يا مصر حظك كدا في تبدل الأحوال من عمر ستين سنه حالك في أسوأ حال إن كان زعيمنا وأنور وبسلامته جمال ليه بس حظك كدا بين مطرقه وسندان ليه بس شعبك كدا عايش أسير الأحزان من جوع وفقر وبطالة وأزمة الإسكان وجت كمان الزبالة تغطي كل مكان هو نصيبنا كدا... لاه كفايه هوان حتي الضمير إنعدم وإتغطي بالنسيان أما الرشاوى وباء فاشي بلا إستئذان وكمان جناب الحكومة عن حقنا عميان إن قلنا يوم حقنا .إخرس صحيح حيوان دا الدعم عم البلد وعملي فيها غلبان والعيش ملاه الزلط وإتغطي بالديدان والزيت صفارة إنمحي أقرب إلي القطران وساكنين العشش... موتي بلا أكفان يا مصر يكفي بقي أشكال وراء أشكال مين بس يخلص لها ويرفع الأحمال حملك تقيل يا بلد عايزه ولد شيال يعيد حضارة بلد ويرجع الأزمان حملك تقيل يا بلد والفرح فيك محال ومنين يجينا الفرح أبكيتي عم وخال حتي الطفولة بقت من صفوة العمال ليه حاف عليها الزمن قبل الأوان بأوان يا شعبي أيه الحكايه خيرك في كل مكان رحت العراق والجزاير والقبل سوريا كمان وحدت فيها العرب وتجمع الإخوان تقولي زي منا ... لاه دا كان ياما كان شعر/محمد الغندور من ديوان أحلام شاعر ابن النيل