تميم البرغوثي .. ابن رضوى ومريد: يا مصر هانت وبانت

تميم البرغوثي، شاعر فلسطيني مصري، حصل على الدكتوراه في العلوم السياسية من جامعة بوسطن بالولايات المتحدة الأمريكية، صدر له العديد من الدواوين الشعرية منها: "ميجنا" عام 1999، و"المنظر" 2002، و"مقام عراق" 2005، و"في القدس" 2009، وله كتابان في العلوم السياسية: "الوطنية الأليفة.. الوفد وبناء الدولة في ظل الاستعمار"، والثاني بالإنجليزية، بعنوان "الأمة والدولة في العالم العربي" 2008.
ويقول الكاتب الكبير علاء الديب عن تميم البرغوثي:"أ نت تعرف أن الشاعر ولد وهو يحمل على كتفيه الصغيرتين وروحه التى تحمل كل أثقال وأحمال أمة العرب وفلسطين، والقهر والشتات والظلم وغباء الأنظمة وأثقال الحدود والجدران "قصيدته فى القدس" التى زارها ولم يستطع أن يدخل لصلاة الجمعة فى المسجد الأقصى لأنه دون ال35 ، جعله فى مهرجان دبى أمير الشعراء، لا الشعر الذى يكتبه كأنه يتنفس، ولا السياسة التى يدرسها ويدرسها فى أكبر المعاهد والجامعات حملت عنه بعض القلق والغضب الساكن فى الروح والقلب، بل على العكس أرى النار والحمد لله تزداد اشتعالا:
انا ابن رضوى ومريد، واسمى تميم من تم
وكل دار للعرب لى فيها خال او عم
واللى يقول غير كده بينى وبينه الدم .
وفى مساء يوم 25 يناير 2011، كتب تميم البرغوثى قصيدة "يا مصر هانت وبانت" والتى ألقيت يوم 27 يناير، قبل جمعة الغضب، على قناة الجزيرة الفضائية، ثم غناها مصطفى سعيد فى ميدان التحرير، بينما ظل يكتب فى قصيدته " يا شعب مصر" وهو غائب عن البلد حتى أبريل 2011، حيث قرأها فى نقابة الصحفيين، كتب هذا الكلام فى السياق الذى قدم به ديوانه الصادر عن دار الشروق بعنوان " يا مصر هانت وبانت" والذي يعد من اكثر الكتب مبيعاً فى مصر وهو حالة شعرية سياسية وطنية متصلة لا تنقطع، حسب فيها الساعات بالقصائد والأبيات، وتتردد الأنفاس المكروشة المتقطعة بحثا عن بلاغ مبين لشعوب مشغولة لا تريد ان تسمع.
وفى قصيدته التى تحمل نفس اسم الديوان يقول البرغوثى :
يا مصر هانت وبانت كلها كام يوم...
نهارنا نادي ونهار الندل مش باين
الدولة مفضلش منها إلا حبة شوم..
لو مش مصدق تعالى ع الميدان عاين
ياناس مفيش حاكم إلا من خيال محكوم..
واللي هيقعد في بيته بعدها خاين
اللي هيقعد كأنه سلم التانيين للأمن بإيديه
وقاله هما ساكنين فين..
وصلت لضرب الرصاص ع الخلق في الميادين
حتى الجثث حجزوها اكمنهم خايفين..
يامصر أصبحنا أحياء وميتين مساجين
فاللي هيقعد في بيته يبقى مش مفهوم..
واللي هينزل الهي حارسه صاين
يامصر هانت وبانت كلها كام يوم..
نهارنا نادي ونهار الندل مش باين.
نهارنا نادي وبايدينا علي فكرة..
الصبح عنده فضول راح نعمل إيه بكرة.
إيده علي الباب وخايف يلمس الأكرة..
ادخل ياأستاذ براحتك والبلد حرة.
إحنا زهقنا نشوف الصبح من برة..
ادخل وخرج بقايا العتمة بالمرة.
الناس ديه حرة وجنود الأمن مضطرة..
ياصبح طلعت روحنا لجل تيجي ياخي.
طالعين نجبيها أهو فى كل حارة وحي..
حتى لو ضربونا بالرصاص الحي.
شوف الميادين كدة مفروشة خلق وضي..
دايما مفاجأة ودايما وقتها معلوم.
الحكم لينا وليك الحق يامداين..
يامصر هانت وبانت كلها كام يوم .
نهارنا نادي ونهار الندل مش باين..
ياصف عسكر بدال الدرع شيلوة اثنين.
25 يناير ياشباب فاكرين..
كان فيه انجليز ووزير الداخلية تخين...
كان عنده برضه عساكر زيكم جامدين.
سابهم يموتوا علولا لم سأل فيهم..
كانوا شبهكم اساميكم اساميهم.
ياعسكري البهوات اللي بتحميهم..
ممكن يردوا عليك لما تناديهم.
ياعسكري أنا أصلي بس بستغرب..
لو لاقي تأكل وتشرب قوم ياعم اضرب.
اضرب عشان الوزير من ضربتك يطرب..
لكن هتشتغل ايه لما الوزير يهرب.
أما الشديد القوي القادر أبو القادر..
برميل تلامة نشع علي مصر من الآخر.
لو شفته معددة تكتب ادب ساخر..
ثابت يقول للهرم ياكابتن اتاخر.
ولم يزل معتقد ان الهرم هيقوم..
ادي الحجر والبشر قايمين ياسيد القوم.
والدين هيترد ياللي عشت متداين..
يامصر هانت وبانت كلها كام يوم.
نهارنا نادي ونهار الندل مش باين..
ده حكم أسرة ولا خوفو ولا خفرع.
ولا وجع بطن يتعالج بزيت خروع..
عمل مسوجر بعيد عنك ولايطلع.
جربنا فيه كل شىء ملقينا شىء ينفع..
منفعش بالأدوية جربنا ألف طبيب..
ولا بعطارة شيوخ ليهم بلح وزبيب.
ولا بجحفل مغولى وضرب بالقباقيب..
عمل مسوجر وسفلي شغل تل أبيب.
وشغل أمريكا متغلف وختمة عليه..
ضيف زارنا ياعم من غير دعوة لابس بيه.
قعد 30 سنة مايقولش قاعد لية..
والنية يديها لابنه النابغة بعديه.
ويقول قضا وقدر بين البشر محتوم..
قولناله طيب ومين قال للقدر معلوم.
واش عرفك يافخمتك بالذي كاين..
يامصر هانت وبانت كلها كام يوم..
نهارنا نادي ونهار الندل مش باين