«شفيق»: «باركت لمرسي لما كسب الرئاسة ومارضيش يقول لي متشكر»

عبّر الفريق أحمد شفيق، المرشح الرئاسي الخاسر، مساء الخميس، عن استنكاره لعدم شكر الرئيس محمد مرسي له، بعد اتصاله به وقت انتهاء سباق الانتخابات الرئاسية.
وقال «شفيق» في برنامج «القاهرة 360»، مع الإعلامي أسامة كمال، على شاشة قناة «القاهرة والناس»: «ده أنا باركت للراجل مارضيش يقول متشكر، وكنت أتوقع يرفع التليفون يقول لي متشكر، وواحد سألني هتعمل إيه لما الانتخابات خلصت فقلت له هنزل أروح البيت لمرسي أقول له مبروك، فقال لي بجد، فقلت له بشرفي أعمل كده».
وأشار «شفيق» إلى أنه كان ينوي تنظيم معارضة على النسق الأمريكي، بعد انتهاء السباق الرئاسي، موضحًا: «أنا كنت ناوي أعمل جبهة معارضة قوية، وده كان كل تخطيطي ساعة لما عرفت النتيجة، وده ماكانش تخطيط قديم لأني كنت واثق من النتيجة ولما اتغيرت قررت».
واعتبر «شفيق» أن جماعة الإخوان المسلمين، إضافة لطرفين آخرين لم يذكرهما، تربصوا به وقت انتخابات الرئاسة، مشددًا على أنه أخذ أكثر من 13 مليون صوت، كما استنكر توزيع ورق على المساجد وقتها يفيد بوجود قناصة لضرب المسؤولين ومحطات الكهرباء وأن البلد ستغرق في الدماء حال فوزه، حسب تعبيره.
واتهم «شفيق» جماعة «الإخوان» ببيع قناة السويس، قائلاً: «واخدين قناة السويس وعايزين يبيعوها النهارده، ومشروعي كان جعل المنطقة ملكًا للمصريين مش بيعها لقطر أو غيرها».
كما وجّه حديثه للمعارضة، قائلا: «كنت عايز أمسك المعارضة عشان أعلمكم الشغل يبقى إزاي»، معتبرًا أن ساحة المعارضة في مصر «مش منظمة»، حسب قوله.