· حسني خاطب العادلي في القفص: منعت الحشيش يا فالح أهو الشعب صحي · فريد الديب قال لمبارك: أنا هدفي التأجيل انتظارا للأجل.. فرد المخلوع: أنت لسه صغير علي الموت يا فريد · مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم ما أن انتهت الجلسة الأولي لمحاكمة مبارك حتي انفجرت صفحات التواصل الاجتماعي علي شبكة المعلومات بالنكات والقفشات والفكاهات! فقد تحولت صفحات الفيس بوك وتويتر إلي مهرجان نكات كبير، وليس هذا بغريب علي الشعب المصري الذي تميز بصناعة النكتة والذي طالما قاوم حكامه الطغاة علي مر التاريخ بسلاح النكتة الفتاك! «صوت الأمة» رصدت مهرجان النكت المنصوب في السطور التالية.. مبارك جلس مع العادلي في قفص الاتهام أثناء المحاكمة وقال له: «مرتاح.. منعت الحشيش يا فالح أهو الشعب فاق». لماذا كان يلعب مبارك في أنفه في المحاكمة؟.. لان الحكومة صادرت امواله ومناديل «الكلينكس». شارك جمال في برنامج «من سيربح المليون» فسألوه السؤال الأخير: من هو أكبر حرامي في مصر؟! فطلب اتصال بصديق فاتصل بأخيه علاء فقال له: «خد النص مليون ولاتفضحش أبوك» حسني مبارك اتصل بعمر سليمان بعد التنحي :ايه الاخبار عندك يا سليمان؟ قال:الدنيا زي ماهيه «العيال» قاعدة في التحرير قاله :طب ابعت المسلمين السعودية والمسيحيين امريكا واقفل البلد علي العيال دي وتعالي. مبارك قال لأعوانه : فين الفلوس؟ فقالوا له: أنت ناسي يا ريس أننا انفقنا الملايين علي البلطجية والحمير في موقعة الجحش . سألوا مبارك في بداية حكمه عن مدة رئاسته فقال: لأقرب الأجلين يوم القيامة أو وفاة الشعب. فريد الديب قال لمبارك : يا ريس أنا اهوه شغال أطوّل واجلّ في القضية يمكن أجل ربنا يجيي فرد الريس علي الديب: ما تقولش كده يا فريد علي نفسك انت لسه صغير ربنا يديك الصحة». سألوا مبارك عن رأيه في التغيير ، قال : «التغيير ده سنة الحياة » قالوا :طب وسيادتك مش هتتغير؟ قال : أنا فرض ولست سنة. سوزان وجيمي(جمال) وحسني استقلوا سيارة تاكسي.. حسني قال: أنا لمّا بذهب لافتتاح مشروع مليون مواطن يصفقوا لي اما سوزان فقالت أنا لمّا بذهب لمستشفي السرطان نص مليون بيصفقولي اما جمال فقال: لما بدّخل مقرالحزب الوطني ربع مليون بيصفقوا لي فرد سائق التاكسي: وأنا اذا دخلت بيكم في الحيطة 80 مليون هيصفقوالي. حسني مبارك كان في اجتماع مع مجلس الوزراء فاتصلت سوزان مبارك أثناء انعقاد الاجتماع وقالت له: البيت بيتسرق يا حسني قالها «ازاي والحرامية كلهم معايا هنا» . حسني سرق سبعة ملايين فذهب لشيخ وقال له: أنا عايزالفلوس دي تكون حلال حلال فقال له اطلّع عمرة ولف حول الكعبة سبع لفات فذهب الي مكة ووجد نظيف بيجري جامد فقال مبارك لنظيف: انت بتجري كده ليه كل دي سرقة فرد عليه نظيف: ابنك علاء بيلف بموتسيكل منذ أسبوع من كتر اللي سرقه. ست اشتكت لسوزان بتقولها الراجل باع نص البيت والدهب عشان يجوز الواد ردت عليها سوزان: "دا انا جوزي باع الشعب كله عشان يجوز الواد" «بيقولك مرة شيخ اتمسك في أمن الدولة وسابوه راقبوه أول يوم لقوه ماشي في شارع الهرم راحوا مكلمين الريس و قالوله الشيخ تاب ياريس تاني يوم وجدوه في كباريه قالوا الشيخ تاب وأناب ياريس ثالث يوم وجدوه في الأتوبيس بيسرق واحد قالوا الشيخ تاب وأناب وبقي من الحزب الوطني ياريس. مبارك قال لإبليس: أنا عايز اعمل في الشعب المصري حركة تطلع من نافوخهم . إبليس : طب هات ودنك وخد الفكرة دي... «وش وش وش وش» مبارك: لالا يا ابليس الفكرة دي مش نافعة عاوز حاجة أشد إبليس : طب خد دي ...... وش وش وش وش مبارك: لالا برضه مش نافعة ايه يا ابليس انت بقيت خرع كده ليه هات بقه ودنك وأنا اقولك انا نويت اعمل فيهم ايه «وش وش وش وش وش» ابليس: لا يا راجل حرام عليك. . لماذا لم يتنح القذافي حتي الآن.. لان مبارك وبن علي رفضا استقباله لان جهازالبلايستيشن ليس به ذراع ثالث، هذا وتقوم حاليا إحدي الشركات بابتكار جهاز له اذرع بعدد الدول العربية حفاظا علي الشعوب "مبارك علي سرير المرض ووصيته لرئيس وزرائه أحمد نظيف:الحكم من بعدي، فأجابه: في رقبتي يا ريس..