يا دنيا سيرك و مهرجان

مغصوب عليكي يا دنيا مغصوب أنا بالعافيه
لا كان ليا فيكي أنا غيه ولا ليا فيكي أنا لزمه
بتعندي فيا و بتكسريني و عدماني ليه العافيه
تهت في طريقك و رجعت زي ما رحت حافيه
صدقوا إلي قالوه في المثل عنك أشغال شاقه و أخرتك إعدام
و أنك غداره و إلي متغطي بيكي عريان
و أنا مهما قلت عنك ما راح يكفيني فيكي ملام
ده مرارك طافح و همك على الكتاف أكوام
يا دنيا سيرك و مهرجان
فيكي وشوش على كل الألوان
وش مهرج و بهلوان
و التاني شر و ألعوبان
وشوش كتير و بنقبلها
وشوش نفارقها و تيجي غيرها
و وشوش مربوط مصيرنا بمصيرها
وشوش و مشيه مقنعه
خفية وراها أصلها
وما حد يعرف سرها
غير إلي عاشر أهلها
في وشوش تعاشرها تحبها
و وشوش تانيه تذمها
و أنا ياما قابلت كتير وشوش
وشوش كتير زي الهاموش
فى وشوش معرفتها على فشوش
و وشوش في ضعفك عنك تحوش
يا دنيا حفلة تنكرية
ناسك فيكي ليه ملهيه
و ليه بجراحهم مستقليه
ليه بتضحكي لما بذمك
زيدي في جرحي ولا يهمك
منا زي الطور خلاص بقيت
بلف في ساقية و مصدقت أوصل للنهاية القينى يادوب بديت
لفي حبالك حولية يا دنيا و مايهمكيش
منا ياما زمان قالولي مهما تيجي عليكي الدنيا ماتخافيش
و مهما تزل فيكي و تعاديكي مطاطيش
و أنا على النصيحة ده من زمان و أنا بعيش