أغرب أسباب فركشة الجواز!

كل إنسان معرض في حياته إلى الفشل في الارتباط، ويحدث ذلك في كل مكان في العالم ودائما مايكون هناك سبب قوى خلف ذلك، إلا في مصر فكثيا ما تكون أسباب تافهة قابعة خلف الفشل ولكم العض منها!
* واحدة إتخطبت لواحد نزلوا يشتروا جزم قعد يقول لها خدي دي ودي وبعدين سابها تدفع وطلع المحل بتاع صاحبه وبينفعه
* عريس ومراته داخلين الشقة بعد الفرح ،لاقو فار معدي من قدامهم، العروسة صوتت قالها متخافيش هو دخل يمين واحنا هانخش شمال
* عرفت أنه إخوان وهو عرف اني ضدة فضل طول القعدة عندة هاجس اننا هتسمه من كتر الحب اللي اظهرناه لية
* واحد كان متقدم لواحدة وكان الجو شتا بتبصص عليه لاقيته لابس بنطلون بيجامة مخططة تحت بنطلونه.. طبعا باظت الجوازة
* واحد كان هيتقدم لواحدة ف 2004 وقبل مايروح يتقدم قالها مش هينفع نكمل سوا ده كل حاجة غليت وإزازة الزيت بقت ب 7 جنيه
* بيحكيلى عن حبه لصاحبته قلت نفسي حد يحبنى بالطريقة دى زيهم، فركشوا واتجوزنا وخلفنا
* ابويا وهو كل يوم يستنى امي ويمشي ورها بالعربيه لحد موصل لبيتها واتقدم كتيير واترفض اكتر بس وبعد 10 سنين اتجوزوا
* واحدة أتقدملها واحد طلق مراته.. أبوها عرف منه أسباب الطلاق وراح لمراته وصالحهم على بعض
* حضرت فرح لواحد بيتجوز تانى مره، اهل الأولانيه خطفوه وخدوه يطلقها
و اخوه كمل الفرح بداله " ببدله برتقانى "
* أبو العروسة شاف العريس لأول مرة حضنه وقال دا ابني وقال لبنته لو ما اتجوزتيش الراجل ده مش ح أعرفك !
* اشتغل في مدرسة انترناشيونال..راح اتقدم لأبوها وقاله أنا اشتغلت ممكن توافق..قاله ?..لما تحوش شوية..
* بيعرف نفسه: إوعي تفتكري إن شخصيتي مهزوزة
* عروسة بتهزر مع عريسها يوم الفرح طلبت من الدي جي يشغل "بحبك يا حمار" وقعدت تغني معاها وتشاور عليه..طلقها والفرح باظ
* سألني: حد مسك إيدك قبل كدة؟ آه والله
* قولتله عاوزة اشتري سمك من محل السمك الزينة قال هجيبهوملك انا وجابلي سمك بلطي وقالي ده افيد XD
* واحد فركش عشان خطيبته ساكنة بعيد وبيتعب في السواقة لما يزورها"
* أخت صاحبتي الصغيرة جالها عريس باباها حب يرفضه بذوق قاله مش هأجوّز الصغيرة الأول...راح جاب صاحبه يخطب الكبيرة
* أهله كانوا متضررين.أهلها قالوا احنا بنشتري راجل.. أمه ردت: واحنا ما بنبعش ضنانا
وباظت الجوازة
* بنت خالتي جالها عريس بيسألها بتحبي رياضة إيه؛ قالتله التنس..ضيق عينيه وقالها "ممم تنس..أبو مضارب ده؟؟"
* مامته قالتلي معندناش بنات بتدخل على النت أوعي تكوني بتقعدي على النت قولتلها لأ هو النت اللي بيقعد عندنا
* أم العروسة قالتله انت والله مافيك حاجة تتعيب بس انت أول واحد يتقدملها لازم نرفضك عشان الناس ماتكلش وشنا
‬