كلام مسئول

محمد صلاح: يا مساء الخير كل سنة وانتم طيبيين هنتكلم عن والظرف والظرفا فى مصر كتير سواء كانو منتجين للظرف او مستهلكين مدعوم او متشال عنه الدعم مفيش حد خالى من الهم او الظرف والظرف مش بس قهقة وضحك دا رؤية للحال اللى راح واللى حاصل واللى جاى رؤية متقلش عن المنطق والفلسفة وعن الحكمة بس من غير تقعر كمان الشخص الظريف فى المعقول يعنى مش اللى بيستظرف مش لدرجة ابن نكتة بتتفتحله دنيا بتضحك الظرف ما بيطحتش فى السى فى بتاعة الوظايف ولا فى ملف الطلبة اللى بيطحت فى شئون الطلبة لكن الشخص الظريف بتتفتحله الابواب الانسان الظريف رفيق سفر جميل يخرجك من الخوف من الطيارات ولا المراكب ويطمنك وفعلا اختار الرفيق قبل الطريق والانسان الظريف صديق رائع يخليك تبلع اضخم المشاكل لما بيقدملك رؤية للحياة وهمومها بكلمتين والظرف طبع بس برضه خبرة وثقافة من زمان ومصر فى اصعب الاوقات طلعت ظرفا كتير نصفهم اتحكى غاليا واتكتب غالبا واتنقل للاجيال لحد ما وصللنا عندنا ظرفا كتيرالظرف احتيال سلمى على الظروف وهواللى بيخرج من المحنة ومن البلية ضحكة بيقولك الانسان المصرى ظريف حتى لو كان عايش فى ازمة المهم ما يستظرفش لكن يقابل الموقف من المواقف الصعبة ويقولك عليه نكتة تستعمل معاه فزورة حلها لا يمكن يطرلك ابدا على بال يكتب شعر عامى غنائى غزل ولا حلمنتيشى الظرفا والناس المبهجين شعرالبهجة والمعنى الصعب اوى فى اصعب الكلام هيكون معانا النهارده كلام مسئول
تقرير
كان الظرفاء فاكهة المجالس فى مصر منذ جحا المصرى الى عبد الله النديم الذى مثل مرحلة فارقة فى حياة المصريين فى كافة صنوف الكتابة ومنها على وجه التحديد شعره ونثره الساخران والذى ضمهم عنوان جامع هو التنكيت والتنكيل يتنوع الظرف والظرفاء فى مصر الوانهم وابداعتهم لكن المؤسف حقا هو ان اخبار وقصص الكثير منهم لم تصل للاجيال الحالية لان اغلب تراث الظرفاء والحكايين شفائية يظل غارق فى العامية المتغيرة عبر الظرفاء فى مصر بكل سبل التعبير الشفاهى وكذلك بالكتابة نثرا وشعرا وغناءا وجاءت اعمالهم الاكثر قربا من الناس العاديين والاكثر ادهاشا حتى لمن لا يعترفون بالعامية ويخشون من انها لا تصمد امام الزمن ولكن هل مازلت مصر تلد ظرفائها ونكاتها شعرها زجلها ساخريها ومرارتهم ضحك الزمن منهم وضحكهم عليه
محمد صلاح: الظرفا غالبا عاملين زى منتجى النكتة يقولك سمعت اخر نكتة بس من غير ما حد يعرف مكين طلع النكتة دى ؟ ولا اول واحد قالها الكتاب والشعراء اغلبهم مجهولين واللى اشتهروا منهم قلة قليلين قوى من دول بقى الشاعرالهجومى بخيت ابن بيومى اللى هيكون لينا معاه النهارده كلام مسئول ومن كلام الشاعرالكبير بخيت بيومى الغناء والفن عموما وصل الى الحضيض واصبح لدينا ملايين من المرضى بالغناء او بالشعر او بالتلحين وهذه المهن هى الوحيدة التى تدخلها دون مؤهلات تعليم بل وحتى بلا بطاقة بل وحتى دون شهادة حسن سير وسلوك كتبت اغانى للام رغم انى فقدت امى وانا فى الخامسة وقال بخيت بيومى رحل العباقرة عن عالمنا ومن هم على الساحة نائمون اسفلت القمة بلا غطاء بدليل انهم لا تعيش لهم اغنية وهم انفسهم سرعان ما تواريهم عجلة النسيان اصحى يا نايم وحد رب العرش الدايم واسمع منى هنقول ايه ؟ اتقى شر شر مين ؟ من احسنت اليه دا مسحراتى بخيت بيومى هيكون لينا معاه دلوقتى كلام مسئول ارحب بالشاعر الكبير بحيت بيومى كل سنة وانت طيب يا استاذ بخيت
الشاعر/ بخيت بيومى : وانت فى سعادة وسرور وكل مصر متهنية وسعيدة من هنا لحد كوالالمبور
محمد صلاح: يا رب ان شاء الله انا عارف ان انت غاوى مقالب يعنى فالناس عمالة تسأل انت جيت بجد ولا مجتش ؟
الشاعر/ بخيت بيومى : بيتهيالى انا مجتش
محمد صلاح: طيب تعال بقى استاذ بخيت واحنا بنبتدى الحلقة قلت عايز تقول حاجة للبرنامج
الشاعر/ بخيت بيومى : لا اناعايزاقول انا جاى يمكن 4 ، 5 ، 6 تليفونات قبل ما اتكلم مع حضرتك يا استاذ بخيت احنا كلام مسئول انا خدت مقلب فى نفسى كلام مسئول ده يبقى اذنا واحد مسئول جاى يتكلم
