خطط لمستقبلك صح.. واشتغل نصاب!

-رفضتني عشان الواد التاني اللي بيقول شعر عامي ده
-وهتعمل إيه؟
-عندي خطة.
-يابني let it go..إبعد عنها..هيا اختارت.
-الموضوع ملوش علاقة بيها...أنا معايا دلوقتي 5000 جنيه..هشتري نص آلي.
-دي خطة؟ هتضربها بالنار؟
-لأ الخطة إني هطلع هخطف بنت محامي، وأخليه يشتغل معايا بالعافية.. وأنا هأجر سماسرة يشوفوا العقارات اللي مبنية في التجمع وأكتوبر وزايد والعبور وفاضية لسة مسكنتش.. واللي يسأل عليها يبعتوهولي كأني المالك... ويشتروا مني في مكتب المحامي ده بعقود هو مزورهالي ومش هيسجلها شهر عقاري.. وهيزور الأختام... سنة أو اتنين من البيع بوضع اليد على أملاك ناس.. هبقا حوشت 10 - 12 مليون جنيه...هشتري عربية مازيراتي جران توريزمو.. وهأجر الفنانة سارة سلامة كescort.. ولو حظي حلو ومكانوش أتجوزوا في السنتين دول لسة.. ممكن أروح أقعد في نفس الكافية اللي قاعدة فيه مع الواد الشاعر الشيوعي ده، وأنا نازل من عربية بمليون وربع وإيدي في إيد سارة سلامة. واتلذذ بنظرات القهر والندم في عينيها.
-طب افرض كانت بتحبه ومهمهاش كل المناظر دي؟
-منا بقولك نازل من عربية بمليون وربع وإيدي في إيد سارة سلامة..أنا مخسرتش حاجة anyway.
-طب ما تجرب تكتب شعر؟
-إممممممممم