كله تمام، والسلطة هياخدها ابنك جمال. ثم راح في غيبوبة، أفاق منها بعد قليل وقال لأحمد وصيتك الشعب من بعدي، فأجابه: ما تخافش يا ريس..الشعب يأكل الزلط. ثم راح في غيبوبة، أفاق منها بعد قليل وقال له "أحمد ما تنساش تعطي توكيل شركة الزلط لابني علاء". بلطجي سألته قناة الجزيرة: إنتوا ليه بترموا مولوتوف علي الشباب ، فرد قائلا :" العيال دول بيرموا علينا قنابل "بلوتوث". إعلان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة علي نهب الاموال. نبأ هام قرر مبارك الترشح لرئاسة تونس والتونسيين يطالبون بعودة بن علي للحكم. في عيد ميلاد حفيد حسني مبارك ..كل وزير قدم هدية للحفيد ..ما بين طائرة لعبة.. ومسدس مياه اما حبيب العادلي فكانت هديته للحفيد ثلاث مدرعات أمن مركزي وأربع مخبرين لعبة. قالوا لحبيب العادلي: من أين لك هذا ؟ قال: هذا من فضل ربي رد الشيطان عليه و قال: يا واطي يا ناكر الجميل. ذات مرة توني بلير و بوش و حسني مبارك لعبوا ماتش كرة وأثناء لعبهم الكره وقعت في بحيرة مليانة تماسيح مفترسة توني بلير أمر واحد من الحرس بتوعوه انه ينزل يجيب الكرة من البحيرة.. الحرس قال له ماينفعش انزل علشان انا عندي ولاد و عايز أعيش و أربيهم بوش امر واحد من الحرس بتوعه انه ينزل يجيب الكرة من البحيرة فقال: اعترض لن أنزل علشان عندي ولاد وعايز اعيش و اربيهم، أما حسني مبارك امر احد افراد الحراسة الخاص به بأن ينزل ويجيب الكرة من البحيرة.. العسكري مكدبش خبر راح قالع هدومه و نازل البحيرة وفضل يصارع التماسيح و التماسيح اكلت اديه و رجليه بس بعد كل ده جاب الكرة فبيسألوه انت ليه نزلت مع انك عارف ان البحيرة مليانة تماسيح مفترسة قال لهم انا عندي عيال و عايز اعيش و اربيهم. إبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعمايلك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"! مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم. اشتكي حسني مبارك لحبيب العادلي إن "حمو النيل "ما بيخلهوش ينام ..بعد تلات تيام اتصل بيه العادلي وقاله تمام يا فندم قبضنا علي كل اللي اسمهم حمو وجاري ردم النيل سعادتك. حسني مبارك بيخطب في الشعب بصورة مكررة فصاح احد الحاضرين قائلا: عاش حسني مبارك موحد الأديان وجلس فيكمل مبارك خطابه وبعد فترة صاح نفس الرجل ويقول عاش حسني مبارك موحد الاديان وبعد انتهاء مبارك من خطابه القت أمن الدوله القبض علي هذا الرجل وبعد وصلة ضرب وتعذيب «وطااااااااخ طيييخ طوووخ » قال له الضابط: «ايه اللي بتقوله دا ازاي ازاي الريس موحد الاديان ومصر فيها مسيحيين ويهود ومسلمين» وطااااااخ طييخ طوووخ «فردالرجل للضابط قائلا " يا باشا ماهوه الي مكفر الكل» رجل استقل تاكسي فوجد السائق معلق في سيارته صور لجمال عبد الناصر وانور السادات وحسني مبارك فتعجب الرجل سأل السائق: من هؤلاء الاشخاص اللي أنت معلق صورهم عندك. قال له هذا جمال عبد الناصر الزعيم المصري الراحل وهذا أنور السادات قائد حركة السلام والامن في البلد وهذا حسني مبارك أبو علاء شريكي في التاكسي. زكريا عزمي ماشي مع مبارك في نزهة علي البحر شاهد قصرا في وسط البحر فسأل مبارك زكريا عزمي عن من صاحب هذا القصر فقال له هذا ملك لعلاء ابن سعادتك فسأل مبارك زكريا عزمي عن صاحب اليخت الذي في البحر فقال عزمي هذا ايضا ملك لعلاء ابنك فقرر حسني مبارك ان يتفرج علي القصر فدخل غرفة النوم فوجد مبارك طقم الماظ غالي جدا فرد مبارك متعجبا يااااااه يا ابن الايه يا علاء كل ده من مصروفك ........ يقال إن السيد الرئيس كان مسافرا ذات مرة و راكبا الطائرة فرأي مصر من أعلي وشاهد خطوطاً طويلة سوداء تملأ مصر كلها فسأل رئيس وزرائه : " ايه يا نظيف ده ؟ ايه الخطوط السوداء دي ؟" - فرد نظيف "دي طوابير يا فندم ! طوابير عيش ! " ايه ده ! هو الشعب لسه معاه يشتري عيش مواطن أثناء استقلالة سيارته في زحام المرور فوجئ بأحد الاشخاص يستوقفه بسيارته وقال له: الرئيس حسني مبارك خطفوه والفدية 5ملايين دولار واذا لم يتم دفع الفدية .. الخاطفين هددوا بقتله ونحن نقوم بحملة تبرعات .. تحب تشارك؟ فرد هذا الشخص : " من 5 الي 10 لتر بنزين.