محمد صلاح: لا الكلام هو اللى مسئول اللى بيجيى يتكلم هنا بيتكلم كلام مسئول
الشاعر/بخيت بيومى : يا سيدى انالا بحب اكون سائل ولا مسئول واكون فاتح ومش مقفول واكون فايق ورايق ومش مسطول وانا بحب اتكلم وكل كلامى من المجهول قال اتكلم كلام مسئول؟ دا عن نفسى فى الزمان ده مش مسئول قال اتكلم كلا مسئول ؟ انا لا كده ولا كده ولا حتى رب اسرة بعول دا انا ماشى على الهامش يدوب عايش لا ليا فى سياسة ولا رياسة ولا بالى بالحياة مشغول واملى فى لقمة طرية وطعمية وحبة فول واتمنى حبل المودة ما بين المواطن والحكومة يكون موصول انا يصراحة مسئول عن ورقى وعن بلدى وساعة الجد بشب والب واقول ياليل ياليلى يا ليل يا ياااااا
محمد صلاح: يا عينى حلوة الاغنية انت بتغنى من زمان
الشاعر/ بخيت بيومى : هما اللى بيغنوا احسن منى ؟ ما انت شفت الظواهر اللى طلعلنا الايام دى وحاجات ربى لا اسالك رد الغناء ولك اسالك اللطف فيه مش القضاء رد الغناء لان احنا فعلا فى محنة غناء الكلام معدش بيعلق
محمد صلاح: استنى بس ما تسبقش الاحداث ياعم بخيت دلوقتى من كلامك فى القصيدة اللى فاتت من الكلام اللى انا فهمته شايف نفسك غلبان وشايف نفسك ضعيف وكل سلاحك هو ورقة وقلم انت بطاقتك مكتوب فيها ايه ؟
الشاعر/ بخيت بيومى : مكتوب فيها بخيت عبد البارى بيومى حسن ومفيش مهنة مفيش فى البطاقة مهنة
محمد صلاح: ليه مش انت شاعر ؟
الشاعر/ بخيت بيومى : ما اعترفوش بالحكاية دية رغم اننا يعنى لما رحت اجددها علشان اجدد جواز السفر علشان عايز اعمل جولة خدوا البطاقة القديمة وقالولى لازم الاستمارة دى تتختم بختم الجمهورية طب منين ختم الجمهورية ؟ اذا كنت انا لا عضو فى نقابة ولا جمعية المؤلفين فيها ختم ولا اى حاجة خالص المهم علاقتى مع بتوع البطايق فى قسم الوايلى كتبوا الاستمارة وقالوا خلاص روح بعد كده استلمها من عند القواد الكبار خد البطاقة لقيت ما لقيتش فيها مهنة قال فيه قانون بيقولك انه لا يمكن يكتبلك المهنة ابدا الا اذا كان فيه حاجة كده فى الاستمارة مختومة المهم ايه ؟ المهم ادينوا البطاقة بلا مهنة جابوا الاستمار كتبوا فيها بدون عمل يعنى عاطل والبطاقة محتفظ بيها وماشى بالبطاقة القديمة والبطاقة بالنسبالى مهمة خالص
محمد صلاح: رغم انك معندكش مهنة رغم انك عامل اغانى 52 مسلسل اذاعى وتليفزيونى حوالى 700 اغنية 850 فزورة منهم 17 سنة مع الاذاعية الكبيرة امال فهمى السنادى فى 30 فزورة فى اذاعة الاغانى عن الالات الموسيقية انت عندك كام سنة دلوقتى ؟
الشاعر/ بخيت بيومى : 100 سنة شيل منهم 32
محمد صلاح: على اساس ايه انت بتحسبها ؟
الشاعر/ بخيت بيومى : انت عايزنى اقولك زى الناس ما بتقول بقولك عندى 100 سنة الا 32
محمد صلاح: طب دلوقتى انا دورت واحنا بنعمل بحث علشان نقدر فريق الاعداد نحاور الحوار بينا ملقتلقش ولا كتاب فى السوق
الشاعر/بخيت بيومى: هعمل موسوعة الحريف فى دولة التاليف لبخيت ابن بيومى الشاعر الرصيف انا بعتز بالرصيف لان احلى كتاباتى واحلى اغنياتى كتبتها على الرصيف كتبتها بالمعنى الصح على القهاوى يعنى فى اسكندرية تلاقى القهوة اتقفلت مرة القهوة دى فتحتها بقصيدة
محمد صلاح: ايه الواقعة ما تحكيلى الواقعى ؟ يعنى اتقفلت ليه ؟ واتفتحت ازاى ؟
الشاعر/بخيت بيومى: القهوة دى اتقفللت علشان صاحبة البيت اتعاكست من المعلم قفلتله القهوة وانا قعد على القهوة دى كتبت فيها حاجات مهمة قوى دا كتبت فيها اغنية ازى الصحة ؟ ازى الحال ؟
محمد صلاح: طبعا فل وعال العال يستهال الحمد وكل الخير علشان طيب وابن حلال
الشاعر/ بخيت بيومى : انت اللى طيب وابن حلال كتبت فيها الغنوة بتاعة حلوة يا ذوبة بتاعة محمود ياسين بتاعة مسلسل فصعبت عليا قفلها يا استاذ محمد فقلت للمعلم حميدوا الله يرحمه المعلم احمد دلوقتى اللى ماسك القهوة اللى بزوره دلوقتى كل حين ومين قال عايز تزود الايجار جنيه وانا مش هزودلها الايجار جنيه فقلتله تعال نروح لرئيس الحى رحنا لرئيس الحى كان متسلط فى الوقت ده كان فى التمنينات لما اتقفلت خلاص القهوة رحت كاتب قصيدة
