرر و دمرهم فى التو . . . . . . آدى نهاية تلبيخهم فى ميت سنة . . إقروا تاريخهم حكام طغاة من تفريخهم و إشى إحتلال و مهانة و لهو . . . . . . خلينى من عالم رابع سابع . . و مش حابَّة تواضع ماكونشى من لبنك راضع حايجى يوم ندمان راكع يبوس إيدَيَّا . . وأقول له . . و لو . . . . . . العالم الأول ؟ هاء أو حسن العربى elarabi.de