يلا بينا نضم إيدينا

هو الطبيعى ف الزمن دا الحُب يتخِنِق
هو الطبيعى ف الزمن دا إن الأحبا تفترق
حتى المبادئ قدام عنينا دلوقتى بتتحِرق
ومن صدورنا كمان إيمانا بيتسرق
عَرَق الجبين اللى زمان كان شرف ما بقاش عَرَق
مات الضمير وكُلنا أصبحنا كدا فى حالة غَرَق
اتزغللت عيونا هو دا صُبح ولا كان غَسَق
والتوب الأبيض الناصع بقى مليان نُقَط
حاجات كتيرة جدت علينا والصح دلوقتى غَلَط
ماشيين حَيارى مش عارفين نحط فوق الحروف نُقَط
آمالنا إنه جُوانا إحنا لسه باقى شوية سَخط
يلا بينا نضم إيدينا قبل ما العُقد منا ينفَرط
د. رأفت شوقى قديس
سوهاج - جرجا