محمد صلاح: فعملت ايه بقى ؟
الشاعر/ بخيت بيومى : فتحت القهوة
محمد صلاح: قلت ايه؟
الشاعر/ بخيت بيومى : فتحت القصيدة قلت الله يرحمه الكاتب الصحفى الكبير نبيل عصمت هو اللى سمانى بى بى لما اشتكيت من اسمى زمان سمانى بى بى قال الاسم ما ينفعش غيراسم بقال بخيت عبد البارى بيومى حسن
محمد صلاح: متهوينيش رجعنى للقهوة
الشاعر/بخيت بيومى : المهم ايوه كده خليك معايا المهم قلتله خلاص سبنى بقى رحت كاتب القصيدة 4 اصلا عايشين من قبل عام 60 بكتير قليل راضين طلعم ديابه عليهم وديابة ايه واصلين قالوا يا عينى بيشموا فيه كوكاين دول ناس غلابة فى حالهم وبرزقهم عايشين جايلك وجايب رخص ودموعه على الخدين انا شاعر غريب وماليش لا فى طور ولا فى طحين يرضيك يا عم معاذ يتبعزقوا المساكين ؟ كان فوزى معاذ محافظ الاسكندرية الجرنال نزل كنت انا نزلت مصر كلمنى المعلم حميدوا قالى الحقينى يا شاعر الدنيا مقلوبة ورئيس الحى بعتلى رئيس الحى بعد ما كنا رايحين نصالحه علشان القصيده صالحه وفتحله وزود الايجار نص جنيه بس
محمد صلاح: هو علشان كده فى ناس بيقولوا انك عندك ربع ضارب ولا ايه ؟
الشاعر/ بخيت بيومى : لا تلت تربع احينا لا خد الحكمة من افواه المجانين
محمد صلاح: يعنى يبقى السؤال علشان كده الناس بتقول ان عندك ربع سليم ؟
الشاعر/ بخيت بيومى : تعرف لو التلت تربع ضاربين ما كنتش عشت 72 سنة
محمد صلاح: انت اللى قلت التلت تربع ضاربين مش انا
الشاعر/ بخيت بيومى : انت بتقولى ربع قلتلك لا تلاته ضاربين ما هو لو التلاته ضاربين ما كنتش جتلك مبنى ماسبيروا كنت رحتلك مدينة الانتاج
محمد صلاح: اه صح الشعراء اللى عندهم نوع من الظرافة والمبهجين دول يعنى دايما مرتبطين من زمان قوى فى اذهانا بالصعلقة انت اتصعلكت كتير ؟
الشاعر/ بخيت بيومى : كتير قوى بص شوف مقدمة الموسوعة بتاعتى انا عملها فى 3 اجزاء موسوعة الحريف دى انا عملها فى 3 اجزاء ف الصفحة الاولانية هتلاقى الاهداء بتاع الموسوعة هيبان منه ان انا صعلوك وصايغ وصايع هو فرق نقطة واحدة بس معلش انا اسف خد بالك الاهداء لواحد صاحبى كان فنان ومات كان فى اى قهوة بلدى ينام يبات ويوم ما مات يوم ما عزل من سكات كان نفسى يبقى حاجة كان بيعشق كل حاجة كان زميلى فى المدرج كان فى جامعة الحياة قبل ما يرتاح يا عينى مات ومعاه الدكتوراه كان موصى يفحتوله ويدفنوه تحت الرصيف جنب منه بصلة ناشفة ويا لقمة من رغيف من ده يبينلك ايه انى انا ابن بلد زعيم البسطاء مفيش يروزة ولا اى حاجة نهائى يعنى حتى لما كتبت فزورة فى نفسى هتحس برضه انه فيها صعلكة
محمد صلاح: الفزورة عنك ؟
الشاعر/ بخيت بيومى : اه عنى
محمد صلاح: نسمعها نقول بخيت بيومى على طول ؟
الشاعر/ بخيت بيومى : اه طوالى تحس انى واصف نفسى لما كتبت 850 فزورة كتبت فزورة فى نفسى فقلت فنان وطول حياته حريف فى رؤياته وكل الهاماته من بنك الانسجام وشاعر ابن نكته مشهور فى كل حتة مولود فى شهر 6 الالغاز فزوريكى درجة اولى وبضحكته المهولة يتحب وبسهولة قوام قوام قوام يكتب فى كل حاجة ويعشق احلى حاجة ويقولك اى حاجة وبربنط فى الكلام
محمد صلاح: يا برنبط انت يا بربنط طب انت بدات حكاية الشعر دى امتى يعنى وانت كنت طالب ازهرى ولا قبلها ولا بعدها؟ انت كنت عايز تبقى مين ؟
الشاعر/ بخيت بيومى : كنت عايزابقى بخيت بيومى لان دى نسخة دى مش مكررة متلقيش منها اتنين ليه ؟ لان المشوار اللى مشيتوا ميقدرش يمشيه غير بخيت بيومى واخد بال حضرتك المشوار الصعب اللى انا مشيته
محمد صلاح: بدات فى البيت طيب ؟
الشاعر/ بخيت بيومى : لا انا عشت طفولة غير مرضية مش هقولك انه ابويا ابويا كان بيكتب اسمه بالعافية وكان بيمضى بالعافيه ما كنش يعرف ان ابنه هيطلع مكلمنجى ولا اى حاجة وبعدين انا مليش اخوات شققا اخوات اخوات كلهم خارج اللسته غير شققا خد بالك يعنى انا من 50 سنة خد بالك معرفليش لا خال ولا عم
