ألقي الشاعر كرم فصاد هذه القصيدة ضمن باقة من أشهر قصائده الوطنية والغنائية " طلع النهار، لمسة وجع، والبحر علي وجرح البنات" في أمسيته الشعرية بجامعة أسيوط. الجدير بالذكر أن هذه القصيدة أهداها الشاعر لروح شهداء الفكر: "الدكتور عبدالوهاب المسيري والدكتور محمد السيد سعيد والدكتور أحمد عبدالله رُزَّه" الذين أماتهم نظام مبارك كمداً علي موت حلمهم بحرية مصر وشعبها، وكانوا من بين مَنْ قادونا إلي ثورة 25 يناير المجيدة. الكاتب الصحفي والشاعر كرم فصاد أثناء أمسيته الشعرية بجامعة أسيوط "الدكتور عبدالوهاب المسيري والدكتور محمد السيد سعيد والدكتور أحمد عبدالله "سوط الوالي" مش انت لوحدَك المجروح ولا "مسيري" ولا "رُزَّه" دا كام مليون جريح زيَّك بيأذَّي وبيعاملوه في أوطانُه كما الوِزَّه عشان ياكل لابد يبيض ولازم يظبط المواعيد عشان سيدُه ما يتغذَّى وكام سيِّد في أوطانَّا غرز في القلب .. ميت غزَّه وبين الغزَّه والغزَّه تموت الوحدة والعِزَّه
وعاش الصمت جواكم وجوَّانا وماشية الخطوة همدانا تجُر في نفس عطشانا من السودان لباب غَزَّه وسوط الوالي كان عالي علي الأصوات وعامل كل منابرنا.. صالات وبارات وبعد السُكر يقتلنا ويرقص فوق جماجِمنا ويعمل دمِّنا مزَّه
ما تستغربش ما تستغربش يا محمد سعيد وتقول ما حدِّش بص للقاتل.. ولا المقتول دا كل الناس بتتفرَّق قُصاد الغول عشان الخوف ملجِّمهُم وفي ضلوعهُم عضام بارزه
دي ناس بتموت عشان كلمة صداها ينوَّر الدنيا وناس محتاجة للهِمَّة وصوت العقل واللمَّة وناس الخوف مجريها ومش لاقيه النفس فيها عشان غرقانه في الغُمَّة وناس فرحانة بالخدمة ومش دريانة بالأذمة وبايسه الإيد مع الجزمة وعاملين البلد غُرزَه
زمان الخوف خلاص عدَّي تعالي يا "رُزَّه" واتحدَّي وخلِّي "مسيري" بعد اليوم بصوت الحق يتوضيَّ وعشت العمر يا "رُزَّه" و"عب وهاب" وعاش الحلم بعديكم يدُق الباب وقول ل "سعيد" خلاص صوتك ماعدش بعيد خلاص بان النهار يا شهيد دا في الميادين عقول فازَّه وعارفه السكة والمغزَي. كلمات الشاعر: كرم فصاد الكاتب الصحفي والشاعر كرم فصاد أثناء أمسيته الشعرية بجامعة أسيوط الكاتب الصحفي والشاعر كرم فصاد أثناء أمسيته الشعرية بجامعة أسيوط الكاتب الصحفي والشاعر كرم فصاد أثناء أمسيته الشعرية بجامعة أسيوط الكاتب الصحفي والشاعر كرم فصاد أثناء أمسيته الشعرية بجامعة أسيوط