محمد صلاح: انا باخد بالى متقلش خد بالك كتير دى لازمة بقى
الشاعر/ بخيت بيومى : لا خد بالك تقولى خد خد ايه ؟ خد بالى اقولك طب خد كمان
محمد صلاح: ادينى كمل
الشاعر/ بخيت بيومى : انا لقيت الشعر بيدورعلي كان لازم اكون شاعر يعنى لما اتخرجت من الازهر قلت بس كفاية لحد كده ثقفت نفسى بنفسى بدات الرحلة فى الستينيات بحوالى 500 غنوة فى الملاهى الليليه والصعلكة الحقيقية كانت هنا بقى
محمد صلاح: انا كنت هسالك عن تجربة الملاهى الليليه بس قبلها انا عايز اسالك امتى اول مرة خد اجر وكان كام ؟
الشاعر/ بخيت بيومى : كانت غنوة والله يا استاذ محمد بص انا مبحبش ازوق تاريخ حياتى لايمكن لايمكن
محمد صلاح: طب جاوبنى بقى من غير ما بحبش ازوق يعنى خد كام اول اجر وكانت غنوة ايه ؟
الشاعر/ بخيت بيومى : كانت غنوة بتقول فرحنى باى شكل طمنى باى شكل من يوم ما بعدت عنى ما دوقتش اى اكل عشان ما بكلش اجى انام ما بقدرش كنت اقعد فى الملاهى الليليه الغنوة تتكتب اخد 5 جنيه بالتقسيط
محمد صلاح: يعنى اول اجر خدته كان 5 جنيه ؟
الشاعر/ بخيت بيومى : لا كان 2 جنيه
محمد صلاح: مين اللى غنى الغنوة دى يا عم بخيت ؟
الشاعر/ بخيت بيومى : دا كتير دا فيه غنوة انا كتبتها فى المرحلة دية كانت سبب صداقتى بالعظيم الله يرحمه فؤاد المهندس هى اللى عرفتنى بيه لان كانت امنيتى انه انا اصاحب فؤاد المهندس وصاحبته كان املى اكتب فوازيرالاذاعة بتاعة امال فهمى وكتبتها 17 سنة متصلة امنياتى كلها اتحققت الغنوة دى بعتها 5 مرات
محمد صلاح: ازاى مش المفروض لما تبيع لواحد ما تبعش للتانى ؟
الشاعر/ بخيت بيومى : الغنوة دى لحنها خالد الامير ولحنها الله يرحمه حلمى امين
محمد صلاح: دى اغنية ايه ؟
الشاعر/ بخيت بيومى : يقوم يا شاء العليم القدير يسمعها فؤاد المهندس فى قاعدة مع خالد الامير وقالوا الاغنية دى انا عايز احطها فى المسرحية
محمد صلاح: اغنية ايه ؟
الشاعر/ بخيت بيومى : احمد يا عمرما تبصش للقمر دا انا العب 100 زيك على البيضة والحجر احمد احمد يا عمر انا غير كل الصبايلا يا ما قبلك مغرمين ودابوا كتير ورايا اخرتها الشوق يا عينى دخلهم السرايا لوعشمك في انا لو بعد 100 سنة من غير ماذون لا يمكن تدخل عندنا احمد يا عمر اتاخدت الغنوة صاحبت فؤاد المهندس من الغنوة دى بقى عملت معاها مسلسلات حطها فى مسرحية النجمة الفاتنة وعملت معاه شغل كتير جدا بسبب الغنوة دى المنرحلة دى كانت مرحلة اعداد مرحلة الستينات دى كتبت فيها الصعلكة وبعت فيها الغنوة مرتين فى الليلة غنوة كان اسمها اجيلك من هنا تروحلى من هنا وتشوفنى تدارى وشك وتعمل مش هنا نسيت خلاص قوام عشنا وملحنا غنوة برضه بعتها مرتين حكايتنا لسه فى اولها وانت فى عينيك حاجة ناويلها باين عليك زى ما قالوا مقطع السمكة وديلها كل الهنك والمنك كله انا اشتغلت فيه
محمد صلاح: فى مرحلة الصعلكة دى كانت مين شيتك ؟ كان مين الناس اللى بتقعد معاهم ؟ وهو صحيح لما صعلوك يقعد مع صعلوك يحصل قفله ؟
الشاعر/ بخيت بيومى : مفيش باقى منهم غيرفرفورفؤاد معوض اللى باقى لكن الله يرحمه سيد مرسى الشاعر الكبير الراحل محمد حمزة اللى كان اشتهر قبلينا وكان بيجبلنا الاكل ويدفعلنا حساب القهوة لانه قبض قبلينا واشتهر قبل مننا كان فيه ملحن زمان فى الستينات برضه كان بيلحن على الطلبية زى اللى بيلحنوا دلوقتى بيلحنوا كلهم على الاورج وكانت مرحلة جميلة جدا مرحلة الستينيات واتمنى انها تتكرر
محمد صلاح: يطلق على الجوفى الفترة دى انه يتيح للموهوبين بالظهور
الشاعر/ بخيت بيومى : لا كان مجرد انه اتغنالى غنوة او غنوتين يعنى فى المرحلة دى لما طلعت فى اوائل السبعينيات غنتيلى ليلى مراد غنتلبى صباح غنتلى سعاد محمد غنتلى عليا غنتلى وردة 76 جيت فى وقتك عملتلها الغنوة التانية اللى احنا دخلنا المحكمة بيها والحمد الله كتبتها ورجعت بعد 20 سنة اخونا وجدى الحكيم كان حمامة سلام خد منها الغنوة واهداها لاذاعة
محمد صلاح: قلى فى الفترة اللى هى فترة الستينات اللى كانت فترة تسمح بظهور المواهب هل لان المجتمع السياسى والواقع الاجتماعى فى الفترة دية بيساعد على كده ولا ولا لانه ما كنش فيه منافسة كبيرة وبالتالى لو حد ظهر هينجح دلوقتى فيه منافسة قنوات كتير وبرامج كتير ناس كتير برضه واللى بيسمعوا كتير واللى بيشوفا كتير
الشاعر/ بخيت بيومى: احنا جينا لما دخلنا الوسط الفنى كنا بنقتضى باساتذتنا انا كمؤلف كنت بقتضى بالاساتذة الكبار او بشوف هما بيالفوا ازاى ؟ يعنى صاحبت عبد الفتاح مصطفى كان استاذ كبير جدا وكان شاعر عظيم وكنا بنقتضى بالناس دول واللى مالوش كبير عمره ما يكبر الناس دى عاشوا مرة عاشوا مدى الحياه وكتبوا احلى وارقى المعانى بعد اللى كتبوه لا يمكن لاى حد يقدر يكتب زى اللى كتبوه فالمرحلة كانت خصبة جدا ناس موهوبة وناس مثقفين وموجودين المؤلف الصح موجود الملحن الصح موجود الصوت الصح موجود ومتهيالى بقى انا هقول تعبير معلش يا استاذ محمد مصر كانت حبلى بالمبدعين دول كلهم فى اوائل القرن العشرين وانجبتهم فى القرن العشري ولدتهم مؤلفين وادباء وصحفيين ومطربين ومطربات عملوا النهضة دى كلها ومن حظى السعيد انى انا عشت العصر ده وقبل ما يخلص القرن العشرين انسحبوا واحد ورا واحد كان اخرهم مين ؟ محمود السعدنى محمد الموجى وبليغ حمدى كلهم انسحبوا واحد ورا واحد وادوا رسالتهم وهيفضل القرن العشرين او النصف التانى من القرن العشرين دا هيفضل منطقة بارزة بالفن والادب وجميع الفنون من الحياة
محمد صلاح: اللى عاش الجودة فى الفترة دى بهذا التوجه يعنى انت فى حالة بتحس بيها باسى انه الزمن فاك يعنى ؟ يعنى بقيت وحيد لوحدك يعنى
الشاعر/ بخيت بيومى : انا عمرى ما حسيت انى انا وحيد انا عايش فى ظمبليطة انا قايلها فى رمضان السنادى ظمبليطة على الخريطة انا عايز 24 غير اللى 24 ساعة احس بوحدة ازاى ؟ يعنى علشان تقول انى انا معنديش ورثة مثلا ؟ لا الورثة موجودين جمعية الرفق بالحيوان وملاجىء الايتام اذا كنت هسيب اى مبالغ فى بنك الستر الدولى هكتبهم للايتام خد بال حضرتك
محمد صلاح: ليه الاسرة فين ؟
الشاعر/ بخيت بيومى : مفيش اسرة انا الاسرة
محمد صلاح: يعنى كلكم على بعضكم انت اسرة
الشاعر/ بخيت بيومى : انا اسرة مفيش الا انا
محمد صلاح: سايبين الشقة كلها وقاعدين فى اوضه
الشاعر/ بخيت بيومى : مفيش الا انا ما انت شايف اهو الدبلة بقلك خاطب بقالى 30 سنة ومش عارف اكون نفسى مش عارف
محمد صلاح: انا كنت بقصد يا عم بخيت انه اللى عاصرالموجى ومحمد حمزة وعبد الفتاح مصطفى لما بيرحلوا بيحس بنوع من الوحدة والزمن طبعا بيتغيربالياته بيبقى عنده نوع من الاسى والحنين الى السابق انت مش عندك الحالة دى ؟ بقول عندك ظيطة وظمبليطة
الشاعر/ بخيت بيومى : انت عارف انا عامل ايه السنة دى ؟ بمناسبة انك اتكلمت على العظماء دول انا عامل الاغانى فوازير تسمع الفوزرة تقول دية بفكر فى اللى ناسينى تقول بفكر فى ست الحبايب
محمد صلاح: طب عم بخيت ادينى نموذج يعنى من الفزورة دى؟
الشاعر/ بخيت بيومى : ما هو علشان انا بحب الناس دول خد بالك
محمد صلاح: تلاتة بالله العظيم انا واخد بالى اتفضل
الشاعر/ بخيت بيومى : خد بالك غنوة من الاغانى لما اسمعها مرة احب اسمعها تانى فيها الجواللى بيحلو وفيها برضه احلى معانى ولحن شعبى مالوش مثيل غنوة تفرح غنوة تسر مفيهاش عيا ولا بلا ولا مر تداوى اى قلب عليل وخلى بالك برضه شوية اصل الغنوة كمان وصفية ودى فى الاصل غنوة فصل فيها شمس وهوا على ميه وفيها كمان وصفة بلدية ودى غنتها النجمة زوزواللى صوتها جميل ورقيق غنوة فيها الضحكة الرايقة فيها مسابقة وفيها برضه ابو دم خفيف وفيها برضه ابو دم تقيل
محمد صلاح: عرفت انا الاغنية مش هقول ...................
الشاعر/ بخيت بيومى : شفت بقى علشان انا بحب الجيل الجميل ده خد بالك كتبت ايه ؟ برضه حبيت اروح لصلاج جاهين وكمال الطويل وسعاد حسنى
محمد صلاح: عم بخيت
الشاعر/ بخيت بيومى : حلوة قوى عم بخيت دى
محمد صلاح: بقولك ايه ياعم بخيت انت كتبت عن المسحراتى احنا فى رمضان المسحراتى ارتبطت فى اذهان الناس دايما بتراث مصر القديم يعنى وتخول الى شكل فلكولورى شوية بس انت كتبت برضه عن بابا نويل مش كده ؟ شفت انا ربطلك بين ايه وبين ايه ؟ يعنى
الشاعر/ بخيت بيومى : انت فكرتينى بالمسحراتى بعمنا يوسف داود لما جبته فى المسحراتية فى فرقة عوض الله الموسيقية يوسف داود محمود الجندى فاطمة عيد محمد العزبى محمد ابو الحسن دول من الممثلين اللى جبتهم فى المسحراتية وفرقة عوض الله الموسيقية وماشين فى الشارع فيه موال انا بحب فى المسحراتى احب اسلى واثقف فقلت فى حلقة القناعة ولو المخرج جب حلقة القناعة من المسحراتية ودى موجوده هيلاقى الموال ده اللى يوسف داود بيغنيه بيقول ايه ؟ بيقول غلبان وراضى بقليلى وبشد حيلى فى الشدة وساعة الضنك وكنز القناعة محصنى ضد الطمع والجشع وشغل الهنك وبنفس راضية بتعشى فول وطعمية وطرشى ورغيف بنص افرنك مع انا الكبير مربوط على درجة فقير بنام سعيد مبسوط لا حليتى غير القناعة والرضا والستر هو الرصيد فى البنك
محمد صلاح: يا سلام وعن بابا نويل بقى كتبت ايه ؟
الشاعر/ بخيت بيومى :بابا نويل ده انا بفتكره باستمرار فى اول السنة قلتله جيت الدنيا مشفتش بابا وعايزك بابا لمدة يوم اصل باباى من الناس الضايعة وجدى توفى فى حرب الروم وارث عنه الخوف من الحرب نفسى يا بابا تشيلنى يوم عارف انك مشغول جدا فى كل بلاد الله معزوم لكن ارجوا قبل ما تمشى تعرف ابنك ليه مزنوق يشكى من اللى بيجرى فى عالم كله غيوم فى غيوم شوف اخواتى فى فلسطين حزانا يتامى فى بيت مقسوم ناس فى الدم تنام وتقوم غرب وشرق رعد وبرق وصاحب حق خدوم وكتوم مصاب بجفاف وتشرد دولى حقه كلوه والانسان اصبح اى طريق يمشيه ملغوم ذرى نووى صواريخ عابرة فى كل مكان ارهاب بيزوم شوفلى الطالع قبل ما تمشى اصل يا متخليش ولا بيت مهدوم انا بتمنى اعيش فى سلام ولا اشوف ظالم ولا مظلوم ولا تاخدنى معاك يا سى بابا لعالم تانى يكون مضمون
محمد صلاح: كان ليك تجربة مع نجمة الفوازير تنبوكه هه ايه اللى بيضحك؟
الشاعر/ بخيت بيومى : بضحك فكرتنى بنيل انا اللى سمتها نيل لان اسم نيلى فيه نيل انت فكرتنى بنيلى وانا سعيد جدا ان انت فكرتنى بيها لان انا التقيت معاها سنة تنبوكة التوكة حبيبتى ماموصة ومخصمانى وانا خايفة اكون من كوكب الكلمانى خدلى حاجة تمليك وفرشها هو عشانى اه يانى كانت سنة من السنين الجميلة
محمد صلاح: طب ليها مكملتش مع شيريهان ؟
الشاعر/ بخيت بيومى : انا كتبت السنة دى وفهمى عبد الحميد كان حواليه مبدعين كتار واكبر منى انا لما اختارونى كانت طاقة القدر مفتوحة لان كان فيه عبد السلام امين وفيه عمنا صلاح جاهين وانا لما جيت يعنى مش عايز اقول ان فهمى عبد الحميد قال انا لو ادعيت فى مهرجان علشان ادخل بالفوازير ادخل بالتنبوكة لانه كان عاملها اوى لكن النهاية كانت بتعجبنى شوف انا قلت ايه عجبى على نجمة محبوبة اسمها نيلى
محمد صلاح: دى بقى حاجة لوحدها عملتها لنيلى
الشاعر/ بخيت بيومى : بص يا استاذ محمد القصايد عندى يا مدح يا ردح
محمد صلاح: على بركة الله ادينا فى المدح
الشاعر/ بخيت بيومى : قلت عجبى على نجمة محبوبة اسمها نيلى تشوفها على المسرح تسمى وعلى النبى تصلى طلعتها طلعة قمر عروسة فى شبابها لابسة حرير تلى ماسكة ادارة فنها بنفسها بالسنتى وبالميلى سالت واحد صديقى اقسم يمين بالتلاتة وبرحمة جده متولى انا كنت فى الشهر الفضيل افطر واستنى فوازيرها لو كلت خروف ضانى مشبعش الا لما اشوف نيلى
محمد صلاح: ومشى الحال يعنى
الشاعر/ بخيت بيومى : دى كانت سنة من السنين الجميلة بعدها فى 86 مسكت فوازير الاذاعة مع الاذاعية الكبيرة امال فهمى وانا كان نفسى اكتبها سنة كانت امنية من امنياتى كتبتها 17 سنة احلى شغل واحلى فوازير
محمد صلاح: ربنا يديك الصحة وطول العمر يا عم بخيت بقولك ايه انت ليك فى الانترنت والفيس بوك والحاجات دى؟
الشاعر/ بخيت بيومى : لا لا لا انا بخلى صحابى يشوفهالى تعال نتكلم فى البطيخ
محمد صلاح: ادينى فى البطيخ
الشاعر/ بخيت بيومى : انا عندى 3 بطيخات فى حياتى بطختين بتوع ميكى ماوس عبد الله احمد عبد الله وبطيخة بتاعة الملك فريد شوقى
محمد صلاح: اصل دا يتوقف على ايه البطيخة اللى انت بتقصدها ؟
الشاعر/ بخيت بيومى : لا ما انا بكتب فى البطيخ برضه فكان عامل عيد ميلاده فى اسكندرية فى اواخر التمنينات
محمد صلاح: مين فيهم ؟
الشاعر/ بخيت بيومى : فقالوا هنروح عيد ميلاده بالليل كنت معاهم بقى فالله يشفيه ويديله الصحة المنتصر بالله قالى انا هاخدوله مش عارف ايه ؟ طب انت هتاخد ايه يا عم بخيت قلتله انا ما خدش حاجة انا هاخد سطرين فالمهم قعد فى الجنينة عند صديقنا ابو عبد الله قعدت كتبت السطرين وبعد ما خلصت قلتلتهم انا عايز بطيخة القصيدة طالبة بطيخة وخد نفسى واحنا ماشين اشترينا بطيخة عيد الميلاد عامله فى المنتزه فى المعمورة وماكنش فيه بطيخ على ما اعتقد فجابوا بطيخة ب30 جنية صغيرة كده وعملولها فيونكة وخد البطيخة وطلعت على المسرح وقلتلهم انا جاى اهنى الملك بالفن والبطاريخ وفى قلبى حب ملك وفى عينى احلى تاريخ اسمحلى جلالة الملك اطلعلك المريخ سلام معتبر واضربلك الصواريخ والم اهل البلد ونطير النفافيخ وانت بس الملك والكل فى البطيخ اتاريها عامل الشريط ده وبايعه وبعد شهرين تلاته صحابى فى الدول العربيه قالولى ايه يا شاعر دا الشريط مكسر الدنيا رحت منزل فى الجرايد بخيت بيومى هيرفع قضية على الملك عايز حق الاداء العلنى فى قصيدة البطيخ المهم مش عارف شفته فين ؟ بعدها بسنة كده فى اسكندرية قالى رفعت قضية ؟ قلتله يا ملك دا عملت الدعاية دى كلها علشان الشريط يبيع يمكن تحن علينا بباكوين ولا حاجة
محمد صلاح: اوبشقة بطيخ مش كده ؟
الشاعر/ بخيت بيومى : التانية بقى كانت ميكى ماوس عبد الله احمد عبد الله الظريف العظيم الله يرحمه كنا عند الحاج كردى فى الوايلى كل واحد خادله بطختين المهم خد البطيخ ومشفناهوش ميكى ماوس خد البطختين ومدفعش غير نص فلوسهم هو دايما كان يسيب ديل كده لو 10 يقولك خد 5خلاص ماشى يا عبد الله 9 خد 4 وسيب 5 فكلمته قالى انا جيالكم بكرة فقعدنا نستناه لحد الساعة 3 بالليل مجاش فمسكت الورقة ورحت كاتب قصيدة البطيخ
محمد صلاح: برضه انت اى حد يعملك اى حاجة تضربه قصيدة
الشاعر/ بخيت بيومى : انا دخلت المحكمة مرتين بقصيدة وطلعت براءة بقصيدة
محمد صلاح: وقفلت قهوة بقصيدة وفتحتها بقصيدة
الشاعر/ بخيت بيومى : مش انا قلت لحضرتك انه قلمى احسن من فعلى كتبت قصيدة هى اللى بوظت القضية
محمد صلاح: قضية ايه بتاعة وردة
الشاعر/ بخيت بيومى : لا وردة ايه فى قضية وردة دخلت على القاضى وقلتله انا جاى من دبى خصيصا علشان المحكمة وعلى الشريط ده بنت حبيبى اللى الست وردة حبستها كسرت عضمها تكسير خلتينى اختل واعتل وان وازن واشتغلت غفير فيا هل ترى المحكمة تحن على الفؤاد اللى انجرح من المشى على المسامير؟ وفى الاخر اتحكملى بتعويض 10 تلاف جنيه بعد 20 سنة قلت لحضرتك كان اخونا وجدى الحكيك كان حمامة سلام فى عودة الوئام ما بينى وبين الفنانة وردة ولعلمك الغنوة بعتبرها بنتى انت عارف بتقول ايه ؟ اهى جت كده والقلب اهو مال اهى جت كده وانشغل البال لا شوفنا راحة بال بتدوم والعمر عدى يوم ورا يوم وعينيا حتى خاصمها النوم وكل ليلة على دا الحال واهى جت كده صعبت علي لانها حبستها وانا ما بسكتش عن حقى
محمد صلاح: امال مين يا عم بخيت ليلى زوابع مطربة الموانع ؟ مين دى ؟
الشاعر/ بخيت بيومى : دا ليلى زوابع دى بطلة من ابطال مسلسل فرح وفرقة المرح اللى هو كان مفروض يتذاع رمضان ده
محمد صلاح: ايه الشخصية اللى جتلك وايه الاسم الغريب ده ؟
الشاعر/ بخيت بيومى : ليلى زوابع دى فى المسلسل بتتجوز ابو النباهة شاعر الفكاهة وبتغنى اغانى الموانع كلها فمن ضمن الاغانى اللى بتغنيها ممنوع التدخيم يا حبيبى ممنوع التدخين عمال بتعفر فى الليلة علبة واتنين وسيجارة ورا منها سيجارة وفى صدرك كحة زمارة بتصحى الناس النايمين بتغنى كل الاغانى الممنوعة داخل المسلسل يعنى قصدى اقول انه شخصيات المسلسلات تختلف حاجة تانية يعنى انا ما بكتبش مسلسلات بس المسلسل دا فرح وفرقة المرح انا كتبته لسبب واحد عايز اضحك الناس واللى يضحك الناس ياخد الكاس عايز اقدم استعراض من خلال دراما كوميدية اقدم الفزورة فى قالب كوميدى تقعد كمشاهد
محمد صلاح: بمناسبة الكاس اهتماماتك بالكرة ازاى دلوقتى ؟
الشاعر بخيت بيومى : انا بحب الكورة طبعا وكتبت برنامج 8 سنين فى رمضان فى التمنينينات كنت بعلق على الكرة وانا فى شباك الكورة والتعليق الكروى مفيش شاعر بص منه كنت بعمل تعليق كل يوم جمعة كانه بيستنوه من الخليج لمحيط طول الاسبوع بجهز كله كله واجى يوم الجمعة اقول من طرزان مندوب الكرة سفيرنا القومى فى الماتشات وطرزان اصله وفصله ومعاه بقى مين ؟ سهم كاوتش وسيد لا لا ومستر اوزو كل البرتيته دى تحس انه الشخصيات دى اصحاب بخيت بيومى فضلت اعملها 8 سنين خد بال حضرتك استاذ محمد مفيش فن انا مكتبتهوش انا ابتديت من الاعلانات كتبت الفزورة بكل انهعها
محمد صلاح: عم بخيت رئيس الوزراء دكتور احمد نظيف تقوله ايه ؟
الشاعر/ بخيت بيومى : لا يا عم احنا هنخسر بعض لا عايز اقبله ولا يقابلنى طبعا اقله بس اقله واجرى اللى يسكن فى القرية الذكية يكون قد المسئولية يضمن لولاد بهية رغيف من غير طابور ونص كيلو لحمة ورغيفين وبطانية
محمد صلاح: طب اجرى بقى يا عم بخيت وانا
الشاعر/ بخيت بيومى : لا استنى اجرى فين ؟ انا امشى بمزاجى
محمد صلاح: مش رئيس الوزراء امال عايز ايه ؟
الشاعر/ بخيت بيومى : رئيس الوزراء دا ايه دا انا عايز اقول لسمير زاهر رئيس اتحاد الكورة اقوله من يوم صفر المونديال ما بسمعش بودنى الشمال
محمد صلاح: ظروفك اليمين شغالة ؟
الشاعر/بخيت بيومى : لا معرفش يمكن اصرت عليها ما بسمعش بودنى الشمال واقول لحسن شحاتة احلفك بالتلاتة انت اجدع من حسن شحاتة
محمد صلاح: هو حسن شحاتة اجدع من حسن شحاتة ؟
الشاعر/ بخيت بيومى : اه وعايز اقول حاجة كمان احنا اتكلمنا عن ال850 يعنى داخلين على ال1000مسالتنيش عن الفزورة اللى خلتينى ابكى
محمد صلاح: ايه الفزورة اللى خلتك تبكى ؟
الشاعر/ بخيت بيومى :وبعدين ما جبناش سيرتها كويس لان هى ست الكل ام كلثوم انا كتبت فيها كتير يعنى من 17 سنة كتبت فيها فزورة سنة ما عملت فوازير عن اشياء فى حياة الانبياء والعظماء كل عظيم وكل نبى لو حاجة سفينة نوح ذئب سيدنا يوسف هتلاقى الشخصيات العظيمة ام كلثوم هتلاقى المنديل هى دى فزورة من احسن ما كتبت وبعد ما كتبتها لقيت دموعى نازلة انا بعش ام كلثوم
محمد صلاح: وانا بحب المنديل سمعنى المنديل بقى
الشاعر/ بخيت بيومى : بيقول معاها يطول زمانى فى رحلة الاغانى فى العز الاولانى فى ليل اهل الهوى مصاحبها من سنين وفى ليل العاشقين سهرنا كتير سوا وعايش الجماهير فى المسرح الكبير نجم فى كل حفلة فى ايدها وهى داخلها واما الحفلة تحلى اتهز فى كل قفلة واتمايل فى الهوى ايه رايك فى القفلة؟
محمد صلاح: فظيعة انت فظيع فى القفلات
الشاعر/ بخيت بيومى : واقول كل عام وانت كمان فى صحة وسعادة وانسجام ودايما للامام انت وانا والاولاد والمدام وسلام
محمد صلاح: الناس الشعرا الظرفا المبهجين دول بيتحبوا وقعدتهم بتخلص بسرعة كان معان النهارده الشاعر الكبير بخيت بيومى اللى قال كلام معان كلام جميل كلام معقول اكيد كان كلام مسئول خلص الكلام سلام